កំពង់ធំ=កាលព្រឹកថ្ងៃទី១៧ មិនា ឆ្នាំ២០១៥ នៅសាលប្រជុំសាលាខេត្តកំពង់ធំ បានរៀបចំកិច្ចប្រជុំបូកសរុបសភាពការណណ៏កិច្ចប្រតិបត្តិការឆ្នាំ២០១៤និងទិសដៅការងារឆ្នាំ២០១៥ក្រោមអធិបតេយ្យភាព ឯកឧត្តមឧត្តម សេនីយ៏ឯក ម៉ក់ ជីតូ អគ្គស្នងការរងនគរបាលជាតិ 
ឯកឧត្តម អ៊ុត សំអន អភិបាលនៃគណអភិបាលខេត្តកំពង់ធំ ព្រមទាំងសមាជិកសមាជិការមកពីស្ថាប័ន្ដនានាក្នុងខេត្ត និងស្រុក សរុបចំនួន៣៥០នាក់ ។
បន្ទាប់មកឯកឧត្តម ឧត្តមសេនីយ៍ត្រីជូ សំអាន ស្នងការនគរបាលខេត្តកំពង់ធំបានអាននូវសន្ទរកថាស្វាគមន៏ បើកអង្គប្រជុំរួចមក លោកវរៈសេនីយ៏ឯក លឹម ហេន ស្នងការរង បានអាននូវរបាយការណ៍បូកសរុបសភាពការណ៍របស់ស្នងការខេត្តដោយបានបញ្ជាក់ថា ឆ្នាំ២០១៤ កន្លងទៅនេះ បទល្មើសព្រហ្មទណ្ឌកើតឡើងចំនួន៩៦លើក លើ១១៤ លើកបើប្រៀបធៀបឆ្នាំ២០១៣ ថយចុះ១៨លើក ស្មើនិង១៦% ក្នុងនោះបទល្មើសឧក្រឹដ្ឋមានចំនួន១៧លើក លើ៣០លើក ថយចុះ១៣ លើក ស្មើ៤៣% និងបទល្មើសមជ្ឍឹមមានចំនួន៧៩លើក លើ៨៤លើក
ថយចុះចំនួន៥លើក ស្មើ៦% បណ្ដាលឲ្យមនុស្សស្លាប់ ១៧នាក់ របួស៧៩ នាក់ រងគ្រោះ១៤នាក់ បាត់បង់សម្ភារៈចំនួនធំ។ទន្ទឹមនិងបទល្មើសកើត ឡើងទាំងនោះ ក្នុងឆ្នាំ២០១៤នេះដែសមត្ថកិច្ចបានធ្វើការបង្គ្រាប់បទ ល្មើសបានចំនួន៧៥ករណី លើទបល្មើសរួម៩៦ករណី ស្មើនឹង៧៨,១២% ចាប់ខ្លួនបានចំនួន១០៧នាក់ បង្គ្រាប់ជាក់ស្ដែងចំនួន៦៩ករណី ចាប់បាន ៩៦នាក់។ ចាត់វិធានការរដ្ឋបាលអប់រំក្រុមក្មេងទំនើងបានចំនួន១៨លើក មនុស្ស២៧នាក់ និងបញ្ជូនទៅសាលាដំបូងចំនួន០២លើក មនុស្ស៤នាក់។អ្វីដែលគួរឲ្យកត់សម្គាល់ផងដែនោះ នៅក្នុងឆ្នាំ២០១៤ ចំនួនភ្ញៀវ ទេសចរអន្តរជាតិចូលមកទស្សនា តាមតំបន់រមណីដ្ឋាននានាក្នុងខេត្ត១៣.៦៨៧នាក់ លើ១៥.៥២៩នាក់ ធៀបឆ្នាំ២០១៣ ថយចុះ១.៨៤២នាក់ ស្មើនិង១១.៨៦%។
ទទឹងនិងនោះអធិការស្រុកចំនួន៣រូបគឺអធិការ ស្រុកសន្ទុក ស្រុកបារាយណ៍ និងស្រុកប្រាសាទបល្ល័ង្គបានឡើងធ្វើបទអន្តរាគមន៏អំពីកិច្ចប្រតិបត្តិការបង្កាបង្ក្រាបបទល្មើសស្ដីពីការពង្រឹងប៉ុស្តិ៏នគរបាលរដ្ឋបាល ដើម្បីសុវត្ថិភាពសហគមន៏ និងប៉ុស្តិ៏សាគ្រាម អំពីការដឹកនាំគ្រប់គ្រង់កំលាំងនគរបាល និងកិច្ចការពារសន្តិសុខ សណ្ដាប់ធ្នាប់ក្នុងឃុំ ។
ក្នងឳកាសនោះដែរឯកឧត្តមអ៊ុតសំអន អភិបាលខេត្តកំពង់ធំបានមានប្រសាន៍សំណេះសំណាល និងវាយតំលៃរាល់កិច្ចការសហប្រតិបត្តិការរបស់ស្នងការខេត្តស្រុកដែលអាចរក្សាការពារន្ដសុខសុវត្តិភាពទាំង៩ចំនុចគឺភូមិឃុំមានសុវត្ថិភាព។
ក្រោយមក ឯកឧត្តម ឧត្តមសេនីយ៏ឯក ម៉ក់ ជីតូ អគ្គស្នងការរងនគរបាលជាតិបានមានប្រសាសន៍សំណេះសំណាលនិងផ្ដាំផ្ញើរដល់កងកំលាំងប្រដាប់អាវុធគួរយកចិត្តទុកដាក់ពង្រឹងកិច្ចការពារ សន្តិសុខ សណ្ដាប់ធ្នាប់ សុវត្ថិភាព នៅតាមទីសាធារណៈឲ្យបានល្អប្រសើរ ជាពិសេស ការពារសន្តិសុខតាមទីផ្សារដាក់កាមេរ៉ាសុវត្ថិភាពសញ្ញាសំគាល់អ្វីដែលផ្ដល់ភាពងាយស្រួលដល់ប្រជាពលរដ្ឋ និងអាជីវក បានដឹងដំណឹង ឬបញ្ជូនសញ្ញាប្រកាសអាសន្នភ្លាមៗដល់សមត្ថកិច្ច ដើម្បីងាយស្រួលអន្តរាគមន៏ទាន់ពេលវេលាបង្កើនការទទួលខុសត្រូវលើបទល្មើសជាក់ស្ដែងដែលកើតឡើងក្នុងមូលដ្ឋានព្រមកោតសរសើផងដែចំពោះកិច្ចខិតខំប្រឹងប្រែងនាពេលកន្លងរបស់សមត្ថកិច្ច នៅមូលដ្ឋាននិងបន្ដអោយរឹតតែល្អប្រសើរតទៅថ្ងៃមុខ៕
ប៊ុនរិទ្ធី
