ស្ទឹងត្រែង៖ផ្ទះប្រជាពលរដ្ឋចំនួនបីខ្នងធ្វើអំពីឈើប្រក់សង្កីត្រូវបានអគ្គីភ័យលេបត្របាក់ទាំងព្រឹកបណ្តាលអោយខូចខាតទាំងស្រុងកាលពីវេលាម៉ោង១០និង២០នាទីថ្ងៃទី២២ខែមីនាឆ្នាំ២០១៥ក្នុងភូមិស្រែគរ១ឃុំស្រែគរ ស្រុកសេសាន ខេត្តស្ទឹងត្រែង
លោកមេប៉ុស្តិ៍ថាយ ស៊ុនអ៊ី បានដឹងថាផ្ទះដែលឆេះទាំង៣ខ្នងនោះមានម្ចាស់ផ្ទះ១ឈ្មោះគិះ ភួរ ភេទប្រុស អាយុ៧០ឆ្នាំ ១ឈ្មោះពុយ ខៃ ភេទស្រីអាយុ៥៨ឆ្នាំ ៣ឈ្មោះរ៉ែម វុទ្ធី ភេទប្រុស អាយុ២៥ឆ្នាំ ជនរងគ្រោះទាំង៣គ្រួសាររស់នៅក្នុងភូមិស្រែគរ១ ឃុំស្រែគរ ស្រុកសេសាន ខេត្តស្ទឹងត្រែ។ លោកមេប៉ុស្តិ៍បានបន្តអោយដឹងទៀតថា នៅមុនកើតហេតុគេបានឃើញភ្លើងឆេះចេញពីផ្ទះគិះ ភូរ ដោយមិនដឹងពីមូលហេតុ ដោយសារផ្ទះនោះមិនមានមនុស្សនៅទេ ម្នាស់ផ្ទះនៅឯស្រែជាមួយកូន។ក្រោយពីមានការឆេះផ្ទះគាត់ហើយ ភ្លើងបានបន្តឆេះយ៉ាងសន្ធោសន្ធៅ មិនអាចគ្រប់គ្រងបាន និងគ្មានរថយន្តពន្លត់អគ្គីភ័យផងនោះ បានបន្តឆេះពីមួយទៅផ្ទះមួយទៀត អស់ចំនួន៣ងធំៗ និងបន្តឆេះទៅផ្ទះមួយទៀត តែត្រូវម្ចាស់ផ្ទះរួមនិងប្រជាពលរដ្ឋ បានជួយពន្លត់វាយជញ្ជាំងទំលាក់ ទើបផ្ទះមួយខ្នងនេះរួចផុតពីការឆេះ ចំណែកផ្ទះ៣ខ្នង បានឆេះគ្មានសល់អ្វីឡើយ។្
លោកបន្តថាផ្ទះដែលឆេះទីមានទំហំ១០ម៉ែត្រគុណនិង១៣ម៉ែត្រ ផ្ទះទី២មានទំហំ៩ម៉ែត្រគុណនិង១១ម៉ែត្រ និងផ្ទះទី៣មានទំហំ៥ម៉ែត្រគុណនិង៦ម៉ែត្រ ទើបនិងធ្វើមិនទាន់បានឡើងនៅផងក៏ត្រូវឆេះអស់តែម្តង។ហើយការឆេះនេះជំហ៊ានដំបូងត្រូវបានគេសន្និដ្ឋានថាអាចមកភ្លើងទៀនឬមកពីការអុជធូប ដោយសារនៅក្នុងភូមិមិនទាន់មានភ្លើងអគ្គីសនីប្រើនៅឡើយ។ឯទំហំនៃការខូចខាតគេមិនដឹងថា មានទឹកប្រាក់ប៉ុន្មាននោះទេ គ្រាន់តែដឹងថាសម្ភារៈប្រើប្រាស់ រួមទាំងលុយមួយចំនួនត្រូវបានឆេះម៉ត់គ្មានសល់។
លោកមេប៉ុស្តិ៍បានបញ្ជាក់ថានៅក្នុងហេតុការនេះ ក្រោយពីឆេះនៅពេលព្រឹក នៅរសៀលថ្ងៃដដែលក្រុមការងារកាបាទក្រហមថ្នាក់ខេត្ត ក៏បានយកអំណោយទៅជូនក្រុមគ្រួសាររងគ្រោះ ចំនួន៣គ្រួសារនោះផងដែរ៕
