រដ្ឋាភិបាលសហរដ្ឋអាមេរិកបានដកក្រុមបុគ្គលិកខ្លួនទាំងអស់ ចេញពីប្រទេសយេម៉ែន មួយថ្ងៃក្រោយពីក្រុមអ្នកបំផ្ទុះគ្រាប់បែកអត្តឃាតបានសម្លាប់មនុស្សយ៉ាងតិចណាស់ចំនួន១៣៧នាក់ នៅឯព្រះវិហារសាសនាអ៊ីស្លាមពីរក្នុងរដ្ឋធានីសាណាអា ដែលកំពុងស្ថិតនៅក្រោមការ
ត្រួតត្រាដោយក្រុមឧទ្ទាម ។
ក្រសួងការបរទេសសហរដ្ឋអាមេរិក បាននិយាយនៅក្នុងសេចក្តីថ្លែងការណ៍មួយកាលពីចុងសប្តាហ៏កន្លងទៅថា ការដកបុគ្គលិកទាំងអស់របស់ខ្លួនជាបណ្តោះអាសន្ននេះ គឺដោយសារស្ថានភាពសន្តិសុខក្នុងប្រទេសយេម៉ែនមានភាពធ្ងន់ធ្ងរ ខ្លាំង ហើយក្រុមទាហាននៃកងកម្លាំងពិសេសអាមេរិកប្រមាណ ១០០ នាក់ ក៏បាន ផ្លាស់ទីតាំងបណ្តោះអាសន្នទៅកាន់មូលដ្ឋានកងទ័ពអាកាស al-Anad ក្នុងប៉ែកខាងត្បូងនៃប្រទេសយេម៉ែន ដែលជាទីតាំងសហរដ្ឋអាមេរិកបានបង្ហោះយន្ត ហោះគ្មានមនុស្សបើក ឲ្យទៅវាយប្រហារមូលដ្ឋានរបស់ក្រុមភេវរកម្ម al-Qaida ក្នុងប្រទេសយេម៉ែនផងដែរ ៕
