ភ្នំពេញ ៖ បុរស០៣នាក់បានរងរបួសធ្ងន់ដោយសាររថយន្តម៉ាកសឺដែសបើកបុក ម៉ូតូពីក្រោយកាលពីវេលាម៉ោង ១០និង៣០នាទី យប់ថ្ងៃទី ៣១ មីនា ២០១៤ នៅលើមហាវិថីសហពន្ធ័រុស្ស៊ី ស្ថិតនៅសង្កាត់ទឹកថ្លា ខណ្ឌសែនសុខ ។ តាមប្រភពព័ត៌មានបានឱ្យដឹងថា នៅមុនពេលកើតហេតុ រថយន្តម៉ាកសឺដែស ពណ៌កណ្តុរល្មេះ មួយគ្រឿង ពាក់ស្លាកលេខភ្នំពេញ 2G-4262 បើកដោយយុវជនស្រវឹងស្រាជោគចំម្នាក់ រួមដំណើរដោយនារីជាគូរស្នេហ៏ យ៉ាងលឿនតាមបណ្តោយមហាវិថី
សហពន្ធ័រុស្ស៊ី ក្នុងទិសដៅពី កើតកមលិច ស្របពេលនោះក៏មានម៉ូតូវ៉េវ បណ៌ក្រហម មួយគ្រឿងពាក់ស្លាកលេខភ្នំពេញ 1F-7639 ជិះដោយបុរស ០៣នាក់ មកដល់ចំណុច កើតហេតុ រថយន្តម៉ាកសឺដែស បានបើកមកបុក ម៉ូតូវ៉េវ ពីក្រោយពេញទំហឹង បណ្តាលឱ្យ បុើងមនុស្សខ្ទាតទៅចិញ្ចើមផ្លូវ ចំណែករថយន្តនិងម៉ូតូ ជ្រុលទៅបុក ដើមក្ងោក គាបជាប់តែម្តង ។
ក្រោយពេលកើតហេតុ ជនរងគ្រោះត្រូវបាន រថយន្តសាមុយដឹក យកទៅព្យាបាល ចំណែកឯ រថយន្តនិង ម៉ូតូត្រូវ សមត្ថកិច្ចយកទៅរក្សាទុក នៅការិយាល័យស្នងការដ្ឋាន នគរបាលរាជធានីភ្នំពេញ ដើម្បីដោះស្រាយតាមផ្លូវច្បាប់ ។
