ភ្នំពេញ៖ ដោយសាតែនារីជាសង្សាទារទៅផ្ទះតែភាគីខាងប្រុសស្នេហ៍មិនព្រមជូនទៅនៅអូសក្រឡា មិនដឹងមានបំណងអ្វីជាហេតុធ្វើឲ្យស្ត្រីជាសង្សាខ្លាចនិងដាច់ចិត្តលោតពីលើម៉ូតូ ដែលកំពុងជិះ ធ្វើដំណើរតាមផ្លូវបណ្តាលអោយមានការណ៍ភ្ញាក់ផ្អើលទាំងកណ្តាលយប់។ ហេតុការណ៍នេះកើតនៅ វេលាម៉ោង១២និង៣០នាទីរំលងអាធ្រាត្រ ឈានចូលថ្ងៃទី១១ ខែមិនា ឆ្នាំ២០១៥ តាមបណ្តោយ ផ្លូវ១៨៤ កែវិថីព្រះនរោត្តមក្នុងសង្កាត់ជ័យជំនះខណ្ឌដូនពេញ។
តាងមប្រភពព័ត៌មានពីកន្លែងកើតហេតុបានអោយដឹងថានៅមុនពេលកើតហេតុមានគូសង្សា មួយគូជិះម៉ូតូមួយគ្រឿងម៉ាកហុងដាឌ្រីម ពាក់ស្លាកលេខបាត់ដំបង 1J-8656 ដែល
កំពុងធ្វើដំណើរតាម បណ្តាយផ្លូវព្រះនរោត្តមដោយកំពុងតែប្រកែកគ្នាលើម៉ូតូតែមិនដឹងមូលហេតុអ្វីខណៈមកដល់កែងនិង ផ្លូវលេខ១៨៤នារីជាសង្សាក៏បានលោតពីលើម៉ូតូដែលកំពុងតែធ្វើដំណើរបណ្តាលអោយរងរបួសស្រាលនិងបង្ករអោយមានការភ្ញាក់ផ្អើលដល់ប្រជាពលដ្ឋនិងសមត្ថកិច្ចចុះដល់កន្លែងកើតហេតុ។
បន្ទាប់ពីសមត្ថកិច្ចចុះអន្តរាគមន៍និងបានសាកសួនារីដែលលោតពីលើម៉ូតូនោះទើបដឹងថាបុរសនោះមិនព្រមជូននាងទៅផ្ទះដោយជិះម៉ូតូដុបនាងទៅមក និងចង់ដុបនាងចូលផ្ទះសំណាក់ ទៀតពេល នោះនាងក៏សំអោយបុរសដែលជាសង្សាអោយជូនាងទៅផ្ទះតែបុរសជាសង្សាមិន
ព្រមពេលនោះទើប នាងដាច់ចិត្តលោតពីលើម៉ូតូ ក្រោយពីសមត្ថកិច្ចបានធ្វើការសាកសួរទើបបុរសជាសង្សាយល់ព្រមជូន ស្រីស្នេហ៍ត្រឡប់ទៅផ្ទះវិញតែម្តង នារីរងគ្រោះក៏ព្រមឡើងម៉ូតូទៅជាមួយសង្សាជិះទៅបាត់ទៅ៕
