ខេត្តកំពង់ឆ្នាំង កម្លាំងរដ្ឋបាល ព្រៃឈើផ្នែកកំពង់ឆ្នាំង សហការណ៍ជាមួយកម្លាំងរដ្ឋបាលព្រៃឈើសង្កាត់ បរិបូណ៌ ចាប់បង្ក្រាប បានរថយន្តកាមរីស៊េរី៩៥ ពណ៌សំបកឳឡឹក ពាក់ស្លាកលេខ ភ្នំពេញ 2E-2859 ដឹកឈើប្រភទ នាងនួនពេញរថយន្ត កាលពីវេលាម៉ោង ៤ និង៣០នាទី ទៀបភ្លឺ ថ្ងៃទី២៨ ខែមិនា ឆ្នាំ២០១៤ ស្ថិតនៅចំណុចភូមិស្រងាំទេរ ឃុំប្រស្និប ស្រុករលាប្អៀរ ខេត្តកំពង់ឆ្នាំង ។
ប្រភពពីសមត្ថកិច្ចបានអោយដឹងថា ក្រោយពីបានទទួលសេចក្តីរាយការណ៍ថាមានរថយន្តកាមរីដឹកឈើចេញពីខេត្តពោធិសាត់ ឆ្ពោះទៅភ្នំពេញ ឆ្លងកាត់ទឹកដីខេត្តកំពង់ឆ្នាំង ពេលរថយន្តខាងលើមកដល់ចំណុចភូមិស្រងាំទេរ ឃុំប្រស្និប ស្រុករលាប្អៀរ ខេត្តកំពង់ឆ្នាំង កម្លាំងសមត្ថកិច្ចពិនិត្យឃើញរថយន្តមានភិនភាគដូចសេចក្តីរាយការណ៍ក៍ធ្វើការចាប់ឃាត់បង្ក្រាបបានតែម្តង ឈើដែលចាប់ឃាត់បានមានចំនួន២២ដុំ ស្មើនឹង 1,036 ម៣ ។
វត្ថុតាង ឈើ និងរថយន្តត្តូវបានយកមករក្សាទុកនៅខណ្ឌរដ្ឋបាលព្រៃឈើ ខេត្តកំពង់ឆ្នាំង ដើម្បីរៀបចំកសាងសំណុំរឿងបញ្ជូនទៅសាលាដំបូងខេត្ត តាមនីតិវិធីច្បាប់ ៕
