សេចក្ដីរាយការណ៍បានបញ្ជាក់កាល ពីថ្ងៃទី១៦ ខែមីនា ថា ប៉ូលិសម៉ាឡេស៊ី បានចាប់ខ្លួនកូនស្រីច្បងរបស់មេបក្ស ប្រឆាំងលោក Anwar Ibrahim ដែល កំពុងជាប់ឃុំ ក្រោមបទចោទប្រកាន់ថា នាងបានថ្លែងសុន្ទរនាំឱ្យមានបំបះបំបោរ ប្រឆាំងរដ្ឋាភិបាល ។ ការចាប់ខ្លួន
នាំឱ្យ មានការថ្កោលទោសជាអន្ដរជាតិ ។
ស្នងការប៉ូលិសម៉ាឡេស៊ី លោក Khalid Abu Bakar បានបញ្ជាក់ថា លោកស្រីNurul Izzah Anwar ត្រូវឃាត់ ខ្លួនបណ្ដោះអាសន្នដើម្បីជួយសមត្ថកិច្ច ក្នុងការស៊ើបអង្កេតទៅលើការប្រមូល ផ្ដុំរបស់ក្រុមប្រឆាំង ក៏ដូចជាឃាត់ខ្លួន ដោយសារការធ្វើអត្ថាធិប្បាយដែល មានន័យប្រមាថមាកងាយទៅលើមន្ដ្រី តុលាការថាជាអ្នកលក់ក្បាល លក់ឧត្ដម គតិរបស់ខ្លួនទៅឱ្យខ្មោចបិសាចនោះ ។
ជាអ្នកតំណាងរាស្ដ្រ និងជាអនុប្រធាន គណបក្សយុត្ដិធម៌របស់ឪពុក លោកស្រី Nurul Izzah ត្រូវបានឃុំខ្លួន បន្ទាប់ពី ការធ្វើអត្ថាធិប្បាយ ថ្លែងសុន្ទរកថានៅ ក្នុងសភាកាលពីសបា្ដហ៍មុន ។ នេះបើ តាមការបញ្ជាពីមន្ដ្រីទំនាក់ទំនងគណ បក្សយុត្ដិធម៌ លោក Fahmi Fadzil ។
លោក Fadzil បញ្ជាក់ថា ការចាប់ ខ្លួនលោកស្រី Izzah នេះជារឿងមួយគួរ ឱ្យអស់សំណើច ពីព្រោះថា តំណាងរាស្ដ្រ ទៅហើយ ប៉ុន្ដែពុំមានអភ័យឯកសិទ្ធិអ្វី ទាំងអស់ដែលថ្លែងនៅក្នុងសភា។ លោក បន្ដថា នេះជាហេតុផលនយោបាយពី សំណាក់គណបក្សប្រឆាំងដើម្បីបំបិទ សំឡេងប្រឆាំង ក្រោយពីលោក Anwar ត្រូវតុលាការផ្ដន្ទាសទោសជាប់ឃុំក្នុង ពន្ធនាគាររយៈពេល៥ឆ្នាំ បន្ទាប់ពីចាញ់ ក្ដីក្នុងរឿងក្ដីក្ដាំផ្លូវភេទដូចគ្នា ។
ប្អូនស្រីរបស់លោកស្រីNurul Izzah គឺអ្នកនាង Nural Nuha Anwar បាន បញ្ជាក់ថា គាត់(Nurul Izzah)បាន ចូលទៅកាន់ប៉ុស្ដិ៍ប៉ូលិសដោយស្ម័គ្រចិត្ដ ដើម្បីទៅជូនលិខិតស្ដីអំពីការធ្វើបាតុកម្ម ប៉ុន្ដែបែរជាត្រូវចាប់ខ្លួន ។ អ្នកស្រីបន្ដ ថា នេះជាការរំលោភបំពានខាងផ្លូវ ច្បាប់ ហើយក្រុមគ្រួសាររបស់លោក ស្រីអំពាវនាវឱ្យមានការដោះលែងជា បន្ទាន់ និងគ្មានលក្ខខណ្ឌ ។
ស្នងការប៉ូលិស លោក Abu Bakar បានបញ្ជាក់ថា សមត្ថកិច្ចនឹងដោះលែង នៅពេលដែលប៉ូលិសសាកសួរចម្លើយ ចប់សព្វគ្រប់ ។
ការចាប់ខ្លួនមេបក្សប្រឆាំងនៅក្នុង ប្រទេសម៉ាឡេស៊ី លោក Anwar ហើយ កាត់ទោសជាប់ឃុំក្នុងពន្ធនាគារនោះ ត្រូវក្រុមអ្នកសង្កេតការនៅក្នុងស្រុក ក៏ ដូចអន្ដរជាតិមើលឃើញថា ជាចេតនា ក្នុងផ្លូវនយោបាយសុទ្ធសាធដើម្បីកំរាម កំហែងទៅលើសំឡេងប្រឆាំងពីសំណាក់ គណបក្សចម្រុះដែលគ្រប់គ្រងអំណាច ដឹកនាំរដ្ឋាភិបាល។ គណបក្សកាន់អំណាច មានសំឡេងគាំទ្រធ្លាក់ចុះនៅក្នុងការ បោះឆ្នោតឆ្នាំ២០០៨ ក្រោយគណបក្ស នេះទទួលបានសំឡេងគាំទ្ររយៈពេលជាង ៥ទសវត្សរ៍កន្លងមក ។ លោក Anwar និងសមាជិកបក្សប្រឆាំង៣រូបផ្សេងទៀត ជាគោលដៅសំខាន់ដែលគំរាមកំហែង ខាងផ្លូវនយោបាយរបស់រដ្ឋាភិបាលគណ បក្សចម្រុះលោកនាយករដ្ឋមន្ដ្រី Najib Razak ។
លោក Anwar និងសម្ពន្ធមិត្ដបាន ឈ្នះសំឡេងគាំទ្រដែលមិនធ្លាប់នឹកស្មាន ដល់នៅក្នុងការបោះឆ្នោតឆ្នាំ២០០៨ ហើយក៏កាន់តែកើនឡើងខ្លាំងទៀតនៅ ក្នុងការបោះឆ្នោតឆ្នាំ២០១៣ ។ សម្ព័ន្ធ រណសិរ្សជាតិរបស់លោក Najib បាន ឈ្នះឆ្នោតទាំងប្រផុតប្រផើយ ដោយសារ បាត់បង់ប្រជាប្រិយភាពទៅលើគណបក្ស ប្រឆាំង ។
ការចាប់ខ្លួនលោកស្រីតំណាងរាស្ដ្រ បក្សប្រឆាំងខាងលើនេះធ្វើឱ្យអាមេរិក សម្ដែងការព្រួយបារម្ភចំពោះសិទ្ធិ សេរី ភាពក្នុងការបញ្ចេញមតិ ក៏ដូចជាការ អនុវត្ដប្រព័ន្ធច្បាប់នៅក្នុងប្រទេសនេះ ផងដែរ ។ លោកស្រី Jen Psaki អ្នកនាំ ពាក្យក្រសួងការបរទេសអាមេរិកបាន ថ្លែងថា ការរិតបន្ដឹងទៅលើសិទ្ធិសេរី ភាពបញ្ចេញមតិ នឹងធ្វើឱ្យប្រព័ន្ធដំណើរ ការលទ្ធិប្រជាធិបតេយ្យនៅម៉ាឡេស៊ី កាន់តែរិចរិលថែមទៀតតែប៉ុណ្ណោះ ។
ក្រុមសិទ្ធិមនុស្សបានអំពាវនាវឱ្យ រដ្ឋាភិបាលបញ្ឈប់សកម្មភាពចាប់ខ្លួន គំរាមកំហែងទៅលើសំឡេងប្រឆាំង ។ លោក Phil Robertson នាយករងអង្គ ការសិទ្ធិមនុស្សប្រចាំតំបន់អាស៊ីបាន បញ្ជាក់ថា នាយករដ្ឋមន្ដ្រី Najib ត្រូវ តែដឹងថា រាល់ការចាប់ខ្លួនក្រុមប្រឆាំង ដោយចោទបំបះបំបោរនោះនឹងនាំទៅរក ការបំផ្លិចបំផ្លាញដល់ការគោរពសិទ្ធិ មនុស្ស និងលទ្ធិប្រជាធិបតេយ្យនៅក្នុង ប្រទេសម៉ាឡេស៊ីតែប៉ុណ្ណោះ 9
