ក្រុមប្រឹក្សាសន្ដិសុខអង្គការសហ ប្រជាជាតិ កាលពីថ្ងៃទី២២ ខែមីនា បាន កោះប្រជុំបន្ទាន់ស្ដីអំពីស្ថានការណ៍វិបត្ដិ នៅក្នុងប្រទេសយេមែន បន្ទាប់ពីលោក Abd-Rabbu Mansour Hadi បានអំពាវ នាវរកការជួយអន្ដរាគមន៍បន្ទាន់ពីក្រុម ប្រឹក្សាសន្ដិសុខដែលមានសមាជិកទាំង ១៥
រូបនេះ ។
លោក Abd-Rabbu Mansour Hadi បានចោទប្រកាន់ក្រុមឧទ្ទាម Houthi គាំទ្រដោយអ៊ីរ៉ង់ដែលដណ្ដើមគ្រប់គ្រង ទីក្រុងSanaaនោះថាកំពុងធ្វើរដ្ឋប្រហារ ទម្លាក់រូបលោកពីតំណែង។ នៅក្នុង លិខិតមួយច្បាប់របស់លោកHadiផ្ញើ ទៅកាន់ក្រុមប្រឹក្សាសន្ដិសុខអង្គការ សហប្រជាជាតិបានសរសេរថា ស្នើឱ្យ មានការជួយអន្ដរាគមន៍ជាបន្ទាន់តាម គ្រប់រូបភាពដើម្បីបញ្ឈប់ការឈ្លាន់ពាន ដែលមានគោលបំណងធ្វើឱ្យខូចដល់សិទ្ធិ អំណាចស្របច្បាប់ ការបែងចែកទឹកដី ក៏ដូចញាំញីដល់សន្ដិភាព និងស្ថិរភាព របស់យេមែន ។
ប្រទេសយេមែនត្រូវប្រទាញប្រទង់ឱ្យ ធ្លាក់ចូលក្នុងរណ្ដៅសង្គ្រាមស៊ីវិលតាំងពីឆ្នាំមុនមកម្ល៉េះ នៅពេលដែលក្រុម ឧទ្ទាមHouthiដណ្ដើមចូលកាន់កាប់ ទីក្រុងSanaa ក៏ដូចជាសកម្មភាពរុលទៅ កាន់ទីតាំងរស់នៅរបស់ក្រុមអ៊ិស្លាម និកាយសាន់នីដែលជាហេតុនាំឱ្យមាន ការផ្ទុះអាវុធ ប៉ះទង្គិចគ្នាច្រើនលើកជា មួយក្រុមកុលសម្ព័ន្ធក្នុងតំបន់ ក៏ដូច ជាការធ្វើឱ្យកាន់តែមានកម្លាំងខ្លាំងក្លា ថែមទៀតដល់ចលនាផ្ដាច់ខ្លួនស្ថិតនៅ ភាគខាងត្បូងយេមែន ។
លោកHadi បានអំពាវនាវឱ្យក្រុម ប្រឹក្សាសន្ដិសុខអន្ដរាគមន៍ប្រឆាំងក្រុម ឧទ្ទាមHouthi និងសម្ពន្ធមិត្ដបញ្ឈប់ សកម្មភាពឈ្លានពានមកលើរដ្ឋាភិ បាល ជាពិសេសនៅទីក្រុងអាដេនតែម្ដង ដើម្បីគាំទ្រដល់សិទ្ធិអំណាចស្របច្បាប់ របស់រដ្ឋាភិបាល ។
លោក Hadi មានក្ដីសង្ឃឹមថា ក្រុម ប្រឹក្សាសន្ដិសុខនឹងអនុម័តដំណោះ ស្រាយមួយដើម្បីការពារសន្ដិសុខ និង គាំទ្រដល់សិទ្ធិស្របច្បាប់នៅយេមែន ជាក់ពុំខាន 9
