កំពង់ធំ=កាលពីព្រឹកថ្ងៃទី២៦ ខែមិនាឆ្នាំ២០១៥ នៅទីស្នាក់ការសហគមន៍ព្រៃឈើ អូរសោមស្ថិតនៅក្នុងភូមិសាលាវិស័យ ឃុំសាលាវិស័យ ស្រុកប្រាសាទបល្ល័ង្ក ខេត្តកំពង់ធំ បានរៀបចំពិធីចុះកិច្ចព្រមព្រៀមព្រៃសហគមន៍លើកទី៧ ក្រោមអធិតិយភាពឯកឧត្តម ហួន ផានិត 
អភិបាលរងខេត្តកំពង់ធំ ដោយមានការចូលរួមពីសំណាក់ មន្ដ្រីរាជការមកពីបណ្ដាមន្ទីរជុំវិញខេត្ត អាជ្ញាធ័រដែនដី មន្ដ្រីរដ្នបាលព្រៃឈើ ស្ថាប័ន្ដអង្គការក្រៅរដ្ឋាភិបាល តំណាងសហគមន៍ព្រៃឈើ និងប្រជាពលរដ្ន ចូលរួម សរុបជិត៣០០នាក់។
បន្ទាប់មក លោក តិប ញា តា នាយខ័ណ្ឌរដ្នបាលព្រៃឈើ ខេត្តកំពង់ធំបានធ្វើពិធីចុះហត្ថាលេខា ជាមួយប្រធានសហគមន៍ ៣ទៀត គឺសហគមន៍ព្រៃឈើ អូរសោម អូរអង្គប់ធំ និងបុស្សយាយញ៉េប ដោយមានការចូលរួមអភិវឌ្ឍន៍សហគមន៍ព្រៃឈើកន្លងមក គឺទាមទាសិទ្ធិ ក្នុងការ
ប្រើប្រាស់ព្រៃឈើនិងគ្រប់គ្រង ,ការបោះបង្គោល់ប្រទល់ព្រៃសហគមន៍សម្គាល់ព្រៃគ្រប់គ្រោង ,បង្កើតថ្នាល់បណ្ដុះកូនឈើ ,ដាំឈើផ្ដៅក្នុងសហគមន៍ដើម្បីបង្កើនព្រៃឈើ, ការធ្វើសុវុឌ្ឍិកម្មព្រៃឈើដើម្បីបង្កើនការលូតលាស់, បង្កើតក្រុមកែឆ្នៃទឹកឃ្មុំ និង មានដៃគូអភិវឌ្ឍន៍សហគមន៍ដូចជា រដ្ឋបាលព្រៃឈើ្្ អាជ្ញាធ័រមូលដ្ឋាន អង្គការអន្ដរជាតិ មជ្ឈមណ្ឌលមនុស្សនិងព្រៃឈើ(RECOFTC ) បណ្ដាញព្រៃឈើអាស៊ីប៉ាស៊ីហ្វិក សំរាប់ស្ដារនិងគ្រប់គ្រោងព្រៃឈើដោយនិរន្ដភាព (APFNet ) អង្គការហ្វីនត្រាក់ និងគំងម្រោងហាវែស និងមានអង្គការ ក្នុងស្រុក ចំនួន២ចូលរួម គឺអង្គការ ម្លប់បៃតង និងអង្គការ សកម្មភាពដើម្បីអភិវឌ្ឍន៍(AFD) ។
លោក អាំ ប៊ុនថា បានអានរបាយការណ៍សង្ខេបពាក់ព័ន្ធទៅនិង ការដឹកនាំ គ្រប់គ្រោង ការពារ ការបង្ក្រាប់បទល្មើសព្រមទាំងការដាំដុះកូនឈើវិញ កត្តាទាំងនេះថ្វីត្បិតតែធ្វើអោយមានការរីចំរើនតែទទឹមនិងនោះក៏ធ្វើអោយមន្ដ្រីយើងជួបនិងការលំបាក់យ៉ាងខ្លាំងផងដែរក្នុងការទប់ស្កាត់ រាល់បទល្មើសផ្សេងៗផងដែរ និងទាមទាអោយមានការផ្សព្វផ្សាយច្បាប់និង ផលប៉ះពាលបរិស្ថានពេលដែលអស់ព្រៃឈើដើម្បីងោយប្រជាពលរដ្នបានយល់ដឹងកាន់តែច្បាស់។
ឯកឧត្តម ហួន ផានិត អភិបាលរងខេត្ត បានមានប្រសាសន៍ សំណេះសំណាលជាមួយបងប្អូន ប្រជាពលរដ្ន មន្ដ្រីរាជការ ព្រមទាំងអង្គការជាតិ និងអន្ដរជាតិ ទាំងអស់ដែលបានរួមសហការជួយការពារ អនុផលព្រៃឈើ បង្កើនការដាំដុះ ដើម្បីរក្សាបាននូវធនធានព្រៃឈើ សត្វព្រៃ និងការប្រើប្រាស់ផលព្រៃឈើអោយមាននិរន្ដរភាព រក្សាបាននូវលំនឹងបរិស្ថានផងដែរ នេះជាគោលបំណងរបស់រាជរដ្ឋាភិបាលដែលតែងតែទាមទាអោយមានការខិតខំប្រឹងប្រែង យកចិត្តទុកដាក់ សហការគ្នាយ៉ាងជិតស្និទ្ធរវាងរដ្ឋបាលព្រៃឈើ អាជ្ញាធ័រមូលដ្ឋាន អង្គការមិនមែនរដ្ឋាភិបាល និងស្ថាប័ន្ដដែលពាក់ព័ន្ធជាពិសេស សហគមន៍មូលដ្ឋាន បន្ទាប់មក ឯឧត្តមក៏បានផ្ដាំផ្ញើរអោយ អាជ្ញាធ័រមូលដ្ឋាន ក៏ដោយជាប្រធានសហគមន៍ព្រៃឈើកុំ កាប់ឈើ ដុតព្រៃ រុករានយកដីព្រៃឈើមកធ្វើជាកម្មសិទ្ធរបស់ខ្លួន ត្រូវរួមគា្នការពារព្រៃឈើ អោយបានស្ថិតថេរ គង់វង្ស និរន្ដរ៕
ប៊ុនរិទ្ធី
