កំពង់ធំ= ឈ្មួលឈើដុះស្លែរពូកែសំដីអោយអ្នកសារពត័មានសុំច្បាប់ខ្លួនសិនមុននឹងថតបទល្មើសឈើសិប្បកម្មដែលខ្លួនបានដឹកទង្វើរនេះត្រូវបានសមត្ថកិច្ចរឹះគន់ថា ឈ្មួញកំពុងតែបានដៃ ក្រអើតក្រទង ឬមកពីមេព្រៃបើកភ្លើងខៀវអោយឈ្មួញរូបនេះបានធ្វើសកម្មភាពដឹក
បែបអាណាធិតេយបែបនេះ ។
តាមប្រភពព័តមានពីប្រជាពលរដ្នដែលបានទាន់ហេតុកាណ៍បានប្រាប់ថាឈ្មួញឈើម្នាក់ក្នុងចំណោម៧នាក់ បានប្រើសំដីខ្លាំងៗថា បើមុននិងថតរថយន្ដបទល្មើសរបស់គាត់ត្រូវសុំច្បាប់គាត់ជាមុនសិនមុននឹងថត ហើយក៏បាននិយាយខ្លាំងៗដាក់សមត្ថកិច្ចថាខ្លួនជាប់គុក២ខែមុននេះទើបតែនិងចេញមកទេ ហើយក៏មិនខ្លាចគុកដែរ ព្រោះឈើរបស់គាត់មានច្បាប់ ពីមេព្រៃ ដូច្នេះទើបសមត្ថកិច្ច និងប្រជាពលរដ្នសនិដ្ឋាន ថាមេព្រៃបើកភ្លើងខៀវអោយជនល្មើសរូបបានដឹកសិប្បកម្មបានយ៉ាងអាណាធិតេយ្យព្រោះមេព្រៃបានត្រូវថ្នាំសណ្ដំពីឈ្មួញម្នាក់នេះយ៉ាងផ្អែមមាត់ផ្អែមក ទើប មានចារឹកក្រងើតក្រទងបែបនេះ ។
រថយន្ដដឹកបទល្មើសនេះម៉ាក នីសាន ពណ៍ទឹកប៉ិច ពាក់ផ្លាកលេខ ភព២ ឆ១៥៧៦ កំពុងតែធ្វើសកម្មភាពដឹកឈើសិប្បកម្មយ៉ាងគគ្រឹកគគ្រែងនៅពេលយប់ ឆ្លងការទីរួមខេត្ត កំពង់ធំឆ្ពោះទៅខេត្តកំពង់ចាម ក្រុងភ្នំពេញ និងចែកចាយតាមឌឺប៉ូនានា ក្នុងនោះដែរ គេសង្ស័យថារថយន្ដនេះ មានបង្កប់ឈើប្រណិតពីក្រោម សិប្បកម្មពីលើ៕
ប៊ុនរិទ្ធី
