កំពង់ឆ្នាំង៖ការតវ៉ាទាមទារយកដីទំហំ៥ម៉ែត្រគុណនិង៥០ម៉ែត្រដែលលៀនលយពីប្រជាពលរដ្ឋមួយគ្រួសារ ដើម្បីយកមកជាធ្វើផ្លូវលំប្រើប្រាស់ជាសាធារណៈក្នុងភូមិ របស់ប្រជាពលរដ្ឋចំនួន៧៣គ្រួសារនៅភូមិឬស្សីដួច ឃុំបន្ទាយព្រាល ស្រុករលាប្អៀរ ទទួលបានជោគជ័យនៅល្ងាចថ្ងៃទី១២ ខែមិនា ឆ្នាំ២០១៥ ដោយក្រោយពីលោកអភិបាលស្រុករលាប្អៀរបានចុះទៅសម្របសម្រួលរួចមក ប្រជាពលរដ្ឋមួយគ្រួសារដែលធ្លាប់ជំទាស់នោះ បានសុខចិត្តប្រគល់ដីរបស់ខ្លួនដែលលៀនលយមកលើផ្លូវកន្លងមក យកមកធ្វើជាផ្លូវលំសាធារណៈតាមការទាមទាររបស់ប្រជាពលរដ្ឋក្នុងភូមិហើយ។
សូមបញ្ជាក់ថា៖នៅព្រឹកថ្ងៃទី១២ ខែមិនា ឆ្នាំ២០១៥ ប្រជាពលរដ្ឋជាង៧០នាក់នៅក្នុងភូមិឬស្សីដួច បាននាំគ្នាតវ៉ាយ៉ាងខ្លាំងក្លា ដោយចង្អុលមុខគ្នាទៅវិញទៅមកជាមួយគ្រួសារលោក អ៊ុក វ៉ាន អាយុ៥៣ឆ្នាំ និងប្រពន្ធឈ្មោះ ឯក ស៊ីណា អាយុ៤៤ឆ្នាំ ដែលបានព្យាយាមរារាំងមិនព្រមអោយគ្រឿងចក្រឈូសឆាយដីរបស់ខ្លួន ដែ លលៀនលយមកលើផ្លូវទំហំ៥ម៉ែត្រគុណនិង៥០ម៉ែត្រ ធ្វើជាផ្លូវសាធារណៈនោះឡើយ។ ប៉ុន្តែដោយសារតវ៉ាទាមទាររបស់អ្នកស្រុក
កាន់តែខ្លាំងឡើងៗ មិនអាចទប់ទល់បាន និងដោយមានការសម្រុះសម្រួលពីក្រុមហ៊ុនធ្វើផ្លូវផងនោះ លោក អ៊ុក វ៉ាន និងប្រពន្ធ មិនអាចជំទាស់បានឡើយដោយសុខចិត្តដកថយ ប្រគល់ដីខ្លួនដែលលៀនលយនោះប្រមាណ៨០%អោយក្រុមហ៊ុនឈូសឆាយធ្វើផ្លូវទាំងមិនសូវសប្បាយចិត្តនោះឡើយ ។
ដោយពិនិត្យឃើញការសម្របសម្រួលរឿងនេះមិនទាន់ទទួលលទ្ធផលល្អនៅល្ងាចថ្ងៃដដែលនេះ លោកសោម វឺន អភិបាលស្រុលរលាប្អៀរ រួមជាមួយអាជ្ញាធរឃុំបន្ទាយព្រាល បានចុះទៅសម្របសម្រួលជាថ្មីម្តងទៀតជាមួយប្រជាពលរដ្ឋ និងភាគី លោក អ៊ុក វ៉ាន ។ក្រោយពីលោកអភិបាលស្រុក បានទាញយកហេតុផលផ្លូវច្បាប់និងគោលនយោបាយឈ្នះមកសម្របសម្រួលជាច្រើនលើកច្រើនសារ ដោយប្រើកាយវិការដ៏ទន់ភ្លន់រួចមក លោក អ៊ុក វ៉ាន បានស្ងប់ចិត្ត
ប្រគល់ដីលៀនលយរបស់ខ្លួនប្រមាណ៨០% ដែលបានឈូសឆាយកាលពីព្រឹកហើយនោះ ធ្វើជាផ្លូវសាធារណៈប្រើប្រាស់ក្នុងភូមិឃុំ តាមគម្រោងអភិវឌ្ឍន៍ផ្លូវប្រវែង១៨៣០ម៉ែត្ររបស់ឃុំ។លទ្ធផលនៃការយកចិត្តទុកដាក់សម្របសម្រួលដោះស្រាយខាងលើនេះ ទាំងប្រជាពលរដ្ឋនិងអាជ្ញាធរភូមិឃុំសុទ្ធតែបានអបអរសារទរនិងទទួលយកបានទាំងអស់គ្នា។
លោក ឈឹម សុង មេឃុំបន្ទាយព្រាលបាននិយាយអោយអ្នកយកព័ត៌មានយើងដឹងដែរថា៖ កន្លងមកលោក ជឹម លន មេភូមិឬស្សីដួច ធ្លាប់បានធ្វើការដោះស្រាយដោះដូរ ដោយសុំអោយ លោក អ៊ុក វ៉ាន ប្រគល់ដីដែលលៀនលយទទឹង៥ម៉ែត្របណ្តោយ៥០ម៉ែត្រ ធ្វើជាផ្លូវសាធារណៈក្នុងភូមិទៅ ដោយគាត់សុខចិត្តប្រគល់ដីរបស់ភូមិ ប្រវែងប្រមាណជាង៥០ម៉ែត្រ ដែលជាប់កន្ទុយដីភូមិលោក អ៊ុក វ៉ាន ទៅអោយលោក អ៊ុក វ៉ាន ថែមទៀតជាការថ្នូរនៃការដោះដូរដីផ្លូវខាងមុខ ហើយលោក អ៊ុក វ៉ាន បានទទួលយកហើយ តែលោកនៅតែមិនព្រមប្រគល់ដីដែលត្រូវយកធ្វើផ្លូវសាធារណៈខាងមុខអោយអ្នកភូមិទៀត ទើបអ្នកស្រុកក្នុងភូមិនាំគ្នាការតវ៉ាទាមទារខ្លាំងក្លាបែបនេះ។
លោកមេឃុំបន្ទាយព្រាលក៏សុំថ្លែងអំណរគុណផងដែរដល់លោក អ៊ុក វ៉ាន ដែលក្រោយពីមានការសម្រ បសម្រួលរបស់លោកអភិបាលស្រុករលាប្អៀររួចមក លោកបានស្ងប់ចិត្តប្រគល់ដីដែលលៀនលយខាងលើនេះសំរាប់ធ្វើផ្លូវសាធារណៈប្រើប្រាស់ក្នុងភូមិរហូតទៅ និងក៏សុំថ្លែងអំណរគុណដល់លោកអភិបាលស្រុកផងដែរ
ដែលបានយកចិត្តដាក់ចុះមកដល់មូលដ្ឋានដោយផ្ទាល់និងដោះស្រាយទំនាស់ទទួលបាន
