ភ្នំពេញ ៖ សមត្ថកិច្ចជំនាញបានសន្និដ្ឋានជំហានដំបូងថា បុរសជនជាតិបារាំងម្នាក់ ត្រូវបានប្រទះឃើញដេកស្លាប់ នៅក្នុងបន្ទប់ផ្ទះសំណាក់សុភមង្គល កាលពីវេលាម៉ោង៩ ព្រឹកថ្ងៃទី១៨ ខែមីនា ឆ្នាំ២០១៥ អាចបណ្តាលមកពីជម្ងឺគាំងបេះដូង ។
លោកវរសេនីយ៍ឯក ប្រាក់ ងួន សមត្ថកិច្ចនគរបាលនៃស្នងការដ្ឋាននគរបាលរាជធានីភ្នំពេញ ដែលស្ថិតនៅកន្លែងកើតហេតុ បានសន្និដ្ឋានជំហានដំបូងថា បុរសជនជាតិបារាំងរូបនេះ អាចស្លាប់ដោយសារជម្ងឺគាំងបេះដូង ។ លោក ថ្លែងបន្តថា បច្ចុប្បន្នសព ត្រូវបានបញ្ជូនទៅកាន់កន្លែងជំនាញ ដើម្បីធ្វើកោសល្យវិច័យបន្ថែមទៀត បញ្ជាក់ពីមូលហេតុស្លាប់ពិតប្រាកដ ។
បុរសជនជាតិបារាំងវ័យជាង៤០ឆ្នាំ ដែលនៅពុំទាន់ដឹងអត្តសញ្ញាណ បានដេកស្លាប់ក្នុងបន្ទប់លេខ៣០២ ជាន់ទី៣ នៃផ្ទះសំណាក់សុភមង្គល ដែលមានទីតាំងតាមបណ្តោយផ្លូវប៉ាស្ទឺរ ក្នុងសង្កាតផ្សារថ្មីទី១ ខណ្ឌដូនពេញ ។
គួរបញ្ជាក់ផងដែរថាបុរសជនជាតិបារាំងដែលដេកស្លាប់ខាងលើនេះប្រហែលជាប្រើប្រាស់គ្រឿងញៀនជ្រុល. ។
បច្ចុប្បន្នសាកសពខាងលើត្រូវបានយកទៅតំកល់ទុកនៅកន្លែងតំកល់សពនៅវត្តស្ទឹងមានជយ័ ដើម្បឹរកសាច់ញាតិយកទៅធ្វើបុណ្យតាមប្រពៃណឹ
