កំពង់ឆ្នាំង៖ « ត្រូវតែបិតសេវាព្យាបាលជម្ងឺឯកជនមិនស្របច្បាប់ » កុំបណ្តែតបណ្តោយដូចនៅ ឃុំរការ ខេត្តបាត់ដំបង មួយឃុំឆ្លងជម្ងឺអេដស៏ជាង២០០នាក់មិនដឹងថាគ្រូពេទ្យឯកជនរូបនោះគាត់ព្យាបាលជម្ងឺបែបណាទេ ដល់អញ្ចឹងទៅ សង្គមស៊ីវិល បក្សប្រឆាំង គេថ្កោលទោសមកលើរាជរដ្ឋាភិបាលថាគ្មានសមត្ថភាពដឹកនាំលើវិស័យសុខាភិបាល លោក ឈួរ ច័ន្ទឌឿន បានលើកឡើងបែបនេះនៅក្នុងពិធីបិតសន្និបាតបុកសរុបការងារសុខាភិបាលខេត្តឆ្នាំ២០១៥ និងទិសដៅឆ្នាំ២០១៥ នៅក្នុងមន្ទីរសុខាភិបាលខេត្ត នាល្ងាចថ្ងៃទី២៥ ខែមិនា ឆ្នាំ២០១៥ ក្រោយពីបានដំណើការ១ថ្ងៃកន្លងមក ដែលមានការចូលរួមពីលោកប្រធានមន្ទីរអង្គភាពជុំវិញខេត្ត មន្ត្រីសុខាភិបាលគ្រប់ការិយាល័យនិងគ្រប់មូលដ្ឋានមានការិយាល័យស្រុកប្រតិបត្តិ មន្ទីរពេទ្យបង្អែក និងមណ្ឌលសុខភាព សរុបចំនួន១៨២នាក់។
លោកអភិបាលខេត្តបានលើកឡើងបន្តទៀតថា៖ មន្ទីរសុខាភិបាលខេត្តក៏ត្រូវពិនិត្យឡើងវិញអោយបានម៉ត់ចត់ លើគ្លីនិកវិភាគវិជ្ជសាស្ត្រ(ពិនិត្យឈាម) ទាំងរបស់រដ្ឋ ពិសេសរបស់សេវាឯកជន តើគ្រូពេទ្យនោះមានជំនាញនិងសញ្ញាប័ត្រត្រឹមត្រូវឬទេ តើម៉ាស៊ីនដំណើរការលើការវិភាគឈាមនោះមានគុណភាណដែរឬទេ បើគ្មានទេត្រូវតែបិទ ឬអោយគាត់ទិញម៉ាសីនថ្មីមកដាក់ជំនួសទើបអាចបន្តអាជីវកម្មរបស់គាត់បាន។ត្រូវយកចិត្តទុកដាក់ពង្រឹងអោយបានល្អឡើងវិញ ចំពោះសេវាកម្មព្យាបាលជម្ងឺនៅមន្ទីរពេទ្យរបស់រដ្ឋ ទាំងនៅខេត្ត ស្រុក និងឃុំ បើមិនដូច្នោះទេ អ្នកជម្ងឺគេនឹងបាត់ជំនឿលើពេទ្យរដ្ឋ ហើយងាកមករកសេវាព្យាបាលជម្ងឺឯកជនវិញព្រោះមានសេវាល្អជាង យកចិត្តទុកដាក់ជាង និងមានក្រមសីលធម៌ល្អជាង។
ប្រយត្ន័កុំបណ្តែតបណ្តោយដូចនៅ ឃុំរការ ខេត្តបាត់ដំបង មួយឃុំឆ្លងជម្ងឺអេដស៏ជាង២០០នាក់ ធ្វើអោយសង្គមស៊ីវិល បក្សប្រឆាំង គេថ្កោលទោសមកលើរាជរដ្ឋាភិបាលថាគ្មានសមត្ថភាពដឹកនាំលើវិស័យសុខាភិបាល ហេតុនេះ« ត្រូវតែបិតអោយបានសេវាកម្មព្យាបាលជម្ងឺឯកជនមិនស្របច្បាប់ » ។គ្រូពេទ្យមានតួនាទីសំខាន់ណា ស់ក្នុងសង្គម ព្រោះអ្នកជម្ងឺណា ក៏ដោយពេលឈឺ ក៏ត្រូវការលោកគ្រូពេទ្យដែរ ហេតុនេះហើយគ្រូពេទ្យត្រូវមានវិជ្ជាជីវៈ និងក្រមសីលធម៌យ៉ាងល្អ សម្រាប់សង្គ្រោះព្យាបាលអ្នកជម្ងឺ។
លោក ប្រាក់ វ៉ុន ប្រធានមន្ទីរសុខាភិបាលខេត្តបានលើកឡើងថា៖ ក្នុងឆ្នាំ២០១៤កន្លងទៅនេះ មានស្ត្រីកាន់តែច្រើនបានសម្រចចិត្តត្រឹមត្រូវ ដោយស្វែងរកសេវាសាធារណៈដើម្បីសម្រាលកូនដោយសុវត្ថិភាព ធ្វើអោយអត្រាគ្រោះថ្នាក់ស្លាប់ដោយការសម្រាលត្រូវបានកាត់បន្ថយ ក្នុងនោះដែលស្ត្រីសម្រាលកូនដោយការវះកាត់មានដល់ទៅ៣៨២នាក់ គឺមាននៃថាៈ ស្ត្រីដែលសម្រាលកូនប្រឈមទៅនឹងការគ្រោះថ្នាក់បានកើនឡើង។សេវាបង្ការការចម្លងមេរោគអេដស៏ពីម្តាយទៅកូន-សេវាព្យាបាលជម្ងឺឱកាសនិយម និងការព្យាបាលឱសថប្រ ឆាំងមេរោគអេដស៏ កំពុងអនុវត្តន៏។ បានជ្រលក់ថ្នាំមុងឡើងវិញសរុបចំនួន៤២៥៨០នាក់ ដល់ប្រជាពលរដ្ឋរស់នៅតំបន់គ្រុនចាញ់ខ្ពស់ ។ទិសដៅសំខាន់ៗក្នុងការអនុវត្តឆ្នាំ២០១៥នេះ គឺការពង្រីកសេវាសុខភាពបន្តពូជ សេវាសុខភាពមាតា ទារក កុមារសម្រាល កូនដោយឆ្មបជំនាញ ពង្រីកសេវាសម្ភពសង្គ្រោះបន្ទាន់ និងសេវាថែទាំទារក ដើម្បីធានាថាគ្រប់ស្ត្រីមានគត៌ គ្រប់រូបត្រូវាបានយកចិត្តទុកដាក់ជាសំខាន់៕
