កំពង់ឆ្នាំង៖ យុវជន២នាក់ ម្នាក់ជាសិស្ស និងម្នាក់ទៀតជាជាងដែក ព្រមទាំងម៉ូតូ២គ្រឿង ត្រូវបាននគរបាលក្រុងកំពង់ឆ្នាំងប្រដេញតាមនិងចាប់បានឃាត់ទុក ធ្វើការអប់រំនិងពិ ន័យទៅតាមច្បាប់ បន្ទាប់ពីពួកគេបានបើកម៉ូតូបើកបំពាក់ភ្លើងឡាស៊ែរ និងស៊ីផ្លេរថ យន្តឮខ្លាំងៗរំខានគេឯង។ ការចាប់ឃាត់ខ្លួននេះបានធ្វើឡើងនៅវេលាម៉ោង៧ និង៣០ នាទីយប់ ថ្ងៃទី១២ ខែមិនា ឆ្នាំ២០១៥ នៅចំណុចខុសៗគ្នា២កន្លែងនៅក្នុងសង្កាត់កំពង់ ឆ្នាំង ក្រុងកំពង់ឆ្នាំង។
លោក ហង្ស ប៊ុនហាក់ អធិការរងក្រុងកំពង់ឆ្នាំងទទួលបន្ទុកចរាចរណ៍ និងសណ្តាប់ធ្នាប់បាននិយាយអោយដឹងថា៖អនុវត្តតាមបទបញ្ជាររបស់ឯកឧត្តមអភិបាលខេត្ត និងជាគណៈបញ្ជាការឯកភាពខេត្ត ក្នុងការពង្រឹងវិធានការណ៍បង្ការ និងទប់ស្កាត់សកម្មភាពក្មេងទំនើង ដើម្បី
លប់បំបាត់ភាពអនាធិបតេយ្យធ្វើអោយបាត់បង់សណ្តាប់ធ្នាប់នៅតាមទីសា ធារណៈ នៅយប់ថ្ងៃទី១២ ខែមិនា ឆ្នាំ២០១៥ សមត្ថកិច្ចនគរបាលក្រុងកំពង់ឆ្នាំងសហការជាមួយកម្លាំងប្រជាការពារបានចេញល្បាតនៅគ្រប់គោលដៅក្នុងមូលដ្ឋាន ដែលជាលទ្ធ ផលចាប់និងឃាត់បានយុវជនចំនួន២នាក់ និងម៉ូតូ២គ្រឿង។
យុវជនទី១ឈ្មោះ យាន សុភី អាយុ១៩ឆ្នាំ ជាសិស្សរៀននៅវិទ្យាល័យក្រុងកំពង់ឆ្នាំង រស់នៅក្នុងភូមិធម្មយុត្តិ សង្កាត់កំពង់ឆ្នាំង ក្រុងកំពង់ឆ្នាំង បានបើកបរម៉ូតូស្មាស់រីវ៉ូ ពណ៌ខ្មៅ គ្មានស្លាកលេខ និងបានបំពាក់ភ្លើងឡាស៊ែរ រខុសលក្ខណៈបច្ចេកទេស។រូបគេត្រូវបានសមត្ថកិច្ចប្រដេញចាប់បាននៅម៉ោង៧និង៣០នាទី ស្ថិតនៅផ្លូវបំបែកមន្ទីរសេដ្ឋ កិច្ចនិងហិរញ្ញវត្ថុខេត្ត ស្ថិតក្នុងភូមិកណ្តាល សង្កាត់កំពង់ឆ្នាំង។
ដោយឡែកយុវជនឈ្មោះ ងួន ឡុង អាយុ២៥ឆ្នាំគឺជាជាងដែក រស់នៅភូមិត្រោក លិច ឃុំស្រែថ្មី ស្រុករលាប្អៀរ បានជិះម៉ូតូសង់កូរ៉េពណ៌ក្រហម គ្មានស្លាកលេខ និងបាន បំពាក់ស៊ីផ្លេរថយន្ត(គូថខ្យង)ឮខ្លាំងខុសលក្ខណៈបច្ចេកទេសរំខានគេឯង។រូបគេត្រូវបានសមត្ថកិច្ចប្រដេញចាប់តាំងពីក្បែររង្វង់មូលវិមានឯករាជ្យ រហួតដល់ភូមិទ្រាជើង ឃុំស្រែថ្មី ស្រុករលាប្អៀរ ទើបចាប់ឃាត់ខ្លួនបាន។
លោកអធិការរងបានបន្តថា៖ករណីនេះ សមត្ថកិច្ចបានឃាត់ម៉ូតូរបស់ពួកគេទាំង២ គ្រឿងជាបណ្តោះអាសន្នសិន និងបានកសាងសំណុំរឿងរក្សាទុកតាមនិតិវិធី។លុះដល់ ព្រឹកថ្ងៃទី១៣ ខែមិនា ឆ្នាំ២០១៥ ទើបហៅពួកគេមកធ្វើការអប់រំ និងផាកពិន័យទៅតាម បញ្ញត្តិច្បាប់ ដើម្បីជាការព្រមានកុំអោយពួកគេធ្វើរបៀបនេះខុសច្បាប់បន្តទៀត៕
