ខេត្តស្ទឹងត្រែង៖តុលាការខេត្តស្ទឹងត្រែងបានបញ្ជួនជនសង្ស័យម្នាក់ទៅឃុំខ្លួបណ្តោះអាសន្នក្នុងពន្ធនាគារកាំងមេម៉ាយកាលពីថ្ងៃទី២២ ខែមីនា ឆ្នាំ២០១៥ ម្សិលមិញនេះ ដោយចោទពីបទប្រើប្រាស់កែឆ្នៃឧបករណ៏នេសាទខុសច្បាប់ជនសង្ស័យខាងលើនេះមានឈ្មោះ ដន ចុប ភេទ
ប្រុស អាយុ៤៥ឆ្នាំ ត្រូវបានកម្លាំងចម្រុះខាងជលផលធ្វើការឃាត់ខ្លួនកាលពីរសៀលថ្ងៃទី១៩ ខែមីនា ឆ្នាំ២០១៥កន្លងទៅ ខណៈពេលដែលគាត់កំពុងរៀបចំកែឆ្នៃគ្រាប់បែកដើម្បីបោកចាប់ត្រីក្នុងអន្លុងអភិរក្សត្រីមេពូជចំណុចព្រះសាខន ស្ថិតក្នុងភូមិអូររុន ឃុំអូរស្វាយ ស្រុកថាឡាបរិវ៉ាត់ ខេត្តស្ទឹងត្រែង នេះបើតាមលោក ដៀប បូរ៉ា នាយរងខណ្ឌជលផលបានឲ្យដឹងនៅចំពោះមុខសមត្ថកិច្ចលោកពូ ដន ចុប ដែលជាជនសង្ស័យបាននិយាយថា៖គ្រាប់បែកកែឆ្នៃនេះខ្លួនគាត់បានទិញពីបុរសម្នាក់នៅភូមិជាមួយគ្នា ក្នុងតម្លៃ៥ម៉ឺនរៀល មានម្សៅបេតា១កំប៉ុង គីប១ និងស្នួន១ ពេលរៀបចំកែឆ្នៃដើម្បីបោកចាប់ត្រីក៏ត្រូវសមត្ថកិច្ចទៅទាន់ រួចឃាត់ខ្លួនតែម្តង។លោកពូបន្តថា គាត់ពុំដែលបានបោកគ្រាប់បែកកែឆ្នៃនេះទេពីមុនមក ដោយឃើញគេបោកម្តងៗបានត្រីច្រើនជិត២០០គីឡូក្រាម ទើបគាត់ចាប់ផ្តើមសាកមើល ប៉ុន្តែពុំទាន់បានបោកផង ក៏ត្រូវសមត្ថកិច្ចឃាត់ខ្លួនលោកដៀប បូរ៉ា នាយរងខណ្ឌជលផលបានឲ្យដឹងថា៖ដើមឆ្នាំ២០១៥នេះឃាត់ខ្លួនជនប្រើប្រាស់គ្រាប់បែកកែឆ្នៃបានចំនួន២លើកហើយដើម្បីបញ្ជួនទៅតុលាការ។ហើយក៏សូមបងប្អូនអ្នកនេសាទទាំងអស់មេត្តាកុំប្រើប្រាស់ឧបករណ៏នេសាទខុសច្បាប់ទៀត ដើម្បីថែរក្សាធនធានជលផលឲ្យបានគង់យូរអង្វែងតទៅ។
ម៉ាក មេត្តា
