ស្ថានប័នរដ្ឋសហរដ្ឋអាមេរិកបានលើកឡើងថា ខ្លួននឹងចាត់វិធានការយ៉ាង តឹងរឹងបំផុត ដើម្បីការពារដល់សុវត្ថិភាពរបស់លោកស្រីឯកអគ្គរដ្ឋទូតប្រចាំ ប្រទេសជប៉ុន ខារ៉ូលីន ខេនណេឌី បន្ទាប់ពីលោកស្រីបានទទួលរងការគំរាម គំហែងសម្លាប់តាមរយៈប្រព័ន្ធទូរស័ព្ទពីបុរសមិនស្គាល់អត្តសញ្ញាណ ដែល និយាយជាភាសាអង់គ្លេស ។
ស្របពេលជាមួយគ្នានេះដែរ អ្នកនាំពាក្យស្ថាប័នរដ្ឋអាមេរិក លោកស្រី ជេន ផ្សារគី បានប្រាប់ក្រុមអ្នកសារព័ត៌មានថា កាលពីថ្ងៃ ពុធ ម្សិលមិញនេះ រដ្ឋា ភិបាលក្រុងវ៉ាស៊ីនតោន ក៏បានទទួលព័ត៌មានពីការគំរាមគំហែងកាន់តែធ្ងន់ ធ្ងរឡើងៗ មកលើគណៈប្រតិភូជាន់ខ្ពស់អាមេរិកជាច្រើនរូបផ្សេងទៀតផង ដែរ ដូច្នេះសហរដ្ឋអាមេរិក និង រដ្ឋាភិបាលជប៉ុននឹងចូលរួម
បំពេញការងារ រួមគ្នា ក្នុងគោលបំណងចាត់វិធានការកាន់តែតឹងរឹងទ្វេដង ដើម្បីពង្រឹងធានា សុវត្ថិភាពនៅគ្រប់តំបន់ទាំងអស់ ខណៈដែលប្រតិបត្តិស៊ើបអង្កេតវែកមុខ ជនបង្កបាននឹងកំពុងធ្វើឡើងយ៉ាងមមាញឹក ។
គួររំលឹកផងដែរថា ចំណាត់ការរឹតបន្តឹងប្រព័ន្ធសុវត្ថិភាពដល់មន្ត្រីជាន់ខ្ពស់ សហរដ្ឋអាមេរិកខាងលើនេះ ត្រូវបានធ្វើឡើងបន្ទាប់ពីឯកអគ្គរដ្ឋទូតអាមេរិក ប្រចាំប្រទេសកូរ៉េខាងត្បូង លោក ម៉ាក លីបភឺត ត្រូវបានបុរសម្នាក់វាយ ប្រហារដោយកាំបិតក្នុងក្រុងសេអ៊ូលកាលពីពេលថ្មីៗកន្លងទៅនេះ បណ្តាល អោយរូបលោកទទួលរងរបួសជាច្រើនកន្លែង ៕
