ក្រចេះ ៖រថយន្ដដឹកដំឡូងមួយគ្រឿង បានបុកជាមួយរថយន្ដក្រុង របស់ក្រុមហ៊ុនវៀតណាម បណ្ដាលឱ្យស្លាប់ព្រូរថយន្តក្រុងម្នាក់ និងអ្នករួមដំណើរ១១នាក់ រងរបួសធ្ងន់ស្រាល កាលពីវេលាម៉ោង៨ និង៤០នាទីព្រឹកថ្ងៃទី១៩ ខែមិនា នៅចំណុចគីឡូម៉ែត្រ៨៨ស្ថិតក្នុងឃុំ២ធ្នូ ស្រុកស្នួល ខេត្តក្រចេះ ។
ប្រភពព័ត៌មានពីកន្លែងកើតហេតុ បានឱ្យដឹងថា មុនពេលកើតហេតុ គេឃើញរថយន្ដក្រុងមួយគ្រឿង ដែលដឹកអ្នកដំណើរ ជាជនជាតិវៀតណាម ចេញពីទីរួមខេត្ដ ក្រចេះ លុះពេលមកដល់ ចំណុចកើតហេតុក៍ បានបុក ជាមួយរថយន្ដដឹកដំឡូង លាន់ដូចរន្ទ បណ្ដាលឱ្យព្រូរថយន្ដក្រុង ស្លាប់ រីឯអ្នកបើករថយន្ដជា ជនជាតិវៀត ណាមរងរបួស ដាច់ជើង ឯអ្នកជិះនៅលើរថយន្ដចំនួន១១នាក់ រងរបួសធ្ងន់ស្រាល ។
លោក ចាន់ សុខគីម អធិការនគរបាលស្រុកស្នួលបានអោយដឹងថាសម្រាប់សពជនរងគ្រោះ ឈ្មោះវៀង ថាញ់គាង អាយុ៣៣ឆ្នាំ ជាជនជាតិវៀត គឺបានសមត្ថកិច្ច ទាក់ទងទៅក្រុមគ្រួសារមក ទទួលយកទៅធ្វើ បុណ្យ តាមប្រពៃណី ចំណែកអ្នករងរបួសធ្ងន់៤នាក់ និងរបួសស្រាល៧នាក់បញ្ចូនទៅសង្គ្រោះនៅប្រទេសវៀតណាម ហើយរថយន្ដទាំងពីរគ្រឿង សមត្ថកិច្ចកំពង់រករថយន្តស្ទួចនាំ យកទៅរក្សាទុក នៅអធិការដ្ឋាន នគរបាលស្រុកស្នួល ដើម្បីរង់ចាំការដោះ ស្រាយបន្ដទៀត ។
