សៀមរាប នៅរដ្ឋបាលសាលាខេត្តសៀមរាប នាព្រឹកថ្ងៃទី១៧ ខែមីនា ឆ្នាំ២០១៥ មានធ្វើពិធីប្រគល់កុំព្យូទ័រ Printer និងម៉ាស៊ីនLCD ដល់បុគ្គលិកក្របខណ្ឌផ.អ.៣ ខេត្តសៀមរាប តាមបណ្ដាក្រុង/ស្រុក ក្នុងខេត្តសៀមរាប ចំនួន១៦គ្រឿងដែលឧបត្ថម្ភដោយគណៈកម្មាធិការជាតិសម្រាប់ការអភិវឌ្ឍន៍តាមបែបប្រជាធិបតេយ្យនៅថ្នាក់ក្រោមជាតិ(គ.ជ.អ.ប) ក្រោមអធិបតីភាព លោកឃឹម ប៊ុនសុង អភិបាលនៃគណៈអភិបាលខេត្តសៀមរាបដោយមានតំណាងមន្ត្រីសាលាខេត្ត និងមន្ត្រីពីពាក់ព័ន្ធមកពីក្រុង/ស្រុកទាំង១២ផងដែរ ។ 
មានប្រសាសន៍ក្នុងឱកាសប្រគល់កុំព្យូទ័រ Printer និងម៉ាស៊ីនLCD ដល់បុគ្គលិកក្របខណ្ឌផ.អ.៣ ខេត្តសៀមរាប នាឱកាសនោះ លោកឃឹម ប៊ុនសុង ក៏បានធ្វើការណែនាំមួយចំនួន ដល់មន្ត្រីអនុវត្តគម្រោង ក្នុងក្របខណ្ឌ ផ.អ.៣ នៅតាមបណ្តាក្រុង ស្រុក ។ ក្នុងនោះឯកឧត្តមសង្ឃឹមជឿជាក់ថា មន្ត្រីបុគ្គលិកទាំងអស់ នឹងយកសម្ភារៈទៅបម្រើការជូនអង្គភាពប្រកបដោយគុណធម៌ មិនគេងប្រវ័ញ្ច ឬ បន្លំ និង ការផ្លាស់ប្ដូររបស់ថ្មី ដោយយករបស់ចាស់មកប្រើប្រាស់នោះទេ។លោកឃឹមប៊ុនសុងបានបន្តថា ទោះបីសម្ភារៈទាំងអស់នេះជារបស់រដ្ឋ
ក៏ដោយ អ្នកដែលទទួលយកទៅប្រើប្រាស់ត្រូវចាត់ទុកជារបស់ខ្លួន និង ចេះថែរក្សាឲ្យការប្រើប្រាស់បានយូរ សម្រាប់ការអភិវឌ្ឍន៍តាមបែបប្រជាធិបតេយ្យនៅថ្នាក់ក្រោមជាតិ ជាពិសេស នៅក្នុខេត្តសៀមរាបយើងនេះ ។ ម្យ៉ាងទៀត កុំព្យូទ័រទាំងអស់នេះនឹងជួយសម្រួលសម្រាប់ការអនុវត្តកម្មវិធីជាតិ សម្រាប់ការអភិវឌ្ឍន៍តាមបែបប្រជាធិបតេយ្យនៅថ្នាក់ក្រោមជាតិសំដៅឆ្លើយតបទៅនឹងតម្រូវការរបស់ប្រជាពលរដ្ឋក៏ដូចជាចូលរួមអនុវត្តនូវយុទ្ធសាស្ត្រចតុកោណដំណាក់កាលទី៣របស់រាជរដ្ឋាភិបាលកម្ពុជាតាមរយៈការកាត់បន្ថយភាពក្រីក្រនៅមូលដ្ឋាន៕
