កំពង់ធំ.ម៉ូតូសណ្តោងរ៉ឺម៉កដឹកកូនឈើ បានព្រលះយ៉ាងពេញទំហឹងជាមួយ ម៉ូតូអ្នកលក់តាប៉ែ បណ្តាលឲ្យមានមនុស្ស២នាក់ រងរបួសធ្ងន់ទាំងសងខាងហេតុការណ៍នេះ បានកើតឡើងនៅវេលាម៉ោង៨.៣០នាទីព្រឹកថ្ងៃទី១៨ខែមិនាឆ្នាំ២០១៥ ដែលស្ថិតនៅផ្លូវក្រាលគ្រួសក្រហម ក្នុងភូមិល្អក់.ឃុំកំពង់ថ្ម.ស្រុកសន្ទុក.ខេត្តកំពង់ធំ.។
ប្រភពពត៏មានពីកន្លែងកើតហេតុបានឲ្យដឹងថា.មុនពេលកើតហេតុគេឃើញម៉ូតូសណ្តោងរ៉ឺម៉ក ម៉ាកយ៉ាមហាពណ៍ខ្មៅដឹកកូនឈើពេញហៀរ បានបើកបរក្នុងទិសដៅពីទិសខាងកើតទៅទិសខាងលិច ខណៈនោះគេបានឃើញម៉ូតូសង់កូរ៉េ ពណ៍ក្រហម ស្លាកលេខកំពង់ធំ1AK- 1065 កំពុងតែស្រែកពពាយនាយតាប៉ែអើយតាប៉ែក្នុងទិសដៅស្របទិសគ្នា ខណៈពេលនោះតៃកុងម៉ូតូសណ្តោងរ៉ឺម៉កដឹកកូនឈើស្រែកថាអេបៗជាច្រើនដង អ្នកលក់តាប៉ែស្មានថាគេហៅទិញតាប៉ែ ក៍កាច់ចង្កូតមកខាងស្តាំ បណ្ដាលឲ្យបុកគ្នាពេញទំហឹងអូសប្រមាណប្រហែលជាង១០ម៉ែត្រធ្លាក់ថ្នល់សន្លប់ឈឹងទាំងសងខាង។
លោក ម៉ៅ ចន្ធី នាយប៉ុស្តិ៍រដ្ឋបាលឃុំកំពង់ថ្មបានឲ្យដឹងថាជន់រងគ្រោះអ្នករ៉ឺម៉កដឹកកូនឈើឈ្មោះម៉ាន ភេទប្រុសអាយុ២៨ឆ្នាំ រស់នៅភូមិពណ្ណារាយ ឃុំចើងដើង ស្រុកបារាយណ៍ ខេត្តកំពង់ធំ ត្រូវរបួសបាក់ចង្កេះធ្ងន់ រីឯអ្នកលក់តាប៉ែ ឈ្មោះឆឹម ហ៊ុន ភេទ ប្រុសអាយុ៤២ឆ្នាំ រស់នៅភូមិស្លែងជីបា ស្រុកស្រីសន្ធរ ខេត្តកំពង់ចាមបច្ចុប្បន្នមកស្នាក់នៅក្នុង ភូមិផ្លាក ឃុំ
ក្រយា ស្រុកសន្ទុក ខេត្តកំពង់ធំ រងរបួសត្រូវឈើបុកធ្លាយពោះ របួសធ្ងន់ដូចគ្នាក្រោយពីសមត្ថកិច្ចចុះត្រួតពិនិត្យនឹងវាស់វែងហើយក៍បានបញ្ជូនជន់រងគ្រោះទាំងពីនាក់មកព្យបាលនៅមន្ទីពេទ្យបង្អែកបារាយណ៍.សន្ទុកចំណែកម៉ូតូទាំងសង់ខាងត្រូវបានអូសយកមករក្សាទុកនៅអធិការដ្ឋានន.គបាលស្រុកសន្ទុករងចាំដោះស្រាយទៅតាមផ្លូវច្បាប់។
ដោយ ប៊ុន រដ្ឋា
