ខេត្តបាត់ដំបង ៖ គ្រឿងញៀនគឺជាសារធាតុម្យ៉ាង ដែលធ្វើឱ្យអ្នកប្រាស់គ្រប់រូប អាចឈានទៅជាឆ្កួត(បែកថ្នាំ) និងស្លាប់បាត់បង់អាយុជីវិត ខណៈប្រើប្រាស់ដល់កំរិតមួយ ហើ យទីណាមានករណីជួញដូរ និងប្រើប្រាស់គ្រឿងញៀន ទីនោះតែងតែមានអស្ថេរភាពក្នុងសង្គមដូចជា
មានករណីចោរលួច ប្លន់ កាប់សម្លាប់ និងអំពើឃាតកម្មផ្សេងៗផងដែរ ។ ហេ តុដូច្នេះហើយ ដើម្បីរក្សាសន្តិសុខសង្គម ទើបសមត្ថកិច្ចនគរបាលស្រុកភ្នំព្រឹក ធ្វើការស្ទាក់ចាប់ឃាត់ខ្លួនជនសង្ស័យជួញដូរថ្នាំញៀនពីរនាក់បញ្ជូនទៅតុលាការ ។
ប្រភពព័ត៌មានពីសមត្ថកិច្ចនៃអធិការនគរបាលស្រុកភ្នំព្រឹកបានរៀបរាប់ឱ្យដឹងថា នៅវេលាម៉ោង៧ និង៥០នាទីយប់ថ្ងៃទី២៣ ខែមីនា នេះ កម្លាំងសមត្ថកិច្ចជំនាញនៃអធិការ ដ្ឋាននគរបាលស្រុកភ្នំព្រឹក ចុះស្រាវជ្រាវនិងធ្វើការឃាត់ខ្លួន ជនសង្ស័យបានម្នាក់ ឈ្មោះ ហ៊ុន សារិទ្ធ ភេទប្រុស អាយុ៣២ឆ្នាំ មានទីលំនៅក្នុងភូមិអូរ ឃុំពេជ្រចិន្តា ស្រុកភ្នំព្រឹក និង ឆែកឆេរឃើញមានវត្ថុតាងថ្នាំគ្រាប់សញ្ញាWY ពណ៌ផ្កាឈូក ចំនួន១៨គ្រាប់ និងសម្ភារមួយ ចំនួនទៀត ដោយធ្វើការឃាត់ខ្លួននៅចំណុចខាងលើ ។
ប្រភពបន្តទៀតថា ក្រោយសាកសួ រ ជនសង្ស័យរូបនេះបានឆ្លើយថា ថ្នាំញៀនខាងលើគេបានទិញពីឈ្មោះ បូរ៉ាន ហៅរ៉ា ភេទ ប្រុស រស់នៅភូមិឃុំខាងលើ (រត់គេចខ្លួនបាត់) ។ លុះនៅយប់ថ្ងៃដដែល វេលាម៉ោង១១ និង១០នាទីយប់ ថ្ងៃដដែល កម្លាំងសមត្ថកិច្ចបានធ្វើការឃាត់ខ្លួនជនសង្ស័យម្នាក់ទៀតដែ លមានឈ្មោះ ស៊ឹម សំអូន ភេទប្រុស អាយុ២៨ឆ្នាំ រស់នៅភូមិអូរ ឃុំពេជ្រចន្តា ស្រុកភ្នំព្រឹក ដោយរកឃើញថ្នាំញៀនចំនួនប្រភេទមេតំហ្វេតាមីន (យ៉ាម៉ា) ចំនួន៤គ្រាប់ និងសម្ភារៈប្រើ ប្រាស់មួយចំនួនទៀត ។ ជនសង្ស័យបានសារភាពថា ថ្នាំខាងលើនេះរូបគេបានទិញពីក្មេង ប្រុសម្នាក់មិនស្គាល់អត្តសញ្ញាណ ដោយតម្លៃ១គ្រាប់ចំនួន២០០បាត(ប្រាក់ថៃ) ។
បច្ចុប្បន្នជនសង្ស័យទាំងពីរនាក់ខាងលើ និងថ្នាំញៀនចំនួន២២គ្រាប់ ព្រមទាំងវត្ថុតាងមួយចំនួន ត្រូវបានសមត្ថកិច្ចនគរបាលកំពុងកសាងសំនុំរឿងបញ្ជូនទៅកាន់សាលាដំបូង ខេត្តបាត់ដំបង ដើម្បីចាត់ការតាមនីតិវិធី ៕
