កំពង់ឆ្នាំង៖ទិវាទិវាវប្បធម៌ជាតិ៣មិនា លើកទី១៧ បានប្រារព្វធ្វើឡើងនៅព្រឹកថ្ងៃទី១១ ខែមិនា ឆ្នាំ២០១៥ នៅក្នុងមន្ទីរនយោបាយខេត្តកំពង់ឆ្នាំងក្រោមប្រធានបទ«យុវជនដើម្បីវប្បធម៌ជាតិ»ក្រោមអធិបតីភាពឯកឧត្តម អ៊ុក សុជាតិ រដ្ឋលាខាធិការក្រួងវប្បធម៌និងវិចិត្រសិល្បៈ ដោយមានការចូលពី លោកជំទាវអភិបាលរងខេត្ត សមាជិកក្រុមប្រឹក្សាខេត្ត ប្រធានមន្ទីរជុំវិញខេត្ត និងយុវជនជាសិ ស្សវិទ្យាល័យជាច្រើនបានចូលរួមយ៉ាងកុះករ។
លោកជំទាវ ប៉ាល់ យឿន អភិបាលរងខេត្ត បានអានសន្ទរកថាបញ្ជាក់អោយដឹងថា៖ ការប្រារពទិវាវប្បធម៌ជាតិមានសារៈសំខាន់ណាស់ ដែលជារៀងរាល់ឆ្នាំបានប្រារព្វធ្វើឡើង ក្នុងគោលបំ
ណង រំលឹកគុណូបក្ការៈដ៏ធំធេង របស់បុព្វបុរសរបស់យើង ដែលបានបន្សល់ទុកនូវសម្បត្តិវប្បធម៌ដ៏សម្បូរបែប សំរាប់យើងគ្រប់ៗរូប ជាកូនចៅជំនាន់ក្រោយ និងជាទិវាបង្កើននូវសេចក្តីស្រឡាញ់ព្រមទាំងស្មារតីចូលរួម ថែរក្សា ការពារ សម្បត្តិវប្បធម៌ទាំងនេះអោយឋិតឋេរគង់វង្សរហូតតទៅ។
សម្បត្តិវប្បធម៌គឺជាដួងព្រលឹង និងជាអត្តសញ្ញាណជាតិ សម្បត្តិវប្បធម៌របស់បុព្វបុរសខ្មែរ យើងមានកិត្យានុភាពល្បីល្បាញពេញសកលលោក ជាមរតប្រកបដោយសក្តានុពលដ៏ធំធេង រួមចំណែកអភិវឌ្ឍន៍វិស័យទេសចរណ៍ លើកស្ទួយសេដ្ឋកិច្ចជាតិ ជាមូលដ្ឋានផ្សារភ្ជាប់ទំនាក់ទំនងពីសង្គមមួយទៅសង្គមមួយ អោយចេះរួមរស់ជាមួយគ្នា ប្រកបដោយសុខដុមភាព គ្មានការរើសអើ
ង។ដូច្នេះយុវជនមានតួនាទីសំខាន់ណាស់ក្នុងការទទួលយកការបណ្តុះបណ្តាល និងផ្សព្វផ្សាយការផ្ទេរចំណេះដឹង បច្ចេកទេស និងទេពកោសលវប្បធម៌ចម្រុះ ដើម្បីរក្សាកេរ្ត៍មរតក សម្បត្តិវប្បធម៌ដ៏រុងរឿងរបស់បុព្វបុរសខ្មែរយើង អោយបានគង់វង្សតរៀងទៅ។
នៅក្នុងទិវាវប្បធម៌ជាតិនេះ ឯកឧត្តម អ៊ុក សុជាតិ រដ្ឋលាខាធិការក្រួងវប្បធម៌និងវិចិត្រសិ ល្បៈ បានថ្លែងអោយដឹងថា៖តាមស្មារតីសារាចរណ៍ណែនាំលេខ០១សរណន ចុះថ្ងៃទី២៦ ខែកុម្ភៈ
ឆ្នាំ២០១៥នេះ រាជរដ្ឋាភិបាលបានកំណត់យកប្រធានបទ «យុវជនដើម្បីវប្បធម៌ជាតិ» ធ្វើជារបៀបវារៈនៃការប្រារព្វធ្វើទិវាវប្បធម៌ជាតិ៣មិនា លើកទី១៧ ក្នុងគោលបំណង់ជុំរុញធ្វើអោយប្រជាជន មហាជន ពិសេសយុវជនដែលជាទំពាំងស្នងឬស្សីបានចូលរួម៖បង្កើនការដឹងគុណចំពោះបុព្វបុសដែលបានកសាងសម្បត្តិវប្បធម៌ជាតិដ៏សម្បូរបែប ។ យល់ដឹងកាន់តែច្បាស់ពីតម្លៃសម្បត្តិវប្បធម៌
ជាតិ ដែលជាប្រភពមិនចេះរីងស្ងួតក្នុងការអភិវឌ្ឍន៍សេដ្ឋកិច្ចជាតិ ស្រឡាញ់កាន់តែខ្លាំងឡើង និងមានស្មារតីចូលរួមថែរក្សាការពារ វប្បធម៌ជាតិ និងវប្បធម៌ចំរុះនៅក្នុងកម្ពុជា អោយស្តិតស្ថេរគង់វង្សដោយចេះប្រើប្រាស់សក្តានុពលវប្បធម៌ ធ្វើជាមូលដ្ឋានគ្រឹះ ក្នុងការអភិវឌ្ឍន៍សេដ្ឋកិច្ចស ង្គមតាមការបង្កើតសេវាកម្មនិងផលិតផលវប្បធម៌សំរាប់គោលដៅពាណិជ្ជកម្ម និងទេសចរណ៍។
នៅក្នុងឱកាសនេះដែលក្រុមសិល្បៈយុវជនបានសំដែលរបាំ និងរឿងល្ខោនអប់រំខ្លី ជូនអង្គពិធីទស្សនា ហើយក្នុងនោះដែរអ្នកចូលរួមក៏បានឧបត្ថម្ភថវិកាមួយចំនួន លើកទឹកចិត្តដល់ក្រុមសិល្បៈយុវជនយើងផងដែរ៕
