ភ្នំពេញ: បុរស២នាក់ជិះម៉ូតូមួយគ្រឿងម៉ាកយ៉ាម៉ាហាហ្វីណូបានយកគ្រាប់បែកមួយគ្រាប់ដែល មិនទាន់ផ្ទុះប្រគល់មកអោយសមត្ថកិច្ចបង្កអោយមានការភ្ញាក់ផ្អើលទាំងយប់។ កាលពីវេលាម៉ោង ៨និង៣០នាទីយប់ ថ្ងៃទី២៥ ខែមីនា ឆ្នាំ២០១៥ នៅក្នុងប៉ុស្តិ៍នគរបាលចោមចៅ ស្ថិតក្នុង 
សង្កាត់ចោមចៅ ខណ្ឌពោធិ៍សែនជ័យ។បុរស២នាក់ខាងលើមិនត្រូវបានស្គាល់អត្តសញ្ញាណនៅឡើយទេដោយគ្រាន់តែដឹងថាពួកគេ ទាំង២នាក់នោះស្នាក់នៅក្នុងភូមិព្រៃព្រីងខាងជើងសង្កាត់ចោមចៅខណ្ឌពោធិ៍សែនជ័យ។ប្រភពពត៌មានពីកន្លែងកើតហេតុបានឲ្យដឹងថានៅមុនពេលកើតហេតុដោយបុរស២នាក់ជាម្ចាស់ផ្ទះបានបោសសម្អាតនៅខាងក្រោយផ្ទះដោយកាប់ឆ្ការព្រៃនិងជីកស្មៅខណះដែលកំពុងតែកាប់ឆ្ការក៏ ប្រទះក៏ប្រទះឃើញនៅក្នុងគុម្ភព្រៃខាងក្រោយ។បន្ទាប់មកពួកគេទាំង២នាក់នោះបានយកគ្រាប់បែកមិនទាន់ផ្ទុះនោះមកកាន់ប៉ុស្តិ៍នគរបាលចោមចៅលុះពេលមកដល់ប៉ុស្តិ៍សមត្ថកិច្ចក៏សួរថាមានរឿងអ្វីបុរសទាំង២នាក់បានយកគ្រាប់បែកដែលច្រកក្នុងថង់មកអោយសមត្ថកិច្ចពេលដែលបុរសនោះបានស្រាយថង់គ្រាប់បែកនោះហើយសមត្ថកិច្ចឃើញក៏មានការភិតភ័យខ្លាចគ្រោះថ្នាក់ដល់អាយុជីវិតក៏
រត់គេចពីគ្រាប់បែកនោះបង្កការភ្ញាក់ផ្អើលទាំងយប់។ក្រោយពេលកើតហេតុសមត្ថកិច្ចក៏ពន្យល់ដល់បុរស២ទាំងនាក់នោះមានការប្រុងប្រយ័ត្នផងកុំអោយមានគ្រោះថ្នាក់ដល់អ្នកដទៃក្រោយមកបុរសទាំង២នាក់នោះក៏យកថង់គ្រាប់បែកនោះទៅវិញពីព្រោះមិនចង់អោយសមត្ថកិច្ចសួរនាំច្រើនទេសូម្បីតែអ្នកសារពត៌មានសួរនាំឫថតរូបក៏ពួកគេមិនអោយថតនិងសួរដែរបន្ទាប់មកសមត្ថកិច្ចក៏ប្រាប់ទៅពួកគេអោយយកគ្រាប់បែកនោះទៅប្រគល់ទៅអោយអ្នក កំចាត់គ្រាប់មីនស៊ីម៉ាសដើម្បីសុវត្ថិភាពហើយពួកគេទាំង២នាក់នោះក៏ត្រឡប់ទៅវិញបាត់ទៅ៕
