យុវជន២នាក់ត្រូវបានសមត្ថកិច្ចខណ្ឌដូនពេញធ្វើការឃាត់ខ្លួនបញ្ចូនទៅអធិការដ្ឋាននគរបាលខណ្ឌដើម្បីធ្វើការអប់រំទើបឱ្យត្រឡប់ទៅផ្ទះវិញខណះដែលពួកគេកំពុងតែឈប់នៅម្តុំរង្វង់មូលវត្តភ្នំពេញហើយត្រូវបានសមត្ថកិច្ចកំពុងតែជិះល្បាតប្រទះឃើញគួរឱ្យមានការសង្ស័យក៏បានជិះចូលទៅធ្វើការសួរនាំប៉ុន្តែពួកគេក៏បានព្យាយាមជិះគេចខ្លួនតែត្រូវបានសមត្ថកិច្ចដេញតាមបណ្តាលឱ្យដួលម៉ូតូ។ហេតុការណ៍នេះបានកើតឡើងកាលពីវេលាម៉ោង១២នឹង២០នាទីរំលងអាធ្រាតឈានចូលថ្ងៃទី២៦ខែមិនាឆ្នាំ២០១៥ ជិតនឹងសាលា រាជ ធានីភ្នំពេញតាមបណ្តោយផ្លូវព្រះមុន្នីវង្សស្ថិតក្នុងសង្កាត់ស្រចកខណ្ឌដូនពេញ។
សមត្ថកិច្ចម្នាក់សុំមិនបញ្ចេញឈ្មោះបានឱ្យដឹងថានៅមុនពេលកើតហេតុពួកគាត់រួមជាមួយសមត្ថកិច្ចផ្សេងទៀតបានជិះល្បាតនៅក្នុងមូលដ្ឋានដូចសពមួយដងខណះល្បាតមកដល់ម្តុំរង្វង់មូលវត្តភ្នំក៏ស្រាប់តែប្រទះឃើញយុវជន២នាក់ជិះម៉ូតូឌ្រីមសេ១២៥ពណ៍ខ្មៅសេរីឆ្នាំ២០០៥ពាក់ស្លាកលេខព្រៃវែង1B-0771 កំពុងឈប់នៅម្តុំនោះដោយបាននិយាយជាមួយស្រីដែលឈរនៅទីនោះដោយមានការសង្ស័យក៏បានជិះអែបទៅជិតដើម្បីធ្វើការនាំ។សមត្ថកិច្ចបន្តថាមិនទាន់នឹងបានសួរនាំផងស្រាប់តែយុវជនទាំង២នាក់ឃើញសមត្ថ កិច្ច ក៏មានការភ័យខ្លាចបានបញ្ឆេះម៉ាស៊ីនម៉ូតូហើយព្យាយាមជិះចេញបំរុងគេចខ្លួនភ្លាមៗនោះសមត្ថ កិច្ច ក៏បានជិះដេញតាមពីក្រោយប៉ុន្តែយុវជនជាអ្នកឌុបភ័យខ្លាំងពេកក៏បានដួលម៉ូតូជិតនឹងសាលារាជធានីភ្នំពេញហើយសមត្ថកិច្ចបានធ្វើការឃាត់ខ្លួនបញ្ចូនទៅអធិការដ្ឋានខណ្ឌដូនពេញដើម្បីសាកសួរ។
សមត្ថកិច្ចបន្ថែមទៀតថាក្រោយពីបានធ្វើការសួរនាំយុវជនទាំង២នាក់បាននិយាយថាពួកគេជិះគេចខ្លួននេះគឺដោយសារតែខ្លួនមានការភ័យខ្លាចសមត្ថកិច្ចចាប់ព្រោះតែជិះម៉ូតូចូលទៅសួរស្រីៗដែលឈរនៅលើរង្វង់មូលវត្តភ្នំតែប៉ុណ្ណោះមិនបានធ្វើអ្វីខុសនោះទេ។ដោយឆែកឆេរលើខ្លួនយុវជនទាំង២នាក់ មិនឃើញមានអ្វីគួរ ឱ្យសង្ស័យនោះសមត្ថកិច្ចគ្រាន់តែយកអ្នកទាំង២យកទៅធ្វើកាអប់រំនិងបំពេញឯកសារនិងប័ណ្ណសំគាល់ទោចក្រយាន្តដើម្បីត្រឡប់ទៅផ្ទះវិញ៕
