កំពង់ឆ្នាំង៖ បុរសម្នាក់បានស្លាប់ភ្លាមៗនៅកន្លែងកើតហេតុ ខណៈពេលជិៈម៉ូតូលឿនពេកក្នុងភាពស្រវឹងទៅបុកបង្កាន់ ដៃស្ពាន បណ្តាលអោយបែកក្បាល។ ហេតុការណ៏នេះបានកើឡើងនៅវេលាម៉ោង ២និង១៥នាទៅរសៀលថ្ងៃទី២៥ ខែមិនា ឆ្នាំ២០១៥ នៅលើផ្លូវក្រាលកៅស៊ួលេខ១៥៣A ស្ថិតក្នុង ភូមិជារៅ ឃុំរលាប្អៀរ ស្រុករលាប្អៀរ។
សមត្ថកិច្ចនគរបាលចរាចរណ៏ ស្រុករលាប្អៀរបាននិយាយអោយដឹងថាៈ បុរសរូបនោះមានឈ្មោះ ភឿង សៀង អាយុ៤៥ឆ្នាំ មានប្រពន្ឋនិងកូន៥នាក់ រស់នៅភូមិត្រពាំងរាំង ឃុំអភិវឌ្ឍន៏ ស្រុកទឹកផុស ។ មុនពេលកើតហេតុគេឃើញជនរងគ្រោះជិៈម៉ូតូម៉ាក សង់កូរ៉េពណ៏ក្រហម ពាក់ស្លាកលេខ កំពង់ឆ្នាំង 1C .2487ក្នុងដំណើរពីលិច ទៅកើតក្នុងល្បឿនយ៉ាងលឿន ស្រាប់តែមកដល់ចំណុចកើតហេតុ បានរ៉េចង្កូតទៅបុកនឹងបង្កាន់ដៃស្ពានបណ្តាលអោយបោកក្បាលនិងបង្កាន់ដៃស្ពានថ្មបែកក្បាលស្លាប់ភ្លាមៗ នៅកន្លែងកើតហេតុ។
ក្រោយពេលកើតហេតុសមត្ថកិច្ចនគរបាលទៅពិនិត្យដល់កន្លែងកើតហេតុហើយបានដឹងថាបុរស រូបនោះពិតជាបានបុកបង្កាន់ដៃស្ពានស្លាប់ដោយខ្លួនឯងមែន ទើបបានទូរស័ព្ទហៅក្រុមគ្រួសារដឹកយក ទៅធ្វើបុណ្យនៅលំនៅដ្ឋានតាមប្រពៃណី ។
ប្រភពដែលបានបញ្ចាក់ថា បុរសរងគ្រោះមានសភាពស្រវឹង ហើយបានបើកម៉ូតូពីផ្ទះសំដៅទៅផ្សារព្រៃខ្មែរ ដើម្បីទៅទទួលបងប្អូនមកពីប្រទេសថៃ តែចៃដន្យអាក្រក់ ពេលបើកម៉ូតូមកដល់ចំណុចខាងលើក៏បានបុកកង្កាន់ដែស្ពានបណ្តាលអោយបោកក្បាលស្លាប់តែម្តង៕ 
