ខេត្តប៉ៃលិន៖ មានការភ្ញាក់ផ្អើលមួយ បានកើតឡើងរវាងម៉ូតូ បុកជាមួយម៉ូតូ ដូចគ្នា លាន់ដូចរន្ទះទាំងកណ្តាលយប់ បណ្តាលឲ្យយុវជនម្នាក់រងរបបួសធ្ងន់ ត្រួវបានសមត្ថកិច្ចដឹកទៅសង្គ្រោះនៅមន្ទីពេទ្យបង្អែកខេត្តប៉ៃលិន ។ ហេតុការគ្រោះថ្នាក់ចរាចរនេះ បានកើតឡើងកាលពីវេលាម៉ោង២១ និង១០នាទីយប់ ថ្ងៃទី១៣ ខែមិនា ឆ្នាំ២០១៥ លើកំណាត់ផ្លួវជាតិលេខ៥៧ ចំនុចផ្លូវបំបែកមុខវត្តអូរច្រា ស្ថិតក្នុងភូមិអូរច្រាកណ្តាល សង្កាត់ទូលល្វា ក្រុងប៉ៃលិន ខេត្តប៉ៃលិន ។
ប្រភពពត៌មានពីកន្លែងកើតហេតុ បានឲ្យដឹងថា៖មុនពេលកើតហេតុគេឃើញយុវជនម្នាក់ជិៈម៉ូតូមួយគ្រឿងម៉ាកឌ្រីមសេ១២៥ សេរី២០១១ ក្នុងមធ្យម លុះមកដល់ចំណុចកើតហេតុជាកន្លែងផ្លួវកោង ស្រាប់តែមានម៉ូតូមួយគ្រឿងទៀតម៉ាកឌ្រីមសេ១២៥ សេរី២០១១ ដូចគ្នា បើកក្នុងល្បឿនលឿនក្នុងទឹសដៅបញ្ច្រាសទឹសគ្នា មកបុកម៉ូតូជនរងគ្រោះពេញទំហឹង បណ្តាលឲ្យរងរបួសធ្ងន់ស្រាលទាំង២នាក់តែម្តង ។ ប្រភពបន្តថា៖ក្រោយពេលកើតហេតុ គេឃើញសមត្ថកិច្ចចរាចរក្រុង ចុះមកធ្វើការវាស់វែង ព្រមទាំងដឹកជនរងគ្រោះទៅព្យាបាលនៅមន្ទីរពេទ្យបង្អែកខេត្តប៉ៃលិនផងដែរ ។
ប្រភពពត៌ពីសមត្ថកិច្ចចរាចរ នៃអធិការនគរបាលក្រុងប៉ៃលិន បានឲ្យដឹងថា៖ជនរងគ្រោះឈ្មោះ សន ចាន់ត្រា ភេទប្រុស អាយុ២៨ ឆ្នាំ មុខរបរ ជាងម៉ូតូ រងរបួសធ្ងន់ ជិះម៉តូឌ្រីមស៊េ១២៥ សេរីឆ្នាំ២០១១ ព័ណខ្មៅ ស្លាកលេខ ប៉ៃលិន 1A-7118 ទីលំនៅបច្ចុប្បន្ននៅភូមិថ្នល់ទទឹង ឃុំអូរណ្តូងស្រុកសាលាក្រៅ ខេត្ត ប៉ៃលិន។ ចំណែកជនបង្កឈ្មោះ ភនសំណាង អាយុ ១៨ ឆ្នាំ មុខរបរសិស្ស ជិះម៉តូឌ្រីមសេ១២៥ សេរី២០១១ ព័ណខ្មៅ ស្លាកលេខ ប៉ៃលិន 1A-6066 ទីលំនៅបច្ចុប្បន្ននៅភូមិខ្លុង សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន ។
តាមការសន្និដ្ឋានករណីនេះ មកពីកត្តាមនុស្ស បើកបរមិនប្រុងប្រយ័ត្ន ,ចំណែកម៉ូតូទាំង២គ្រឿង ត្រួវបានកំលាំងសមត្ថកិច្ចចរាចរនៃ អធិការដ្ឋាននគរបាលក្រុងប៉ៃលិន យកមករក្សាទុកដើម្បរងចាំការដោះស្រាយតាមផ្លូវច្បាប់។
