> បាត់ដំបង: បុរសវ័យចំណាស់ម្នាក់ត្រូវបានសមត្ថកិច្ចឃាត់ខ្លួនកាលពីវេលាម៉ោង9ព្រឹក នាថ្ងៃទី23-3-15 ត្រង់ចំនុចក្នុងបរិវេណឡឥដ្ឋ ស្ថិតក្នុងភូមិបឹងរាំង ឃុំធិបតី ស្រុកគាស់ក្រឡ ខេត្តបាត់ដំបងបន្ទាប់ពីសមត្ថកិច្ចទទួលបានពាក្យបណ្តឹង ដែលបានចោទប្រកាន់ថាបានចាប់រំលោភកូនស្រីចុង
របស់ខ្លួនរហូតបានសំរេចពីរដង កាលពីអំឡុងខែមករា ឆ្នាំ2015 នៅក្នុងទីតាំងឡឥដ្ឋកន្លងមក ប៉ុន្តែរឿងនេះត្រូវបានលាក់ការណ៍យ៉ាងសំងាត់ដោយសារតែមានការគំរាមសំលាប់ពីសំណាក់ឪចុង។យោងតាមពាក្យបណ្តឹងរបស់ស្ត្រីម្នាក់ដែលត្រូវជាម្តាយមីងជនរងគ្រោះ ដែលមានឈ្មោះ ផុន បុិច អាយុ47ឆ្នាំ រស់នៅភូមិស្ពាន ឃុំគាស់ក្រឡ ស្រុកគាស់ក្រឡ បានរៀបរាប់ថារឿងនេះត្រូវបានក្មួយស្រីរបស់គាត់លាក់យ៉ាងសំងាត់ដោយសារតែខ្លាចស្លាប់ ប៉ុន្តែថ្មីៗនេះ
បងស្រីរបស់វាបានទូរស័ព្ទពីប្រទេសថៃមកសួរសុខទុក្ខ ទើបក្មួយស្រីវាហ៊ាននិយាយប្រាប់ការពិតអំពីរឿងដែលឪពុកចុងមានចិត្តអប្រីយ៍ហ៊ានចាប់រំលោភនាងរហូតបានសំរេចពីរដងក្នុងយប់តែមួយ កាលពីក្នុងអំឡុងខែមករាកន្លងទៅប្រហែលពីរខែមកនេះ ។ក្រោយពីទទួលបានដំណឹងដ៏អកុសលបែបនេះភ្លាមបងស្រីរបស់វាដែលរស់នៅឯប្រទេសថៃ បានទូរស័ព្ទមកប្រាប់គាត់អោយដាក់ពាក្យបណ្តឹងទៅសមត្ថកិច្ច ព្រោះបើសង្ឃឹមម្តាយវាគឺគ្មានប្រយោជន៍ទេ
ដោយសារតែបច្ចុប្បន្នម្តាយក្មេងស្រីរងគ្រោះកំពុងមានជំងឺប្រចាំកាយដេកនៅនឹងកន្ទេលទៅហើយ ទើបគាត់សំរេចចិត្តប្តឹងតែម្តង។តាមការឆ្លើយបំភ្លឺរបស់នារីរងគ្រោះឈ្មោះ ភ គ ង អាយុ15ឆ្នាំ រស់នៅ ឃុំកំពងុព្រៀង ស្រុកសង្កែ បានរៀបរាប់ថា នៅខែសីហា ឆ្នាំ2014 រូបនាងនិងក្រុមគ្រួសារ ក្នុងនោះមាន
រូបនាង ឪពុកចុងរបស់នាង ម្តាយនាង និងប្អូនប្រុសរបស់នាង បាននាំគ្នាទៅសុីឈ្នួលធ្វើការក្នុងឡឥដ្ឋ មួយកន្លែងស្ថិតក្នុងភូមិបឹងរាំង ឃុំធិបតី ដើម្បីយកប្រាក់ទៅទប់ទល់ក្នុងជីវភាពប្រចាំថ្ងៃ។នារីរងគ្រោះបានរៀបរាប់បន្តថា លុះនៅក្នុងអំឡុងខែមករា ឆ្នាំ2015 គឺនៅយប់មួយនោះ
រូបនាងត្រូវបានទទួលនូវការគំរាមយ៉ាងខ្លាំងពីសំណាក់ឪពុកចុងរបស់នាង ដោយសារតែគាត់បានលបចូលមកចាប់នាងរំលោភទាំងកំរោល ហើយបើនាងហ៊ានយករឿងនេះទៅនិយាយប្រាប់គេនោះគាត់នឹងអារ កសំលាប់នាងចោល ទីបំផុតរាងកាយរបស់នាងត្រូវបានខ្ទេចខ្ទីរហូតដល់ទៅពីរដងក្នុងយប់តែមួយគឺកាត់បានរំលោភរហូតបានសំរេច។
ចាប់តាំងពីពេលនោះមកនាងសុខចិត្តខាំមាត់លេបថ្ម លេបគ្រួសមិនហ៊ាននិយាយប្រាប់
អ្នកណាក្រៅពីម្តាយរបស់ខ្លួនឡើយ ប៉ុន្តែអ្វីៗក៏ត្រូវខកបំនងទាំងអស់ដោយសារតែម្តាយនាងមានជំងឺ ទៀចទឹក ដេកនៅតែនឹងកន្ទេល និងរស់ដោយសារតែប្តីជាអ្នករកសុីចិញ្ចឹម ទើបគាត់មិនហ៊ានរករឿងទៅលើស្វាមីឡើយ ដែលទុកអោយរឿងនេះកប់បាត់ស្ងាត់ឈឹងនៅក្នុងស្បៃអន្ធការ។ក្នុងទឹកមុខដ៏ស្រងូតស្រងាត់ នារីរងគ្រោះបានបន្ថែមថា ទីបំផុតរឿងនេះក៏ត្រូវបានផ្ទុះឡើងក្រោយពេលដែលបងស្រីរបស់នាងបានទូរស័ព្ទមកសួរសុខទុក្ខ ហើយនាងក៏បានទំលាយអាថ៌កំបាំងនេះឡើងដើម្បីបន្ធូរនូវភាពតានតឹងពីក្នុងទ្រូងដែលនាងខំលាក់ទុកជាយូរមកហើយ។
នៅពេលសមត្ថកិច្ចចុះទៅដល់គឺជនសង្ស័យមិនបានគេចខ្លួនទៅទីណានោះទេ ដោយសារតែគេស្មានមិនដល់ថាអាចមានរឿងបែបនេះកើតឡើង ដោយនៅចំពោះមុខសមត្ថកិច្ចជនសង្ស័យដែលត្រូវជាឪពុកចុងឈ្មោះ ផៃ ម៉ាន់ អាយុ57ឆ្នាំ រស់នៅភូមិសំបុកអក បានសារភាពថា ខ្លួនពិតជាបានរំលោភទៅលើកូនស្រីរបស់ខ្លួនចំនួនពីរដងមែន ដោយការរំលោភនេះគឺបានសំរេចទាំងពីរលើកផងដែរក្រោយពីទទួលបានចំលើយសារភាពរួចមក សមត្ថកិច្ចកំពុងរៀបចំសំណុំរឿងដើម្បីបញ្ជូនខ្លួនជនសង្ស័យទៅកាន់សាលាដំបូងហើយ ដើម្បីចាត់ការទៅតាមផ្លូវច្បាប់៕
