កំពង់ឆ្នាំង៖ រយះពេលតែមួយល្ងាចអគ្គីភ័យបានកើតឡើងបន្តបន្ទាប់គ្នា២កន្លែង ជិតៗគ្នា ករណីទី១ឆាបឆេះដេប៉ូលក់ឈើចំនួន៤កន្លែង និងតូបចាប់ហួយចំនួន៣នៅជាប់គ្នាកើតឡើងវេលាម៉ោង១និង២០នាទីរសៀលថ្ងៃទី២២ ខែមិនា ឆ្នាំ២០១៥ នៅចំណុចខាងកើតផ្លូវមុខមុខវត្តយាយ
ទេពដែលបណ្តាលមកពីភ្លើងកន្ទុយបារី ករណីទី២បានឆេះតូបលក់មងមួយនៅក្នុងផ្សារឆ្នាំង បណ្តាលមកពីការទុស្សេខ្សែភ្លើងពេលម្ចាស់មិនទ្វារតូបចោល កើតឡើងនៅម៉ោង៤និង៤៥នាទីល្ងាច។ អគ្គីភ័យទាំង២លើកនេះបានកើតឡើងក្នុងភូមិផ្សារឆ្នាំង សង្កាត់ផ្សារឆ្នាំង ក្រុងកំពង់ឆ្នាំង ដែលនៅក្នុងហេតុការណ៏នេះមានរថយន្ពពន្លត់អគ្គីភ័យរបស់ស្នងការដ្ឋាននគរ បាលខេត្តកំពង់ឆ្នាំងជាច្រើនគ្រឿង បានចេញធ្វើអន្តរាគមន៏ជួយបាញ់ពន្លត់យ៉ាងសក ម្ម តែពុំមានអ្នកណាម្នាក់រងគ្រោះនៅក្នុងហេតុការណ៍នេះឡើយ។
សមត្ថកិច្ចនគរបាលក្រុងកំពង់ឆ្នាំងបាននិយាយអោយដឹងថា៖ ករណីទី១អគ្គីភ័យនោះបានឆេះអស់ដេប៉ូលក់ឈើចំនួន៤កន្លែង តូបលក់ចាប់ហួយចំនួន ៣តូប ម៉ូតូមួយគ្រឿង ក្នុងនោះក៏បានឆេះគំនរឈើ ស្លឹកកណ្តបដែលគេចងបាច់ដាក់លក់ និងឥវ៉ាន់ចាប់ហួយ មួយចំនួនផងដែរ ដែលមូលហេតុឆេះមកពីអ្នកជក់បារីចោលកន្ទុយបារីទៅលើសំរាម បង្កជាភ្លើងឆាបឆេះឡើង និងរាលដាលឆេះស្លឹកកណ្តបដែលគរលើគ្នា រួចរាលដាលឆេះតូបនិងដេប៉ូឈើលក់ជាបន្តបន្ទាប់តែម្តង។ ដោយឡែកការទុស្សេខ្សែភ្លើងឆេះតូបលក់មងក្នុងផ្សារឆ្នាំងវិញ គឺខូតខាតមងមួយចំនួន តែត្រូវបានអ្នកផ្សារជួយពន្លត់ទាន់ សមត្ថកិច្ចមិនបានចំណាយរថយន្តជួយបាញ់ទឹកពន្លត់នោះឡើយ នៅក្នុងករណីទាំង២នេះ ពុំមានបង្កអោយអ្នកណារងរបួសឡើយ ចំណែកតម្លៃនៃការខូចខាតអស់ច្រើនបង្គួរដែរ។
នៅក្នុងនោះការទប់ស្កាត់គ្រោះអគ្គីភ័យនេះ រថយន្តពន្លត់អគ្គីភ័យចំនួន៣គ្រឿងបានអន្តរាគមន៏បាញ់ពន្លត់អស់ទឹក៨រថយន្ត ទើបគ្រប់គ្រងសភាពការណ៍បាន មូលហេតុដែលបាញ់ទឹកអស់ច្រើននោះគឺមកពីមានគំនរស្លឹកកណ្តបជាច្រើនដុំដែលគេដាក់លក់ឆាបឆេះរាលដាល ធ្វើអោយការបាញ់ពន្លត់ជួបការលំបាក និងភ្លើងបានឆាបឆេះមានសន្ទុះលឿនដូចឆេះសាំង។
ការអន្តរាគមន៍ទាន់ពេលខាងលើនេះគេបានកត់សំគាល់ឃើញថា មានស្ថានីយ៏ផ្តល់ទឹកបានជួយ ឧបត្ថម្ភទឹក ជូនរថយន្តពន្លត់អគ្គីភ័យនៃស្នងការដ្ឋាននគរបាលខេត្តទាន់ពេលនៅជិតនោះទាន់ ទើបរថយ ន្តពន្លត់អគ្គីភ័យយកទឹកបានទាន់ពេលមិនពិបាកក្នុងការទៅយកទឹកនៅកន្លែងឆ្ងាយ។ នេះជាអគ្គីភ័យលើ កទី២ហើយ បន្ទាប់ពីអគ្គីភ័យលើកទី១ក្នុងឆ្នាំនេះនៅក្នុងក្រុងកំពង់ឆ្នាំ បានឆេះកន្លែងលក់គ្រឿងបន្លាស់ មួយកន្លែង កាលពីថ្ងៃទី១៧ខែកុម្ភះឆ្នាំ២០១៥ នៅភូមិធម្មយុត្តិ សង្កាត់ផ្សារឆ្នាំង ក្រុងកំពង់ឆ្នាំង៕
កំពង់ឆ្នាំង,ថ្ងៃទី២៣.០៣.២០១៥ ( ឈៀង ថារិទ្ធ )
