នាយករដ្ឋមន្ត្រីសិង្ហបុរី លោក លី សៀនឡុង បានប្រកាសដាក់ប្រទេសនៅក្នុងការកាន់ទុក្ខចាប់ពីថ្ងៃទី ២៣ ខែ មិនា នេះ រហូតដល់ថ្ងៃទី ២៩ បន្ទាប់ពីអតីតនាយករដ្ឋមន្ត្រីលោក លី ក្វាន់យូ បានទទួលមរណៈភាពកាលពីរាត្រីថ្ងៃចន្ទដើមសប្តាហ៏នេះដោយសារជំងឺរលាកសួតធ្ងន់ធ្ងរ
។
ស្ថិតក្នុងវ័យ ៩១ ឆ្នាំ អតីតនាយករដ្ឋមន្ត្រី និង ត្រូវបានគេស្គាល់ថាជាបិតាស្ថាបនាប្រទេសសិង្ហបុរីទំនើបផងនោះ ត្រូវបានសំរាកព្យាបាលជំងឺនៅមន្ទីរពេទ្យចាប់តាំងពីថ្ងៃទី ៥ ខែ កុម្ភៈ ដើមឆ្នាំ ២០១៥ មកម្លេះ ។
លោក លី បានក្លាយជានាយករដ្ឋមន្ត្រីសិង្ហបុរីនៅក្នុងឆ្នាំ ១៩៦៥ បន្ទាប់ពីរដ្ឋមួយនេះបានទទួលឯករាជ្យភាពពីប្រទេសម៉ាឡេស៊ី ហើយនៅក្នុងការគ្រប់គ្រងអំណាចរយៈពេល ២៥ ឆ្នាំ លោក លី ធ្វើការផ្លាស់ប្តូរសេដ្ឋកិច្ចរដ្ឋដែនកោះចំរុះជាតិសាសន៍មួយនេះគួរអោយកត់សម្គាល់ និង បានធ្វើអោយប្រទេសសិង្ហបុរីក្លាយជាកូននាគឈានមុខមួយ ដែលមានប្រព័ន្ធច្បាប់ហេថារចនាសម្ព័ន្ធសេដ្ឋកិច្ច ដ៏ល្អប្រសើរនៅក្នុងតំបន់អាស៊ីផងដែរ ៕
