កំពង់ឆ្នាំង៖ កុមារីជាសិស្សរៀននៅវិទ្យាល័យព្រះបាទសុរាម្រឹតម្នាក់បានរងរបួសធ្ងន់ធ្ងរ នៅក្នុងហេតុការណ៏គ្រោះថ្នាក់ចរាចរណ៍មួយ ពេលដែលរថយន្តកាមរីមួយគ្រឿងបើកជែងគ្នាទៅបុកកុមារីរងគ្រោះកំពុងជិៈកង់ចេញពីសាលារៀន។ករណីនេះបានកើតឡើងវេលាម៉ោង ៣និង៣០នាទីរសៀលថ្ងៃទី១៨ ខែមិនា ឆ្នាំ២០១៥ លើផ្លូវជាតិលេខ៥ នៅចំណុចមុខវិទ្យាល័យព្រះបាទសុរាម្រឹតស្ថិតនៅក្នុងភូមិស្រែព្រីងសង្កាត់កំពង់ឆ្នាំង ក្រុងកំពង់ឆ្នាំង។
សមត្ថកិច្ចនគរបាលចរាចរណ៍ ក្រុងកំពង់ឆ្នាំងបាននិយាយថា៖កុមារីរងគ្រោះ មានឈ្មោះ សួន រត្ន័រង្សី អាយុ១៤ឆ្នាំ មានទីលំនៅ ភូមិស្រែព្រីង សង្កាត់កំពង់ឆ្នាំង ក្រុងកំពង់ឆ្នាំង ជាសិស្សរៀនថ្នាក់ទី ៧ នៅវិទ្យាល័យព្រះសុរាម្រឹត ។
ចំណែករថយន្តម៉ាកកាមរីគូថហើមមិនស្គាល់ស្លាកលេខមុនពេលកើតហេតុរថ
យន្តខាងលើ បានបើកក្នុងល្បឿនយ៉ាងលឿនក្នុងដំណើរពីជើងទៅត្បូងតាមបណ្តោយផ្លូវជាតិ លុះមកដល់ចំណុចកើតហេតបានជែងវ៉ារថយន្តមួយគ្រឿងទៀត ក្នុងដំណើរស្រប ទិសគ្នាហើយជ្រុលទៅបុកកុមារីរងគ្រោះអូសចម្ងាយជិត១០០ម៉ែត្រដែលកំពុងជិះកង់ចេញពី
សាលារៀនបណ្តាលអោយនាង រងគ្រោះរងរបួសធ្ងន់ ចំណែកកង់បានខ្ទេចទាំងស្រុង ក្នុងពេលកើតហេតុរថយន្តបង្កដែលបើកបរដោយជនមិនស្គាល់ឈ្មោះបានបើករត់គេចខ្លួនបាត់។
កុមារីរងគ្រោះត្រូវបានសមត្ថកិច្ចនគរបាលកំពង់ឆ្នាំងទូរស័ព្ទហៅរថយន្តរបស់មន្ទីរពេទ្យដឹកយកទៅសង្គ្រោះនៅមន្ទីរពេទ្យខេត្តកំពង់ឆ្នាំង ហើយក៏បានប្រកាសតាមវិទ្យទាក់ទងទៅតាមបណ្តាស្រុកក្នុងខេត្ត ដើម្បីជួយស្ទាក់ចាប់រថយន្តបង្កផងដែរតែរកមិនឃើញឡើយ៕
