ខេត្តបន្ទាយមានជ័យ៖រថយន្តដឹកទំនិញរត់ព័ន្ធដឹកទំនិញចេញពីក្រុងប៉ោយប៉ែតបាននាំគ្នាប្រតិកម្មយ៉ាងខ្លាំងចំពោះមន្ត្រីនគបាលសេដ្ឋកិច្ចក្រសួងដាក់ប៉ុស្តិ៍ជជុះ៣កន្លែងជម្រិតទារលុយច្រើនហួសហេតុក្នុងខេត្តបន្ទាយមានជ័យ។ រថយន្តដឹកទំនិញរត់ព័ន្ធបានប្រាប់ថាអ្នកដែល
រកស៊ីដឹកទំនិញកំពុងជួបផលលំបាក់យ៉ាងខ្លាំងដែលដឹកទំនិញចេញពីទីក្រុងប៉ោយប៉ែតឆ្លងកាត់ផ្លូវជាតិលេខ៥និងលេខ៦ក្នុងខេត្តបន្ទាយមានជ័យបានឲ្យដឹងថាប៉ុស្តិ៍ជជុះដែលខ្លាំងជាងគេគឺមានប៉ុស្តិ៍មន្ត្រីនគរបាលប្រឆាំងបទល្មើសសេដ្ឋកិច្ចក្រសួងដែលមានចំនួន៣ប៉ុស្តិ៍កំពុងឈរជើងតាមផ្លូវជាតិលេខ៥រួមមានទី១នៅចំណុចភូមិបានណយសង្កាត់ទឹកផ្លាក្រុងសិរីសោភ័ណ ទី២ចំណុចភូមិគោកទំលាប់ឃុំបន្ទាយនាងស្រុកមង្គលបូរីនិងផ្លូវជាតិលេខ៦និងទី៣ចំណុចភូមិសាលាក្រៅសង្កាត់បុស្បៅក្រុងសិរីសោភ័ណ។ រថយន្តដឹកទំនិញរត់ព័ន្ធបានបញ្ជាក់ទៀតថាទំនិញដែលទិញនាំចូលតាមច្រកទ្វាអន្តរជាតិប៉ោយប៉ែតគឺជាទំនិញដែលត្រូវបានបង់ពន្ធនាំចូលរួចរាល់និងមានឯកសារត្រឹមត្រូវតែពេលដែលដឹកនាំចូលត្រូវបានប៉ុស្តិ៍ជជុះចំនួន៣កន្លែងរបស់មន្ត្រីនគបាលសេដ្ឋកិច្ចក្រសួងបានគំរាមទាលុយដឹករថយន្ត១បាំងកន្លះនិង២បាំងត្រូវបានកំណត់បង់លុយពីចំនួន៥ម៉ឺនរៀលទៅ១០ម៉ឺនរៀលបើមិនបង់គឺចាប់ទំនិញតែម្តងតែម្តង។លោក គោស៊ុំ សារឿត អភិបាលខេត្តបន្ទាយមានជ័យធ្លាប់បានព្រមានម្តងជាពីរដងរួចមកហើយចំពោះមន្ត្រីនគរបាលសេដ្ឋកិច្ចក្រសួងដែលដាក់ប៉ុស្តិ៍ជជុះជម្រិតទាប្រាក់ពីអ្នករកស៊ីស្របច្បាប់ឈប់ឲ្យធ្វើសកម្មភាពបែបនេះបន្តទៅទៀត។ ប៉ុន្តែពួកគេហាក់មិនយកត្រចៀកស្តាប់នោះឡើយ ហើយបន្តធ្វើសកម្មភាពជំរិតទារប្រាក់ពីម្ចាស់ទំនិញដដែលបើទោះជាត្រូវបានបង់ពន្ធរួចរាល់ក៏ដោយចុះ ៕គង្គា
