កំពង់ឆ្នាំង៖ ជនដៃដល់ជាសិស្សម្នាក់ដែលត្រូវបានសមត្ថកិច្ចន ចាប់ខ្លួននៅក្នុងថ្នាក់នៃវិទ្យាល័យព្រះបាទសុរាម្រឹតនៅវេលាម៉ោង១១និង១០នាទីព្រឹកថ្ងៃទី១៩ ខែមិនា ឆ្នាំ២០១៥ បន្ទាប់ពីជនដៃដល់រូបនោះបានជិះម៉ូតូកាន់ដាវសាំម៉ូរ៉ៃកាប់ទៅលើជនរងគ្រោះជាសិស្ស
វិទ្យាល័យក្រុងកំពង់ឆ្នាំងម្នាក់ អោយគេរបួសក្បាលធ្ងន់ធ្ងរ នៅពេលសមត្ថកិច្ចកសាងសំណុំរឿងបញ្ជូនខ្លួនទៅតុលាការខេត្យនៅព្រឹកថ្ងៃទី២០ ខែមិនា ឆ្នាំ២០១៥ ត្រូវបានតុលាការខេត្តដោះលែងអោយនៅក្រៅឃុំ។
សមត្ថកិច្ចនគរបាលខេត្តបាននិយាយអោយដឹងថា៖កាលពីវេលាម៉ោង១១ និង ១៥នាទីព្រឹក ថ្ងៃទី១៨ ខែមិនា ឆ្នាំ២០១៥ ជនដៃដល់ឈ្មោះ ម៉េត វឿនវិវឌ្ឍន៏ និងបក្សពួក ៥ ទៅ ៦ នាក់បានជិៈម៉ូតូជាហ្វូងដេញកាប់ជនរងគ្រោះជាសិស្សឈ្មោះ ផន លឹមហ៊ួ អាយុ១៨ឆ្នាំ មានទីលំនៅភូមិប្អេរ សង្កាត់ប្អេរ ក្រុងកំពង់ឆ្នាំង ជាសិស្ស ថ្នាក់ទី១១ D វិទ្យាល័យក្រុងកំពង់ឆ្នាំង ពេលដែលជនរងគ្រោះជិៈម៉ូតូត្រឡប់ចេញពីវិទ្យាល័យទៅផ្ទះវិញ បណ្តាលអោយគេរងរបួសបែកក្បាលធ្ងន់ធ្ងរ ហើយត្រូវបានមិត្តភក្រ័ដឹកមកសអ្គ្រោះនៅមន្ទីរពេទ្យខេត្តដែលមុខរបួសលើក្បាលគេរយះប្រវែង៧ហ៊ុន។
ក្រោយពេលកាប់ជនរងគ្រោះហើយ ជនដៃដល់និងបក្ខពួកបាននាំគេចខ្លួនបាត់។ ប៉ុន្តែដោយមានសាក្សី ស្គាល់មុខជនដៃដល់ច្បាស់ ទើបសមត្ថកិច្ចស្រាវជ្រាវយ៉ាងល្អិតល្អន់ និងឈានដល់ការចាប់ខ្លួនឈ្មោះ ម៉េត វឿនវិវឌ្ឍន៏ នៅក្នុងថ្នាក់រៀនតែម្តងកាលពីម៉ោង១១និង១០នាទីព្រឹកថ្ងៃទី១៩ ខែមិនា ឆ្នាំ២០១៥ នាំមកកសាងសំណុំរឿងតាមនិតិវិធីច្បាប់។
ក្រោយពីបានឃាត់ខ្លួនមួយយប់នៅក្នុងស្នងការដ្ឋាននគរបាលខេត្ត នៅព្រឹកថ្ងៃទី២០ ខែមិនា ឆ្នាំ២០១៥ សមត្ថកិច្ចជំនាញបានបញ្ជូនខ្លួនឌនដៃដល់ ទៅតុលាការខេត្ត និងប្រមាណម៉ោង១០និង៣០នាទីជនដៃដល់ត្រូបានតុលាការដោះលែងអោយនៅក្រៅឃុំ ដោយតំកល់ប្រាក់មួយចំនួនតាមផ្លូវច្បាប់។
សមត្ថកិច្ចបានអោយដឹងទៀតថា៖ករណីនេះគឺមានមន្ត្រីរាការម្នាក់ធ្វើការនៅក្នុងមន្ទីរសាធារណៈការខេត្ត ដែលជាអ្នកមានធនធានមធ្យម ដែលជាសាច់ញាតិទាំងសងខាង របស់ជនរងគ្រោះនិងជនដៃដល់ បានចេញមុខរត់ការដោះស្រាយទាំងជាមួយសមត្ថកិច្ច និងទាំងជាមួយតុលាការខេត្ត ទើបឌនដៃដល់ត្តូវបានតុលាការដោះលែងអោយនៅក្រៅឃុំ ដោយយកលេសថា ពួកគេទាំង២នាក់ជាបងប្អូនជីដូន មួយនិងគ្នា និងជនដៃដល់ត្រូវចូលប្រឡងនៅថ្ងៃទី២៣ ខែមិនា ខាងមុខនេះ។
ប្រជាពលរដ្ឋនៅក្នុងក្រុងកំពង់ឆ្នាំងបានលើកឡើងថា៖ការដោះលែងជនដៃដល់ក្នុងរឿងខាងលើនេះ គឺជាឆន្ទានុសិទ្ធរបស់តុលាការគ្មានអ្នកណាអុងអាត់បានឡើយ ព្រោះមានតែបទឧក្រិដ្ឋទេដែលមិនអាចលើកលែងអោយនៅក្រៅឃុំបាន។ប៉ុន្តែប្រជាពលរដ្ឋគិតថា តុលាការនិងអ្នកមានលុយបកស្រាយអ្វីក៏សមស្របដែរ តែគេគិតថាអោយតែមានលុយចង់ដេញកាប់អ្នកណាអោយរបួសជិតស្លាប់ផ្អើលមនុស្សពេញក្រុង ផ្អើពេញផ្លូវជាតិ ស្ទះចរាចរណ៍ ក៏ដោយ ពេលគេឆ្លើយថាគេជាបងប្អូននិងគ្នា បង់តែលុយអោយទៅ និងតំកល់លុយនៅតុលការទៅអាចនៅក្រៅឃុំបានហើយ នេះហើយជាច្បាប់ តូចជាងទម្លាប់នៅស្រុកខ្មែរយើង។
ការដោះលែងជនដៃដល់ខាងលើនេះ ត្រូបានប្រជាបលរដ្ឋរិះគន់ថា គឺជាការលើកទឹកចិត្តអោយកូនអ្នកមានលុយ ដើរកាប់គេឯងតាមអំពើចិត្តហើយ អ្នកក្រអត់លុយដេកចាំតែស្លាប់ទៅ៕
( ឈៀង ថារិទ្ធ )
