ខេត្តបន្ទាយមានជ័យនៅព្រឹកថ្ងៃទី២៤ខែមិនាឆ្នាំ២០១៥នៅសាកលវិទ្យាល័យមានជ័យស្ថិតនៅភូមិទឹកថ្លា សង្កាត់ទឹកថ្លា ក្រុងសិរីសោភ័ណ ខេត្តបន្ទាយមានជ័យបានរៀបចំកិច្ចប្រជុំផ្សព្វផ្សាយលទ្ធផលសន្និបាតត្រួតពិនិត្យការងារឆ្នាំ២០១៤ទិសដៅការងារឆ្នាំ២០១៥ដែលមាន៦ចំណុចដែលត្រូវលើកឡើងក្នុងអង្គសន្និបាតនេះ។អង្គសន្និបាតនេះមានការចូលរួមលោកគោស៊ុំសារឿត អភិបាលខេត្តបន្ទាយមានជ័យ លោកអ៊ុងអឿនប្រធានក្រុមប្រឹក្សាខេត្តបន្ទាយមានជ័យ លោកសួនបវរអភិបាលរងខេត្តបន្ទាយមានជ័យ និងមន្ត្រីអ្នកមុខអ្នកការជាច្រើននាក់ទៀត។លោកគោស៊ុំសារឿតបានមានប្រសាសន៍ក្នុងអង្គប្រជុំនោះថាក្នុងសន្និបាតនេះសំដៅលើកយកទិសដៅភារកិច្ចការងារប្រឡងប្រណាំងឆ្នាំ២០១៥របស់ក្រុមប្រឹក្សានិងអនុវត្តគោលនយោបាយ ភូមិឃុំសុវត្តិភាពដែលមាន៦ចំណុចយកមកអនុវត្ត។
ចំណុចទី១គណបញ្ជាការឯកភាពរដ្ឋាលគ្រប់ថ្នាក់ កម្លាំងសមិត្តកិច្ចនិងអាជ្ញាធរពាក់ពន្ធ័ទាំងអស់ត្រូវបន្តប្រកាន់ខ្ជាប់នូវទស្សនៈ ភូមិ ឃុំមានសុវត្តិភាព នេះជាភារកិច្ចដ៏សំខាន់សម្រាប់កិច្ចការប្រចាំថ្ងៃរបស់ខ្លួន ត្រូវបង្កើនការប្រមូលផ្តុំដឹកនាំក្នុងមូលដ្ឋានឲ្យចូលរួមសកម្មភាពក្នុងការរក្សាសន្តិសុខសណ្តាប់ធ្នាប់សាធារណៈតាមរយះការកសាង។២ត្រូវបន្តយកចិត្តទុកដាក់ផ្សព្វផ្សាយឲ្យបានទូលំទូលាយនិងជ្រួតជ្រាបនូវទស្សនៈនូវខ្លឹមសារនៃប្រធានបទ ភូមិឃុំសុវត្តិភាពជូនដល់ប្រជាពលរដ្ឋគ្រប់ស្រទាប់មហាជននៅគ្រប់កន្លែង។៣បង្កើនការរៀបចំវេទិការសាធារណៈឲ្យកាន់តែសកម្មថែមទៀតដោយយកចិត្តទុកដាក់ខ្ពស់អំពីគុណភាពនៃ
ការទទួលបានព៌តមានអំពីទុក្ខកង្វាល់របស់ប្រជាពលរដ្ឋពាក់ព័ន្ធនិងបញ្ហាសន្តិសុខព្រមទាំងត្រូវខិតខំដោះស្រាយរាល់សំណូមពរដែលប្រជាពលរដ្ឋបានលើកឡើងឲ្យបានរួសរាន់ប្រកបដោយស្មារតីទទួលខុសត្រូវសំដៅធ្វើឲ្យវេទិការសាធារណៈទទួលបាននូវគុណប្រយោជន៍ពិតៗ។៤គណះបញ្ជាការឯកភាពរដ្ឋបាលគ្រប់ថ្នាក់ត្រូវធ្វើការប្រជុំបូកសរុបនិងដកពិសោធន៍អំពីការងារកសាងគ្រប់គ្រងដឹកនាំប្រជាការពារនៅក្នុងដែនសមត្តកិច្ចរបស់ខ្លួន
ដើម្បីរកឲ្យឃើញនូវចំណុចខ្សោយនិងចំណុចខ្លាំងដើម្បីចូលរួមជំរុញចលនាតំរង់ទិសក្នុងការប្រើប្រាស់កំលាំងប្រជាការពារឲ្យបានកាន់តែប្រសើរ។៥គណះបញ្ជាការឯកភាពរដ្ឋបាលខេត្តត្រូវដឹកនាំប្រជុំការប្រឡងប្រណាំងដើម្បីអនុវត្តគោលនយោបាយភូមិឃុំសុវត្តិភាពក្នុង៦ខែម្តងដោយឡែកថ្នាក់ស្រុកប្រជុំ៣ខែម្តង។៦ត្រូវធ្វើរបាយការណ៍ប្រចាំខែតាមគរូដែលលេខាធិការដ្ឋាននៃក្រុមប្រឹក្សាប្រឡងប្រណាំងអនុវត្តនគោលនយោបាយភូមិឃុំសុវត្តិភាពផ្តល់ជូន៕
