កំពង់ឆ្នាំង៖បុរសវ័យក្មេងម្នាក់ជាអ្នកចែកចាយនិងប្រើប្រាស់ថ្នាំញៀនដ៏សកម្ម និងជាមុខសញ្ញាចោរលួចមាន់ ត្រូវបានសមត្ថកិច្ចសហការគ្នាឡោមព័ទ្ធចាប់ខ្លួនបាននៅក្នុងលំនៅដ្ឋាន ក្រោយពីរូបគេបានលក់ថ្នាំញៀន១កញ្ចប់អោយម៉ូយនៅនឹងផ្ទះ។ករណីចាប់ខ្លួនបុរសរូបនេះបានធ្វើឡើងនៅម៉ោង៨និង៣០នាទីព្រឹកថ្ងៃទី១៥ ខែមិនា ឆ្នឈ ២០១៥ នៅក្នុងភូមិកណ្តាល សង្កាត់កំពង់ឆ្នាំង ក្រុងកំពង់ឆ្នាំង។
សមត្ថកិច្ចនគរបាលក្រុងកំពង់ឆ្នាំង និងនគរបាលការិយាល័យប្រឆាំងគ្រឿងញៀនខេត្តដែលបានសហការគ្នាបង្ក្រាបករណីនេះបានអោយដឹងថា៖ក្រោយពីកម្លាំងបង្កប់បានរាយការ ណ៍ពីមុខសញ្ញាខាងលើ និងក្រោយពីសុំយោបល់ថ្នាក់លើ សមត្ថកិច្ចបានទទួលបញ្ជារពីលោក ហុង គឹមសាន ព្រះរាជអាជ្ញារងអមសាលាដំបូងខេត្ត អោយចុះឆែកឆេរលំនៅដ្ឋានជនសង្ស័យជាមួយអាជ្ញាធរមូលដ្ឋាន ដែលពេនោះសមត្ថកិច្ចចាប់បានខ្លួនជនសង្ស័យម្នាក់ឈ្មោះ ឈាន បូរី ហៅឃ្លាច អាយុ២១ឆ្នាំជាអ្នកចែកចាយនិងប្រើប្រាស់ថ្នាំញៀន។
ក្រោយពីចែកឆេរលំនៅដ្ឋានបុរសសង្ស័យខាងលើ សមត្ថកិច្ចបានរកឃើញថ្នាំញៀនម៉ាទឹកកក១កញ្ចប់តូច សម្ភារៈសំរាប់ប្រើប្រាស់ថ្នាំញៀន ក្នុងនោះមានស្បោងតូចៗសំរាប់ច្រកថ្នាំ
ញៀនលក់ជាច្រើនកញ្ចប់ ស្បោងសំរាប់ច្រកថ្នាំញៀនលាក់ក្នុងខ្សែក្រវ៉ាត់មួយខ្សែ ស្គុតខ្មៅសំរាប់បិតកញ្ចប់ថ្នាំញៀន និងរកកឃើញអាវុធកែឆ្នៃបាញគ្រាប់ព្រួញ១ដើម និងដាវសាំម៉ារ៉ៃ២ដើមដែលគេលាក់ទុកក្នុងពាងទឹក។
សមត្ថកិច្ចនិងអ្នកស្រុកក្នុងភូមិបានអោយដឹងទៀតថា៖បុរសសង្ស័យខាងលើនេះ ជាមុខ
សញ្ញាចោរកម្មនៅក្នុងភូមិ ពូកែខាងលួចមាន់ទា កន្លងមកគេបានលួចមាន់ទាអ្នកស្ទើរតែគ្រប់ផ្ទះពាយអស់ពេញភូមិ តែមិនដែលអ្នកណាទាន់ចាប់គេបានឡើយ។
ជនសង្ស័យខាងលើនេះត្រូវបានសមត្ថកិច្ចបញ្ជូនខ្លួនអោយការិយាល័យនគរបាលប្រឆាំងគ្រឿងញៀនខេត្ត កសាងសំណុំរឿងតាមនិតិវិធី បញ្ជូនខ្លូននិងងវត្ថុតាងទៅកាន់សាលាដំបូងខេត្តធ្វើការឃុំខ្លួន ចោទប្រកាន់ និងស្រាវជ្រាវជំនុំជំរះ ផ្តន្ទាទោសតាមបញ្ញត្តិច្បាប់៕
