ខេត្តប៉ៃលិន៖ រថយន្តforlandមួយគ្រឿង ដែលគេស្កាលថាជារបស់ម្ចាស់សៃឡូ ឡេង សោភ័ណ្ឌ បត់មិនមើលក្រោយ បណ្តាលឲ្យកៀរម៉ូតូមួយគ្រឿង ដែលបើកបរស្រប់ទឹសគ្នា បណ្តាលឲ្យរងរបួសធ្ងន់ ស្រាល៤នាក់ម៉ែកូន ។ ហេតុការគ្រោះថ្នាក់ចរាចរនេះ បានកើតឡើងកាលពីវេលាម៉ោង១៤ និង៤០នាទី រសៀល ថ្ងៃទី១៥ ខែមិនា ឆ្នាំ២០១៥ លើកំណាត់ផ្លួវជាតិលេខ៥៧ ស្ថិតក្នុងភូមិអូរអិល ឃុំស្ទឹងកាច់ ស្រុកសាលាក្រៅ ខេត្តប៉ៃលិន ។
ជនរងគ្រោះដែលរងរបួសក្នុងហេតុការគ្រោះថ្នាក់ចរាចរនេះទី១ ឈ្មោះ ឡាយ រ៉ាន់ ភេទស្រី អាយុ៤៨ឆ្នាំ ត្រួវជាម្តាយ រងរបួសសន្លប់និងកន្លែង ,ទី២ ឈ្មោះឳន ចាប ភេទប្រុស អាយុ១៨ឆ្នាំ ជាកូន របួសស្រាល ,ទី៣ ឈ្មោះឳន ពេជ្រ ភេទប្រុស អាយុ១៧ឆ្នាំ ត្រួវជាកូន របួសបែកមុខ
បែកមាត់(ធ្ងន់) ជាអ្នកបើកបរម៉ូតូម៉ាកឌ្រីម០១២ ពណ៌ខ្មៅ ពាក់ស្លាកលេខ ប៉ៃលិន1A-8323 បើកបរពីកើត ទៅលិច ,និងទី៤ឈ្មោះ ឳន ពៅ ភេទប្រុស អាយុ០៥ឆ្នាំ ជាកូន របួសពកក្បាល រលត់ដៃជើង ។ ជនរងគ្រោះរស់នៅភូមិព្រៃមង្គល សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន ។ ចំណែលរថយន្តបង្កម៉ាកForland ពណ៌ខៀវ ពាក់ស្លាកលេខ ប៉ៃលិន3A-0254 រងការខូចខាតផ្នែកខាងមុខស្រាល តៃកុងគេចខ្លួនបាត់ ។
ប្រភពពត៌មានពីកន្លែងកើតហេតុ បានឲ្យដឹងថា៖ មុនពេលកើតហេតុគេឃើញម៉ូតូមួយគ្រឿងជិៈគ្នា៤នាក់ ដោយធ្វើដំណើរក្នុងទឹសដៅពីកើតទៅលិច ក្នុងល្បឿនមធ្យម ជាមួយរថយន្តបង្កម៉ាកforland ពណ៌ខៀវ ហើយក៏វ៉ារថយន្តបង្កនេះ បន្ទាប់មកស្រាប់តែរថយន្តបង្កនោះវ៉ាម៉ូតូវិញ ។ប្រភពបន្តទៀតថា៖ លុះមកដល់ចំណុចកើតហេតុ ស្ថិតនៅទល់មុខសៃឡូ ឡេង សោភ័ណ្ឌ ស្រាប់តែរថយន្តបង្ក បត់ចូលសៃឡូ ដោយមិនបានមើល បណ្តាលឲ្យប៉ះចំម៉ូតូឌ្រីមដែលឌុបគ្នា៤នាក់ ខ្ទាតមនុស្សចេញពីម៉ូតូ រងរបួសទាំងអស់គ្នា ចំណែកតៃកុងរថយន្តបង្ក ត្រួវបានគេចខ្លួន បាត់ស្រមោល ។ ប្រភពពត៌មានបន្តថា៖ រថយន្តម៉ាកForlandពណ៌ខៀវនេះ ជារបស់លោក ឡេង សោភ័ណ្ឌ ម្ចាស់សៃឡូ ឡេង សោភ័ណ្ឌ តែម្តង។
តាមប្រភពពត៌ពីសមត្ថកិច្ចចរាចរផ្លូវគោកខេត្ត បានឲ្យដឹងថា៖ រថយន្តនិងម៉ូតូ បានបើកវ៉ាគ្នាចុះឡើងៗ ដោយម៉ូតូជិៈគ្នាដល់ទៅបួននាក់ លុះមកដល់ចំណុចកើតហេតុស្រាប់តែរថយន្ត បានបត់ដោយមិនបានមើល ក៏ប៉ះម៉ូតូ បណ្តាលឲ្យខ្ចាត់មនុស្សចេញពីម៉ូតូរងរបួសតែម្តង ចំណែកតៃកុងរថយន្តបង្ក ត្រួវបានគេចខ្លួន បាត់ស្រមោល ។ ប្រភពបន្តថា៖ហេតុការគ្រោះថ្នាក់ខាងលើនេះ បណ្តាលមកពីកត្តាមនុស្ស បើកបរមិនគោរពច្បាប់ចរាចរណ៏ ។បច្ចុប្បន្ន រថយន្តបង្ក និងម៉ូតូជនរងគ្រោះ ត្រួវបានសមត្ថកិច្ចចរាចរណ៏ផ្លួវគោកខេត្ត នាំយកមករក្សាទុកនៅស្នងការដ្ឋាននគរបាលខេត្តប៉ៃលិន រងចាំការដោះស្រាយគ្នាតាមផ្លួវច្បាប់ ៕អ
