ប្រែភាសា ប៊ុន រដ្ឋា ៖ មានសេចក្តីរាយការណ៍ ពីករណីប្តីចុងចាក់ប្តីដើមស្លាប់យ៉ាងវេទនា ដែលបណ្តាលមកពីប្តីដើមនឹកឃើញអតីតរបស់របរធ្លាប់ប្រើប្រាស់ ទើបបានលបលួចចូលទៅបន្ទប់អតីតប្រពន្ឋ ប្តីចុងតាមទាន់ ទាញកាំបិតចុងស្រួចចាក់ពេញទំហឹងបណ្តាលឲ្យដាច់ខ្យល់ស្លាប់ភ្លាមៗ។
ហេតុការណ៍ បានកើតឡើងនៅថ្ងៃទី ២៨ ខែ មិនា ឆ្នាំ ២០១៤ ដោយសមត្ថកិច្ច បានទទួលសេចក្តីរាយការណ៍មកថា មានករណីសម្លាប់គ្នា នៅក្នុងផ្ទះលេខ៨១/១ ភូមិ វាំងវ៉ន ឃុំ វាំងភិនផាត ស្រុកសួនរលោក ទើប សមត្ថកិច្ច និងនួយគូភ័យ ព្រមទាំងសមត្ថកិច្ចជំនាញ បានចុះទៅកន្លែងកើតហេតុ ដែលជាផ្ទះឈើ បានប្រទះសាកសព ឈ្មោះ ស៊មស័ក្ក ផូតនីម
អាយុ ៤២ ក្នុងសភាពដោះអាវ មានស្នាមរបួស ដោយការចាក់និងកាំបិតចុងស្រួច ចាក់ជាច្រើនកន្លែងដេកស្លាប់ក្នុងថ្លុកឈាម ចំណែកលោក ស៊មភុង ខៀវរឿង អាយុ ៣៩ ឆ្នាំ ជាជនដៃដល់ មិនបានគេចទៅណាដែរ រងចាំសមត្ថកិច្ចដាក់ខ្នោះតាមសម្រួល។ ក្រោយពីសួរនាំ ទើបដឹងថា នាង ន៉ាន់ថានី ជាប្រពន្ឋ របស់លោក ស៊មភុង ជាអតីតប្តីដើមបានលែងលះគ្នា
ចំនួន២ឆ្នាំមកហើយ និងត្រូវបានជាប់ពន្ឋាគារ នូវក្តីក្តាំមួយចំនួន លុះរួចទោសក៏មករកភរិយា ដើម្បីផ្តើមជីវិត ថ្មី តែភរិយាមិនព្រម ដោយសារតែមានស្វាមីថ្មីហើយ ទើបជនរងគ្រោះ ប្រើល្បិចស្និទ្ធស្នាលជាមួយប្តីថ្មី នាំ ផឹកស៊ីលុះស្រវឹងជោគជាំ ក៏បានលេះថាទៅផ្ទះអត់រួច សុំដេកនៅផ្ទះអតីតប្រពន្ឋ មួយយប់ លុះយប់ ជ្រៅ ជនរងគ្រោះលួចចូលទៅសុំអតីតប្រពន្ឋ រួមភេទ តែ
នាងមិនព្រម ដោយសារនាងមានប្តីថ្មីហើយ ក្រោយមកក៏ប្រើកំលាំងបង្ខំនាង តែនាងមិនព្រមបានស្រែកឲ្យគេជួយប្តីជួយ ស្របពេលដែលប្តីចុងលឺក៏ទាញកាំបិទមកចាក់ ដោយកំហឹងពុះកញ្ជ្រោល ពីលើផ្ទះ រហូតដល់ក្រោមផ្ទះ លុះជនរងគ្រោះស្លាប់ ជនដៃដល់អង្គុយរងចាំឲ្យ សមត្ថកិច្ចដាក់ខ្នោះ។
