តំណាងរាស្ត្រអាមេរិក៤៧រូបបានសសេរលិខិតមួយច្បាប់ប្រមានដល់ប្រទេសអីរ៉ង និងប្រទេសមួយចំនួនទៀត ពីកិច្ចព្រមព្រៀងណាមួយស្តីពីកម្មវិធីបរមាណូ អាចនឹងត្រូវកែទម្រងឬ ក៏លុបចោលក្រោយពេលប្រធានាធិបតីបារ៉ាក់អូបាម៉ាបញ្ចប់អាណាត្តិនៅឆ្នាំ២០១៧។
រដ្ឋមន្ត្រីការបរទេសអីរ៉ងលោក Javad Zarif និយាយថា លិខិតរបស់តំណាងរាស្ត្រអាមេរិកមកពីគណបក្សសាធារណរដ្ឋប្រមានថាកិច្ចព្រមព្រៀងទាំងឡាយស្តីពីកម្មវិធីបរមាណូនឹងត្រូវលុបចោល ទាំងនោះបានបង្ហាញយ៉ាងច្បាស់ថាអាមេរិកមិនគួរឲ្យទុកចិត្ត ហើយមិនត្រូវស្តាប់ឬធ្វើតាមអាមេរិកឡើយ។
អ្នកផ្តើមសសេរលិខិតប្រមានគឺជាតំណាងរាស្ត្រ Tom cotton តំណាងរដ្ឋ Arkansas មកពីគណបក្សសាធារណរដ្ឋ ដោយមានការចុះហត្ថលេខាពីតំណាងរាស្ត្រ៤៦ផ្សេងទៀតទៅលើលិខិតប្រមាណដល់ប្រទេសអីរ៉ង។ នៅក្នុងលិខិតនោះបានសសេរថា បើទោះបីប្រធានាធិបតីមានការអាណិតអាស៊ូតែសភាអាមេរិកដែលដើរតួនាទីសំខាន់បំផុតនៅក្នុងកិច្ចព្រមព្រៀងនោះប្រាកដិជាមិនឯកភាព ហើយស្ថាប័នសំខាន់ទាំងពីអាចនឹងបោះឆ្នោតលុបចោលនៅពេលអណាគត់។
រដ្ឋមន្ត្រីការបរទេសអ៊ីរ៉ងបញ្ចាក់ទៀតថា លិខិតរបស់តំណាងរាស្ត្រអាមេរិកគឺមិនសមស្របទៅនិងច្បាប់ទំនាក់ទំនងការបរទេស។ លោកបញ្ចាក់ទៀតថា សកម្មភាពខាងលើនឹងធ្វើឲ្យការខិតខំពិភាក្សាស្វែងរកកិច្ចព្រមព្រៀងត្រូវបានរារាំង ហើយអីរ៉ងមិនទុកចិតទៅលើអាមេរិកទៀតនោះឡើយ។
សារលិខិតរបស់តំណាងរាស្ត្រអាមេរិកអាចជាភ័ស្តតាងសម្រាប់អីរ៉ងបន្តមហិច្ឆិតាបរិមាណូរបស់ខ្លួនគិចផុតការគម្រាមកំហែងវាយប្រហារនាពេលអណាគត់។ សកម្មភាពខាងលើ ធ្វើឲ្យគេនឹកឃើញដល់កិច្ចព្រមព្រៀងបរមាណូរបស់លីប៊ី និងអ៊ីរ៉ាក ជាមួយអាមេរិក ហើយទីបំផុតប្រទេសនោះត្រូវអាមេរិកវាយប្រហារទាំងអស់។
