បន្ទាយមានជ័យ:
ក្រុមថ្នាក់ដឹកនាំ នាយកនាយករង នាយទីចាត់ មន្ត្រីនៃ រដ្ឋបាលខេត្តបន្ទាយមានជ័យ កាលពីព្រឹក ថ្ងៃទី ១៣ មិនា ឆ្នាំ ២០១៥ និយាយថា: មន្ត្រីនៃរដ្ឋបាលខេត្តបន្ទាយមានជ័យ ធ្វើគំរូឈានមុខក្នុងការសំអាត អនាម័យបរិស្ថាន នៅក្នុងខេត្ត ហើយ និងជាគំរូដល់សាធារណះជន 
ក្នុងការសំអាត អនាម័យបរិស្ថាននៅតាមគេហដ្ឋាន និងទីសាធារណ: លើកឡើងដូច្នេះ ក្នុងពេលសំអាតអនាម័យ ក្នុងទីធ្លានិងសួនច្បារសាលាខេត្ត។
មន្ត្រីនៃរដ្ឋបាលខេត្តបន្ទាយមានជ័យប្រាប់ ទៀតថា: ពួកខ្លួននិងធ្វើការបោសសំអាត សំរាមឬស្លឹកឈើ ដែលជ្រុះនារដូវប្រាំង កាត់ស្មៅថែសួន ស្រោចទឹកនិងដាំផ្ការ បន្ថែមទៀតដើម្បីអោយបរិវេណ សាលាខេត្តមានសោភ័ណភាពទាំងខែប្រាំងវស្សារ និងជាទីគយគន់ ដល់ទេសចរណ៍ និងប្រជាពលរដ្ឋទូរទៅដែលធ្វើដំណើរឆ្លងកាត់ខេត្តមួយនេះ។
ក្រុមមន្ត្រីបន្តប្រាប់ទៀតថា: ក្រុមមន្ត្រីនៃរដ្ឋបាលខេត្តបន្ទាយមានជ័យ និងយកពេលសំរាកពីការងារ ធ្វើអនាម័យសំអាតបរិស្ថាន នៅតាមទីសាធារណ: ដូចជាកាប់ឆ្កាព្រៃ បោសសំអាត សំរាមនិង លាងជម្រះធូលីដី តាមចិញ្ចើមផ្លូវជាតិ ផ្លូវខេត្ត តាមទីប្រជុំជន ទីផ្សានិងសួនសាធារណ: ដាក់ធុងសម្រាមបន្ថែម ព្រមទាំងផ្សព្វផ្សាយដល់ប្រជាពលរដ្ឋទូទៅ អោយភ្ញាក់រលឹក រួមគ្នាជួយសំអាត អនាម័យនៅតាមគេហដ្ឋាន និងទីសាធារណ:ដ៍ទៃទៀតក្នុងខេត្ត។
បញ្ជាក់ផងដែរថា:រដ្ឋបាលខេត្តនិងក្រុងបានប្រកាសប្រគល់ ដាក់អោយប្រើប្រាស់នូវត្រាក់ទ័រ សីទែនទឹកនិងប្រកាសក្រុមការងារសម្អាតក្រុងសិរីសោភ័ណកាលពីថ្ងៃទី១០ មីនា ស្របពេលសាលាក្រុងសិរីសោភ័ណបានទទួលបានពានរង្វាន់ផ្ការំដួល២ទងពីគណកម្មការវាយតម្លៃថ្នាក់ជាតិនាពេលថ្មីៗនេះ៕ដោយ:ឃិនគន្ធា
