ហេតុការណ៍គ្រោះថ្នាក់ចរាចរណ៍មួយបង្កឡើងដោយរថយន្តមូយគ្រឿងបានបើកបុកម៉ូតូអាយខុនបណ្តាលឲ្យយុវជនម្នាក់រងរបួសបាក់ជើងខាងស្តាំនិងនារីម្នាក់ទៀតរបួសបែកមុខបែកមាត់ កាលពីវេលាម៉ោង១និង១០នាទីរំលងអាធ្រាតឈានចូលថ្ងៃទី១៦ ខែមិនា ឆ្នាំ២០១៥ នៅចំណុចក្លឹបបូស តាមបណ្តោយផ្លូវបេតុង ស្ថិតក្នុងសង្កាតទន្លេបាកសាក់ ខណ្ឌចំការមន ចំណែករថយន្តបានបើកគេចខ្លួនបាត់ស្រមោល។
យោងតាមសាក្សីនៅកន្លែងកើតហេតុបានឲ្យដឹងថា មុនពេលកើតហេតុគេបានឃើញគេបានឃើញជនរងគ្រោះខាងលើ ជិះម៉ូតូមួយគ្រឿងម៉ាកអាយខុន ពណ៌លឿង ពាក់ស្លាកលេខភ្នំពេញ1AS-2460 ធ្វើដំណើរតាមបណ្តោយផ្លូវបេតុងក្នុងទិសដៅពីកើតទៅលិច ហើយបានបត់មកក្រោយវិញ ខណៈដែលទើបតែចេញពីក្លឹបបូស ពេលមកដល់ចំណុចកើតហេតុស្រាប់
តែមានរថយន្តមិនស្គាលម៉ាកមួយគ្រឿងធ្វើដំណើរចេញពីក្លឹបបូសដូចគ្នាក៏ជ្រុលបុកពេញទំហឹងបណ្តាលឲ្យនាក់ជិះម៉ូតូដែលត្រូវជាតៃកុងរងរបួសបាក់ជើងខាងស្តាំចំណែកនារីដែលនៅខាងក្រោយរងរបួសបែកមុខបែកមាត់ រីឯម៉ូតូរងការខូចខាតផ្នែកខាងមុខស្ទើទាំងស្រុង។
បន្ទាប់ពីកើតហេតុរថយន្តបង្កបានបើកគេចខ្លួនបាត់ស្រមោលតែម្តង ក្រោយមកជនរងគ្រោះត្រូវបានរថយន្តសង្គ្រោះដឹកទៅសង្គ្រោះភ្លាមៗ រីឯម៉ូតូត្រូវបានមិត្តភ័ក្តយកទៅរក្សាទុកផងដែរ៕
