ប្រធានាធិបតីអាមេរិកបារ៉ាក់អូបាម៉ា ទទួលបានប្រាក់បៀវត្ត៤សែនដុល្លារក្នុងមួយឆ្នាំ ចំណែក ប្រធានាធិបតីចិន ជាប្រទេសមហាអំណាចសេដ្ឋកិច្ចទី២មានប្រាក់បៀវត្តតែ ២២ពាន់ដុល្លារប៉ុណ្ណោះក្នុងមួយឆ្នាំ។ខាងក្រោមនេះជាប្រាក់បៀវត្តរបស់ប្រធានាធិបតីដែលមានឥទ្ធិពល
នៅលើពិភពលោក៖
១ ប្រធានាធិបតីអូបាម៉ាមានប្រាក់បៀវត្ត៤សែនដុល្លារក្នុងមួយឆ្នាំច្រើនជាងអតីតប្រធានាធិបតី ចច ដាប់ប៊ូលយូបូសរហូតដល់២ដង ពេលដែលលោកកាន់អំណាចនៅឆ្នាំ២០០១។
២ នាយករដ្ឋមន្ត្រីកាណាដាលោក Stephen Harper ទទួលបានប្រាក់បៀវត្ត260.000 ដុល្លារក្នុងមួយឆ្នាំ តិចជាងពាក់កណ្តាលប្រទេសជិតខាង។
៣ អធិការបតីអាល្លឺម៉ងលោកស្រីAngela Mekel ទទួលបានប្រាក់បៀវត្តិ234400ដុល្លារក្នុងមួយឆ្នាំ។ លោកស្រីគឺជាអ្នកទទួលបានប្រាក់បៀវត្តខ្ពស់បំផុតនៅក្នុងតំបន់អឺរ៉ុប។ នៅក្នុងខែមីនាលោកស្រីម៉ាកគែលនិងគណរដ្ឋមន្ត្រីរបស់លោកស្រីត្រូវបានតំឡើងប្រាក់ខែ2,2ភាគរយ។
៤ ប្រធានាធិបតី អាហ្វ្រិកខាងត្បូង លោកJacob Zuma ទទួលបានប្រាក់ខែ 223,500ដុល្លារក្នុងមួយឆ្នាំ។ ប្រទេសអាហ្វ្រិកខាងត្បូងមានភាពល្បីល្បាញនៅលើពិភពលោកអាស្រ័យទៅលើ ធុនធានធម្មជាតិមានតម្លៃដ៏សម្បូរបែប ក្នុងនោះមានគ្រាប់ពេជ្យ មាសជាដើម។
៥នាយករដ្ឋមន្ត្រីអង់គ្លេសលោកDavid Cameron ទទួលបានប្រាក់ខែ 214,800ដុល្លារក្នុងមួយឆ្នាំ ប្រាក់ខែទាំងនោះរួមបញ្ចូលទាំងប្រាក់ដែលលោកទទួលបាននៅពេលទទួលបន្ទុកជាតំណាងរាស្ត្រនៅក្នុងសភា ស្មើ១សែនដុល្លារទៀត។
៦នាយករដ្ឋមន្ត្រីជប៉ុន លោកស៊ីនហ្ស៊ូ អាបេទទួលបានប្រាក់ខែ202,700ដុល្លារក្នុងមួយឆ្នាំ ។
៧ប្រធានាធិបតីបារាំងលោក Francois Hollande ទទួលបានប្រាក់ខែ194,300ដុល្លារក្នុងមួយឆ្នាំ ប្រសិនបើប្រាក់ខែរបស់លោកក៏ដូចជារដ្ឋាភិបាលមិនបានកាត់បន្ថយ ៣០ភាគរយទេនោះ ប្រាក់ខែនឹងមានរហូតដល់ 274,522 ដុល្លារក្នុងមួយឆ្នាំ។
៨ ប្រធានាធិបតីរុស្ស៊ីលោកវ្ល៉ាឌឺមៀពូទីន ក៏បានសម្រេចកាត់បន្ថយប្រាក់ខែរបស់ខ្លួន10ភាគរយក្នុងពេលដែលប្រទេសជាតិជួបវិបត្តិសេដ្ឋកិច្ចដោយសារតែការដាក់ទណ្ឌកម្មពីប្រទេសលោកខាងលិច។ ប្រាកខែរបស់លោកនាពេលនេះ មាន136,000ដុល្លារក្នុងមួយឆ្នាំ។
៩នាយករដ្ឋមន្ត្រីអីតាលីលោកMatteo Renzi ទទួលបានប្រាក់ខែ124,600ដុល្លារក្នុងមួយឆ្នាំ។
១០ ប្រធានាធិបតីប្រេស៊ីនលោកស្រីDilma Rousseff ទទួលបានប្រាក់ខែ120,000ដុល្លារក្នុងមួយឆ្នាំ។ ទោះមានប្រាក់ខែតិចជាងមេដឹកនាំមួយចំនួនតែលោកស្រីជាមេដឹកនាំមានប្រាក់ខែខពស់បំផុតនៅតំបន់អាមេរិកខាងត្បូង។
១១ នាយករដ្ឋមន្ត្រីឥណ្ឌាលោក ណារ៉េនត្រាម៉ូឌីទទួលបានប្រាក់ខែ30.300ដុល្លារក្នុងមួយឆ្នាំ។ ប្រព័ន្ធផ្សព្វផ្សាយឥណ្ឌាក៏ដូចជាពលរដ្ឋទាមទាឲ្យមេដឹកនាំឥណ្ឌាទាំងអស់ទាំងតំណាងរាស្ត្រ ត្រូវតែប្រកាស់ប្រាក់ខែរបស់ខ្លួនឲ្យពលរដ្ឋបានដឹង តាមតួនាទីដែលខ្លួនគ្រប់គ្រង។
១២ប្រធានាធិបតីចិនលោកស៊ីជីងពីង ទទួលបានប្រាក់ខែ22,000ល្លារក្នុងមួយឆ្នាំ គឺមានចំនួនតិចជាងមេដឹកនាំដែលមានសេដ្ឋកិច្ចខ្ពស់នៅលើពិភពលោក បើទោះបីចិនឈានមុខជប៉ុនក្លាយជាប្រទេសមហាអំណាចសេដ្ឋកិច្ចទី២លើពិភពលោកក៏ដោយ។ ចំនួនប្រាក់បៀវត្តខាងលើ គឺកើនឡើង៦០ភាគរយ ចាប់តាំងពីដើមឆ្នាំ២០១៥នេះ។
ទាំងនោះជាប្រាក់ខែមេដឹកនាំប្រទេសមានឥទ្ធិពលបំផុតលើពិភពលោក ប្រទេសដែលមានសេដ្ឋកិច្ចខ្ពស់។ ប្រទេសមហាអំណាចសេដ្ឋកិច្ចទីមួយនិងទីពីរនៅលើពិភពលោកទទួលបានប្រាក់ខែ លើសខ្វះគ្នាជាច្រើន ដូចជាប្រធានាធិបតីអាមេរិក មានប្រាក់ខែរហូត៤សែនដុល្លារក្នុងមួយឆ្នាំ ចំណែកប្រធានាធិបតីប្រទេសសេដ្ឋកិច្ចទី២លើពិភពលោកមានប្រាក់ខែតែ 22ពាន់ដុលា្លរប៉ុណ្ណោះ។ ប្រាកខែតិចឬច្រើនអាស្រ័យទៅលើការរកប្រាក់ចំណូលមធ្យមរបស់ប្រជាពលរដ្ឋ។
មេដឹកនាំដែលមានប្រាក់ខែខ្ពស់ជាងគេបំផុតស្ថិតនៅតំបន់អាស៊ីភាគអាគ្នេហ៍ទៅវិញ គឺប្រធានាធិបតីសឹង្ហបុរីលោក លីសៀងឡុង ទទួលបានប្រាក់ខែច្រើនជាងប្រធានាធិបតីអាមេរិកដល់ទៅ៤ដង ហើយលើប្រធានាធិបតីចិនរាប់សិបដង។ កាលពីឆ្នាំ2011 លោកលីសៀងឡុងបានប្រកាស់កាត់បន្ថយប្រាក់ខែដល់ទៅ៣៦ភាគរយ ជាចំនួនយ៉ងច្រើនតែលោកនៅទទួលបានប្រាក់ខែរហូត 1,69លានដុល្លារក្នុងមួយឆ្នាំដដែល។ បើមិនកាត់បន្ថយលោកមានប្រាក់បៀវត្តដល់ទៅ2,2លានដុល្លារឯណោះ៕
