ភ្នំពេញ៖ ស្ត្រីម្នាក់ ត្រូវកម្លាំងសមត្ថកិច្ចមូលដ្ឋាននគរបាលប៉ុស្តិ៍ផ្សារដើមថ្កូវចេញប្រតិបត្តិការណ៍ចុះ ឃាត់ខ្លួនបាននៅចំណុចក្រោយខ្យូប៊ី ផ្លូវមុនីវង្ស ក្រុម៣២ ភូមិ៥ សង្កាត់ផ្សារដើមថ្កូវ ខណ្ឌចំការមន ខណៈជនសង្ស័យ កំពុងលួចជួញដូរ នឹងប្រើប្រាស់ថ្នាំញៀន ។
ហេតុការណ៍នេះបានកើតឡើងកាលពីវេលាម៉ោង ១៨ នឹង ១៥ នាទីយប់ថ្ងៃទី ៣១ ខែមីនា ឆ្នាំ ២០១៤ ។ ជនសង្ស័យខាងលើដែលត្រូវសមត្ថកិច្ចឃាត់ខ្លួន ឈ្មោះ ចាន់ ធី (ហៅអ៊ីវ៉ា)ភេទស្រី អាយុ២១ឆ្នាំ ស្នាក់នៅផ្ទះជួលផ្លូវមុនីវង្ស សង្កាត់ទន្លេបាស ខណ្ឌចំការមន ។
សមត្ថកិច្ចមូលដ្ឋានបានឲ្យដឹងថា មុនពេលឈានដល់ការឃាត់ខ្លួនជនសង្ស័យខាងលើ គឺ កម្លាំងសមត្ថកិច្ចបានជិះម៉ូតូដើរល្បាត់ដោយឃើញជនសង្ស័យខាងលើកំពុងឈលក់គ្រឿងញៀនពេលនោះសមត្ថកិច្ចបានធ្វើការត្រួតពិនិត្យភ្លាមនោះជសង្ស័យបានប៉ោះការបូបដែលកាន់ជាប់និងដៃចោល សមត្ថកិច្ចរើសការប៉ូបពិនិត្យឃើញថ្នាំក្រាមស ថ្លាចំនួន៤កញ្ចប់តូចៗហើយក៍ធ្វើការឃាត់ខ្លួនតែម្តង។
ដោយយោងតាមវត្ថុតាំងជាក់ស្តែងបែបនេះសមត្ថកិច្ចសម្រេចឃាត់ ខ្លួនជនសង្ស័យយកមកកាន់ទីស្នាក់ការនគរបាលប៉ុស្តិ៍ផ្សារដើមថ្កូវដើម្បីបន្តការសាកសួរ ។ ក្រោយធ្វើសាកសួរហើយជនសង្ស័យ ត្រូវកសាងសំណុំរឿងបញ្ជូនទៅឃុំខ្លួនបណ្តោះអាសន្ន នៅអធិការដ្ឋាននគរបាលខណ្ឌចំការមនរង់ចាំបញ្ជូនបន្តទៅតុលាការផ្តន្ទាទោសតាមផ្លូវច្បាប់ ៕ 
