ខេត្តប៉ៃលិន ៖ មានករណីគ្រោះថ្នាក់ចរាចរណ៍មួយបានកើតឡើង បណ្តាលឱ្យរងរបួ សធ្ងន់ពីរនាក់ និងស្រាលពីរនាក់ ត្រូវគេបញ្ជូនតាមរថយន្តទៅសង្គ្រោះនៅមន្ទីរពេទ្យបង្អែក ខេត្ត ដោយសារបុរសម្នាក់បើកបរម៉ូតូឌុបគ្នាចំនួន៤នាក់ ស្របទិសគ្នាជាមួយរថយន្ត លុះដល់ចំណុច
ផ្លូវឡើងទួល ស្រាប់តែបត់ឆ្វេងភ្លាម អត់បើកភ្លើងស៊ីញ៉ូ បណ្តាលឱ្យរថយន្តមកពីក្រោយបុកចំពេញទំហឹង ដួលបោកទៅនឹងផ្លូវថ្នល់ រងរបួសធ្ងន់ស្រាលតែម្តង ។
ហេតុការណ៍នេះ បានកើតឡើងកាលពីវេលាម៉ោង២ និង៣៥នាទីរសៀល ថ្ងៃទី១៥ ខែមីនា ឆ្នាំ២០១៥ ស្ថិតនៅចំណុចមុខស្តង់ដំឡូងមីក្រុមហ៊ុន ឡេង សោភ័ណ្ឌ អភិវឌ្ឍន៍ ក្នុងភូមិអូររអិល ឃុំស្ទឹងកាច់ ស្រុកសាលាក្រៅ ។
ប្រភពព័ត៌មានពីសមត្ថកិច្ចនគរបាលចរាចរណ៍ជើងគោកស្រុកសាលាក្រៅ បានឱ្យ ដឹងថា ជនរងគ្រោះទី១. ឈ្មោះ ឡាយ រ៉ាន ភេទស្រី អាយុ៤៨ឆ្នាំ រងរបួសធ្ងន់ ទី២. ឈ្មោះ អោន ចាប ភេទប្រុស អាយុ១៨ឆ្នាំ រងរបួសស្រាល ជាអ្នកបើកបរម៉ូតូម៉ាកឌ្រីមពណ៌ខ្មៅ ស៊េរីឆ្នាំ២០១២ ពាក់ស្លាកលេខ ប៉ៃលិន 1A- 8323 រងការខូចខាតយ៉ាងដំណំ ទី៣. ឈ្មោះ អោន ពេជ្រ ភេទប្រុស អាយុ១៧ឆ្នាំ របួសធ្ងន់សន្លប់ និងទី៤. ក្មេងប្រុសតូចម្នាក់ អាយុ៣ ឆ្នាំ រងរបួសស្រាល ទាំងអស់គ្នារស់នៅភូមិព្រៃមង្គល សង្កាត់អូរតាវ៉ៅ ក្រុងប៉ៃលិន ។
ចំណែកអ្នកបើកបររថយន្តមិនស្គាល់អត្តសញ្ញាណ ដោយបើករថយន្តដឹកដីម៉ាកហ្វឡែន (For land) ពណ៌ខៀវ ពាក់ស្លាកលេខ ប៉ៃលិន 3A-0254 រងការខូចខាតផ្នែកខាងមុខ មធ្យម ។
សាក្សីនៅកន្លែងកើតហេតុ បានរៀបរាប់ឱ្យដឹងថា មុនពេលកើតហេតុគេ ឃើញម៉ូតូ និងរថយន្តបើកបរស្របទិសគ្នាពីកើតទៅលិច លុះដល់កន្លែងកើតហេតុគេឃើ ញម៉ូតូជនរងគ្រោះខាងលើបានវ៉ារថយន្តត្រង់ចំណុចផ្លូវឡើងទួល ។ ប្រភពដដែលបានឱ្យ ដឹងទៀតថា ពេលនោះជនរងគ្រោះដែលបើកបរម៉ូតូបានកាច់ចង្កូតបត់ឆ្វេង តែអត់មានមើ លក្រោយ ឬបើកភ្លើងស៊ីញ៉ូ ទើបធ្វើឱ្យរថយន្តបើកបរមកពីក្រោយជាន់ហ្វ្រាំងមិនទាន់ក៏បុក ចំពីក្រោយពេញទំហឹង បណ្តាលឱ្យដួលបោកទៅនឹងផ្លូវថ្នល់រងរបួសធ្ងន់ស្រាល៤នាក់តែម្ត ង ។
ក្រោយពេលកើតហេតុ អ្នកបើកបររថយន្តបានបើកទ្វារដាក់មេប្រូចរត់គេចខ្លួនបាត់ ស្រមោល ចំណែកជនរងគ្រោះ ត្រូវគេបញ្ជូនតាមរថយន្តទៅសង្គ្រោះនៅមន្ទីរពេទ្យបង្អែក ខេត្ត ។ បន្ទាប់មកគេឃើញសមត្ថកិច្ចចរាចរណ៍ជើងគោកនៃអធិការស្រុកសាលាក្រៅបានទៅដល់កន្លែងកើតហេតុ ដើម្បីធ្វើការវាស់វែង រួចអូសម៉ូតូនិងរថយន្តទាំងពីរគ្រឿ ងទៅរក្សាទុកនៅអធិការស្រុកសាលាក្រៅ ដើម្បីឱ្យភាគីទាំងសងខាងចូលមកធ្វើការដោះស្រាយតាម ផ្លូវច្បាប់ ៕
