បុរសម្នាក់ត្រូវបាននគរបាលព្រហ្មទណ្ឌនៃស្នងការនគរបាលខេត្តមណ្ឌលគិរីកសាង សំណុំរឿងបញ្ជូនខ្លួនទៅតុលាការចាត់ការតាមច្បាប់នៅព្រឹកថ្ងៃទី២៥មិនា២០១៥នេះពីបទរក្សាទុកនិងប្រើប្រាស់អាវុធខុសច្បាប់។លោកវរសេនីយ៍ឯក សូ សុវណ្ណ ស្នងការរងនិងជា
ប្រធានការិយាល័យកណ្តាលព្រហ្មទណ្ឌនៃស្នងការនគរបាលខេត្តមណ្ឌលគិរីបានឲ្យដឹងថាជនសង្ស័យដែលសមត្ថកិច្ចនគរបាល ឃាត់ខ្លួនកសាងសុំណុំរឿងបញ្ជូនទៅតុលាការនោះរោង វ៉ុងហៅក្រាក់អាយុ៤៤ឆ្នាំមានទីលំនៅក្នុងភូមិពូ ត្រំ សង្កាត់រមនា ក្រុងសែនមនោរម្យខេត្តមណ្ឌលគិរីមុខរបរកសិករ។
លោកស្នងការរងបានបន្តឲ្យដឹងទៀតថាជនសង្ស័យនៅពេលផឹកស្រាស្រវឹងបានយកអាវុធ ម៉ាកCKCដែលរក្សាទុកខុសច្បាប់មកបាញ់បង្កការភ័យខ្លាចដល់ប្រជាពលរដ្ឋក្នុងភូមិ។បច្ចុប្បន្ន សមត្ថកិច្ចជំនាញនគរបាលបានកសាងសំណុំរឿងបញ្ជូនខ្លួនទៅសាលាតំបូងដើម្បីចាត់ការតាមផ្លូវច្បាប់៕
