កំពង់ឆ្នាំង៖យុវជនញៀនទឹកស្រវឹងម្នាក់បានចងកសម្លាប់ខ្លួននិងក្រម៉ាក្រោមផ្ទះ ខណះដែលគេខឹងសុំលុយឪពុកយកទៅទិញទឹកត្នោតជូរផឹកបន្តមិនបាន ដែលហេតុការណ៍នេះបានកើតឡើងនៅកណ្តាលអាធ្រាតយប់ថ្ងៃទី១៦ ខែមិនា ឆ្នាំ២០១៥ នៅក្នុងភូមិត្រោកកើត ឃុំស្រែ
ថ្មី ស្រុករលាប្អៀរ។
លោកនាយប៉ុស្តិនគរបាលរដ្ឋបាលស្រែថ្មីបានអោយដឹងថា៖យុវជនធ្វើអត្តឃាតដោយចងករូបនេះមានឈ្មោះ សាយ សង្ហារ អាយុ២៨ឆ្នាំរ ស់នៅក្នុងភូមិត្រោកកើត ឃុំស្រែថ្មី ស្រុករលាប្អៀរ មានមុខរបរមិនពិតប្រាកដឡើយ រូបគេជាកូនពៅក្នុងចំណោមបងប្អូនបង្កើត៤នាក់ ដែលមានឪពុកជាជាងដំដែកធ្វើកាំបិតពូថៅ និងម្តាយជាកសិករ។
សមត្ថកិច្ចបានស្រាវជ្រាវអោយដឹងថា៖នៅព្រឹកថ្ងៃទី១៦ ខែមិនា ឆ្នាំ២០១៥ រូបគេបានសុំលុយឪពុក ៥ពាន់រៀលទិញទឹកទឹកត្នោតជូរផឹកជាមួយមិត្តពីព្រឹកដល់ល្ងាច រហូតដល់ម៉ោង១០យប់ គេបានមកសុំលុយឪពុក៥ពាន់រៀលម្តងទៀត ដើម្បីទិញទឹកត្នោតជូរផឹកបន្ត តែឪពុកមិនអោយ ហើយអោយទៅដេកទៅព្រោះស្រវឹងជោកជាំហើយ។ ពេលនោះបានឮសូរដល់បងស្រីដែលមានផ្ទះនៅក្បែគ្នានបានមកនិយាយប្រាប់ថា កុំអោយស្រែកឡូឡាយប់ហើយបើស្រវឹងទៅដេកទៅ។ ពេលនោះយុវជនចិត្តខ្លាំងក៏បានដើរទៅរកបាយស៊ីរួចក៍បានឡើងដេកលើអង្រឹងនៅក្រោមផ្ទះ។
លុះដល់ម៉ោងប្រមាណជា៥រៀបភ្លឺឪពុកបានឮសម្លេងឆ្កែព្រុះខ្លាំងៗពេក ក៏បានចុះមកក្រោមផ្ទះ បើកភ្លើងឡើងក៏ស្រាប់តែឃើញយុវជនជាកូនបានចងក ក្រម៉ានិងរ៉តផ្ទះស្លាប់បាត់ទៅហើយ ដោយមានភាពតក់ស្លត់គាត់ក៏បានស្រាយក្រម៉ាទម្លាក់សពកូនចុះមកដី ហើយក៏បានស្រែកឆោរឡោឡើង អោយអ្នកភូមិជួយរាយការណ៍អោយសមត្ថកិច្ចមូលដ្ឋានបានដឹង។
នៅព្រឹកថ្ងៃទី១៧ ខែមិនា ឆ្នាំ២០១៥ សមត្ថកិច្ចជំនាញនគរបាលស្រុករលាប្អៀរបានចុះមកពិនិត្យសពយុវជនធ្វើអត្តឃាតតាមបច្ចេកទេស ហើយអោយដឹងថា៖រូបគេពិជាស្លាប់ដោយសារការចងកនិងក្រម៉ាជាប់និងរតផ្ទះពិតប្រាកដមែន ហើយក៏បានប្រគល់សពគេជូនក្រុមគ្រួសារធ្វើបុណ្យទានតាមប្រពៃណី។
ប្រភពមួយដោយឡែកបានបង្ហើបអោយដឹងផងដែរថា យុវជនចិត្តខ្លាំងខាងលើនេះ គឺជាមុខសញ្ញាប្រើប្រាស់គ្រឿងញៀនផងដែរ និងក៏ធ្លាប់បង្កការអុឡុកក្នុងភូមិ និងដើរផឹកស្រាដើររករឿងក្នុងគ្រួសាររាល់ថ្ងៃមិនដែលចេះរកស៊ីធ្វើការអ្វីនោះឡើយ ពេលគេស្លាប់ទៅក្រុមគ្រួសារក៏ធូរទ្រូងបន្តិចដែរ៕
