កំពង់ធំ=កាលពីរព្រឹកថ្ងៃទី១៣ ខែមិនាឆ្នាំ២០១៥នៅទីតាំងវីរះសេនាតូចរៀបរយលេខ១ស្ថិតនៅក្នុងភូមិថ្នល់បែក ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ ឯកឧត្តម ឧត្តមសេនីយ៍ទោ ស៊ិន ស៊ីណាត នាយរងនាយកដ្ឋានផ្គត់ផ្គង់បានដឹកនាំគណះប្រតិភូអគ្គនាយកដ្ឋានភស្ដុភារហិរញ្ញវត្ថុ ឯកឧត្តមឧត្តមសេនីយ៍ត្រី សោមស៊ុនមេបញ្ចាការ មេបញ្ចាការតំបន់សឹករងកំពង់ធំ ព្រមទាំង មេបញ្ចាការ មេបញ្ចាការរង ពលទាហ៊ានចូលរួមចំនួន២៥០នាក់ក្នុងវគ្គហាត់ហ្វឹកហ្វឺននេះ។
ក្នុងការអនុវត្តន៍ផែនការហាត់ហ្វឹកហ្វឺនប្រចាំឆ្នាំ២០១៥របស់យោធាភូមិភាគ៤ នៃតំបន់ប្រតិបត្តិករសឹករង កំពង់ធំ បានបើកវគ្គចាប់ពីរថ្ងៃទី០២ខែមិនាឆ្នាំ២០១៥តទៅ ដែលមានរយះពេល៤៥ថ្ងៃ និងមានសិក្ខាកាមចូលរួមចំនួន២៥០នាក់ ដោយបានទទួលកញ្ចប់ថវិការឧបត្តម ពីសម្ដេចអគ្គមហាសេនាបតីតេជោ ហ៊ុនសែន នាយករដ្នមន្ដ្រីនៃព្រះរាជាណាចក្រកម្ពុជា ក្នុង១ម្នាក់ទទួលបានថវិការ៣០០០រៀលបន្ថែមលើការហូបចុករួច។
ឯកឧត្តម ឧត្តមសេនីយ៍ត្រី សោមស៊ុន បានមានប្រសាសន៍ថា ដោយយោងតាមការណែនាំរបស់ ឯកឧត្តម មេបញ្ជាការភូមិភាគទី៤ បានជម្រុញឲ្យមានការបើកវគ្គហ្វឹកហ្វឺនដល់កំលាំងទ័ព ជាប្រចាំដើម្បីពង្រឹងនូវសីលធម៌ វិន័យ និងសេចក្តីថ្លៃថ្នូររបស់កងកម្លាំង ជាពិសេសគឺការពង្រឹងសមត្ថភាពកងកម្លាំងឲ្យមានគុណភាព ទាំងយុទ្ធតិសាស្ត្រ និងចេតសាស្ត្រ ក្នុងការត្រៀមជួយអន្តរគមន៍នៅជួរមុខ មិនតែប៉ុណ្ណោះតំបន់ប្រតិបត្តិការសឹករងកំពង់ធំ បានជម្រុញឲ្យកងកម្លាំងទាំងអស់ចេះសាមគ្គីគ្នាផ្ទៃក្នុង និងចូលរួមក្នុងកម្មវិធីមនុស្សធម៌ផងដែរ ។
ឯកឧត្តម ឧត្តមសេនីយ៍ទោ ស៊ិន ស៊ីណាត បានមានប្រសាសន៍សំណះសំណាល សួរសុខទុក្ខ និងបានរំលឹករឿងកាលពីអតីតកាលដែលលោកធ្លាប់បានរស់នៅឈរជើង ការពារនៅក្នុងទឹកដីខេត្តកំពង់ធំ អស់រយះកាលជាច្រើនឆ្នាំព្រមទាំងបានផ្ដាំផ្ញើរអោយ កងកំលាំងហ្វឹកហ្វឺនទាំងអស់ យកចិត្តទុកដាក់ក្នុងការរៀនសូត្រក្រេបយកចំណេះដឹងដើម្បីការពារសន្ដិសុខ ការពារជាតិ និងជាអ្នកបន្ដវេន្ដទៅថ្ងៃមុខ ចុងក្រោយឯកឧត្តមក៏បានកោត សសើរឯកឧត្តម សោមស៊ុន ព្រមទាំងមេបញ្ចាការងទាំងអស់ដែលជាថ្នាក់ដឹកនាំដែលបានខិតខំយកចិត្តទុកដាក់ក្នុងការបង្ហាត់បង្រៀន ទ័ពដែលគ្មានសមត្ថភាពអោយ ក្លាយជាមនុស្សម្នាក់ដែលមានសមត្ថភាពពេញលេញនិងជាសរសទ្រូងជាអ្នកបន្ដវេន្ដក្នុងកិច្ចការពារប្រទេសជាតិទៅថ្ងៃមុខ បន្ទាប់មក ឯកឧត្តមក៏បានចុះត្រួតពិនិត្យជាក់ស្ដែងការហ្វឹកហាត់ហ្វឹកហ្វឺន រៀនសូត្រ ទីកន្លែងស្នាក់នៅ ការហូបចុករបស់សិក្ខាកាម ដែលធានាបានជាប្រចាំថ្ងៃ៕
ប៊ុនរិទ្ធី
