បុរសម្នាក់ត្រូវបានបាត់បង់ជីវិតបន្ទាប់ពីបន្លំលួចចូលទៅដេករួមភេទជាមួយប្រពន្ធគេដែលកំពុងដេកលង់លក់ជាមួយប្តីតែត្រូវស្ត្រីរងគ្រោះសង្ស័យបានស្ទាបមុខមាត់ដឹងថាមិនមែនជាប្តី របស់ខ្លួនបានស្រែកឲ្យគេជួយខណះនោះប្តីស្ត្រីរងគ្រោះរួមទាំងប្រជាពលរដ្ឋជិតខាងឆោឡោ
មកជួយព្រួតគ្នាមួយដៃមួយជើងបាត់បង់ជីវិតនៅនិងកន្លែងកើតហេតុ។
ហេតុការណ៍ខាងលើនេះបានកើតឡើងកាលពីវេលាម៉ោង២០និង៣០នាទីយប់ថ្ងៃទី១៧មិនា២០១៥នៅភូមិមេប៉ៃ ឃុំពូជ្រៃ ស្រុកពេជ្រាដា ខេត្តមណ្ឌលគិរី។
លោកវរសេនីយ៍ឯក សូ សុវណ្ណ ស្នងការរងនិងជាប្រធានការិយាល័យកណ្តាលព្រហ្មទណ្ឌបានឲ្យដឹងថា ជនសង្ស័យដែលបានបន្លំដេករួមភេទជាមួយប្រពន្ធគេឈ្មោះ អ៊ុន ស្រ៊ុន អាយុ 31 ឆ្នាំមានទីលំនៅភូមិ ខ្នាយ ឃុំតាកោ ស្រុកកំពង់លាវ ខេត្តព្រៃវែង។ស្ត្រីជនរងគ្រោះឈ្មោះ ខន ស៊ាងហាក់ ស្រី អយុ26 ឆ្នាំ មុខរបរជាកម្មករធ្វើផ្លូវថ្នល់មានស្រុកកំណើតភូមិឫស្សីជ្រុម ឃុំសៀងឃ្វាង ស្រុកកំចាយមា ខេត្តព្រៃវែង។
លោកស្នងការរងបានឲ្យដឹងទៀតថាតាមចម្លើយរបស់ស្ត្រី រងគ្រោះបាននិយាយប្រាប់សមត្ថកិច្ចជំនាញថាក្រោយកើតហេតុ រំលោភរួចគាត់ បានស្រែកអោយ គេជួយ ភ្លាមនោះប្តីនិងអ្នកជិតខាងបានមកព្រួតគ្នាចាប់និងវាយ លើជនសង្ស័យ បណ្តាលអោយរងរបួសធ្ងន់ទើបប្តឹងមកសមត្ថកិច្ចនគរបាលប៉ុស្តិ៍។
លោកបន្តថា បន្ទាប់ពីកំលាំងសមត្ថកិច្ចនគរបាលដល់បានជួយដឹកបញ្ជូនទៅពេទ្យសង្គ្រោះបន្ទាន់ តែត្រូវបានស្លាប់នៅវេលាម៉ោង 5 ទៀបភ្លឺចូលថ្ងៃទី១៨មិនានេះ។បច្ចុប្បន្នសាកសពត្រូវបានដឹកយកមកតម្កល់នៅវត្តរងចាំបូជាព្រោះសមត្ថកិច្ចបានទំនាក់ទំនងទៅឪពុកម្តាយតែពួកគាត់មិនអាចមកបានសុំឲ្យបូជាទុកតែធាតុចាំមកទទួលពេលក្រោយ។សមត្ថកិច្ចជំនាញសន្និដ្ឋានថា ករណីខាងនេះជាករណីរំលោភសេពសន្ថវះតែនេះជាលើកទីមួយហើយនៅក្នុងខេត្តមណ្ឌលគិរីដែលមានករណីជនសង្ស័យបានបាត់បង់ជីវិតដោយសារតុលាការប្រជាជន៕ឦសាន
