ខេត្តបន្ទាយមានជ័យប្រជាពលរដ្ឋរស់នៅក្នុងស្រុកមង្គលបូរីខេត្តបន្ទាយមានជ័យបានសម្តែងនូវការព្រួយបារម្ភចំពោះការដ្ឋានកាយដីរូងបូមយកខ្សាច់គ្មានច្បាប់ចំនួន៣កន្លែងដែលកំពុងធ្វើសកម្មភាពយ៉ាងអនាធិបតេយ្យដោយមិនខ្លាចញញើតច្បាប់នោះឡើយ។
សកម្មភាពកាយដីបូមយកខ្សាច់៣កន្លែងមាន១នៅក្រោយសាលារៀនខាងលិចប្រមាណ២០០ម៉ែត្រស្ថិតក្នុងភូមិពោធិរៀងឃុំអូរប្រាសាទនិង២នៅខាងកើតផ្លូវជាតិលេខ៥ក្បែររោងម៉ាស៊ីនស្ថិតភូមិអូរស្ងួតឃុំបន្ទាយនាងនិង៣នៅខាងផ្លូវជាតិលេខ៥ប្រមាណ៣០០ម៉ែត្រស្ថិតភូមិគោកទំលាប់ឃុំបន្ទាយនាងស្រុកមង្គលបូរីខេត្តបន្ទាយមានជ័យ។ប្រជាពលរដ្ឋបានប្រាប់ថាឈ្មួញ
ដែលធ្វើសកម្មភាពយកអ៊ែស្កាកាយរូងហើយបូមយកខ្សាច់មានមិនតិចជាង១០រណ្តៅហើយរណ្តៅនីមួយៗមានប្រវែងមិនតិចជាង១០០ម៉ែត្រដែលមានជម្រៅជាង១០ទៅ២០ម៉ែត្រ។ហើយឈ្មួញធ្វើសកម្មភាពជីកបូមយកខ្សាច់លក់នេះគឺមានរយៈពេលជាយូរមកហើយដែលធ្វើឲ្យបំផ្លាញផ្លូវមិនដែលមានការជួលជុលហើយប្រជាពលរដ្ឋមានការព្រួយបារម្ភព្រោះការជីកបូមយកខ្សាច់មានជម្រៅជ្រៅដែលជាការព្រួយបាយរម្យដល់កូនចៅពួកគាត់ធ្លាក់លង់ទឹកស្លាប់។
ប្រជាពលរដ្ឋសំណូមពរសុំអោយមន្ត្រីជំនាញនិងអាជ្ញាធរខេត្តមានវិធានការចំពោះសកម្មភាពកាយដីបូមយកខ្សាច់ដែលកើតមានក្នុងមូលដ្ឋានស្រុកមង្គលបូរីផង។មេភូមិពោធិរៀងបានប្រាប់ថាឈ្មួញដែលធ្វើសកម្មភាពកាយដីបូមខ្សាច់លក់គឺមានរយះពេលជាច្រើនឆ្នាំមកហើយមិនឃើញមានអាជ្ញាធរឬមន្ត្រីជំនាញណាមួយមានវិធានការបង្ក្រាបឡើយទោះជាអាជ្ញាធរបាន
ហាមឃាត់ក៏ពួកឈ្មួញគេមិនក្លាចញញើតដែរគេនៅបន្តធ្វើសកម្មភាពរហូតដោយពួកគេអាងអំណាចលុយទិញទឹកចិត្តមន្ត្រីជំនាញមិនធ្វើអ្វីពួកគេកើតហើយធ្វើសកម្មភាពកាយដីនិងបូមខ្សាច់លក់ដឹកបំផ្លាញផ្លូវបណ្តាលខូចមិនដែលឃើញជួសជុលឬធ្វើសងវិញឡើយ៕
