ប្រមាថ្នាក់ដឹកនាំរាជរដ្ឋាភិបាល បន្ទាយមានជ័យ ៖ ប្រជាពលរដ្ឋ ចំនួន១១០នាក់ ក្នុងនោះ ស្រី៧០នាក់ ស្ថិតនៅក្នុងភូមិចំនួន៦ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ កាលពីវេលាម៉ោង ប្រមាណ៨៖៥០នាទី ព្រឹក ថ្ងៃទី១៦ ខែមីនា ឆ្នាំ ២០១៥ បាននាំគ្នាតវ៉ា ដើម្បីសុំឲ្យ ដក
មេភូមិថ្នល់បត់ ដោយសារតែ ប្រជាពលរដ្ឋ ទាំងនោះ បានចោទប្រកាន់លោកមេភូមិ ថា ទន បានកាងដី បឹងស្នោរ និងលក់ ឲ្យ ឈ្មួញ។
ប្រជាពលរដ្ឋ ទាំងនេះ បានធ្វើការតវ៉ាដឹកនាំដោយ អ្នកស្រី ឡុង សគន្ធី ដែលបាន ទៅប្តឹង មេឃុំអូរបីជាន់។ សេចក្តីរាយការណ៍ មន្ត្រីអាជ្ញាធមូលដ្ឋាន បានឲ្យដឹងថា ការ ដែលប្រជា ពលរដ្ឋទាំងនេះ មកតវ៉ានោះ គឺមាន៣ករណី ដែលចោទប្រកាន់មេភូមិ។
ករណីទាំង៣នោះ រួមមានទី១ ប្តឹងលោក ថា ទន ជាមេភូមិដែលកាងដី បឹងស្នោរ និង លក់ទៅឲ្យថៅកែ ទី២ ចោទ មេភូមិ និងប្រពន្ធ ថាជេប្រមាថថ្នាក់ដឹកនាំស្រុក ខេត្ត ក្រសួង..និងរាជរដ្ឋាភិបាល និងទី៣ ចោទថា មេភូមិយក លុយប្រជាជន ទាំង៦ភូមិ ហើយមិនបានដីបឹងស្នោមកឲ្យពួកគាត់។
យ៉ាងណាក៏ដោយ ការតវ៉ារបស់ប្រជាពលរដ្ឋ ដែលមានកាន់ រូបសម្តេចតេជោ និងសម្តេចកិត្តិ ព្រឹទ្ធបណ្ឌិតផងនោះ ត្រូវបានលោកមេឃុំ ចេញមកសម្របសម្រួល រាល់ឯកសារ ឃុំទទួល ពិនិត្យមើល និងសុំយោបល់ទៅថ្នាក់លើ រួចហើយប្រជាពលរដ្ឋ បានរំសាយទៅវិញ នៅវេលាម៉ោង ១០៖៤០នាទីព្រឹកថ្ងៃដដែលនេះ៕
