ស្នងការនគរបាលខេត្តពោធិ៍សាត់ដាក់បទបញ្ជារដល់អធិការ៦ស្រុកក្រុងនិងប៉ុស្ត៍រដ្ឋបាលទាំង៤៩ត្រូវបង្កើនគោលដៅការពារសន្តិសុខជូនប្រជាពលរដ្ឋឲ្យបានក្នុងពេលចូលឆ្នាំប្រពៃណីខ្មែរខាងមុខនេះស្របពេលដែលបូកសរុបលទ្ធផលបទល្មើសថយចុះក្នុងខែមិនានេះ
✔️ខេត្តពោធិ៍សាត់; ក្នុងឧកាសបុណ្យចូលឆ្នាំប្រពៃណីខ្មែរខាងមុខនិងខិតចូលមកដល់នេះ លោកឧត្ដមសេនីយ៍ត្រី សារុន ចាន់ធី ស្នងការដ្ឋាននគរបាលខេត្តពោធិ៍សាត់ បានដាក់បទបញ្ជាទៅប៉ុស្ត៍រដ្ឋបាលទាំង៤៩ប៉ុស្ត៍ នៅគ្រប់ឃុំសង្កាត់ទូទាំងខេត្តពោធិ៍សាត់ និង អធិការដ្ឋាន៦ស្រុកក្រុង ត្រូវបង្កើនការពារសន្តិសុខសុវត្ថភាពគ្រប់គោលដៅជូនប្រជាពលរដ្ឋទាំងអស់ឲ្យបាន២៤លើ២៤មោ៉ងចាប់ពីនេះតទៅ ដើម្បីផ្ដល់ភាពកក់ក្ដៅជូនពួកគាត់ក្នុងការដើរកំសាន្តជួបជុំបងប្អូន និង ទៅវត្តអារាមនានារបស់ពួកគាត់។
កាដាក់បទបញ្ជារលោកទៅអធិការស្រុកក្រុងទាំង៦រួមនិងនាយប៉ុស្ដ៍រដ្ឋបាលទាំង៤៩នេះ ស្របពេលដែលលោកស្នងការនគរបាលខេត្ត ចូលរួមក្នុងពិធីប្រជុំបូកសរុបលទ្ធផលការងារនៃកិច្ចប្រតិបត្តិការ រក្សាសន្តិសុខ សណ្តាប់ធ្នាប់សង្គមប្រចាំខែមីនា ឆ្នាំ២០១៥ កាលព្រឹកថ្ងៃទី២៦ នៅស្នងការខរត្តពោធិ៍សាត់ បន្ទាប់ពីបទល្មើសផ្សេងៗក្នុងខែមិនានេះបានថយចុះ។លោក សារុន ចាន់ធី ក៍បានថ្លែងទៀតថា ត្រូវចាត់វិធានការ ដាក់កម្លាំងការពារតាមគោលដៅសំខាន់ៗ ជាអាថ នៅតាមទីផ្សារ ទីសាធារណៈ វត្តអារាម បូជនីយដ្ឋាន រមនីយដ្ឋាន និងនៅតាមដំបន់ទេសចរណ៍ផ្សេងៗផងដែរ មុនឱកាសបុណ្យចូលឆ្នាំថ្មី ប្រពៃណីជាតិខ្មែរ ដែលនិងឈានជិតចូលមកដល់នៅពេលដ៏ខ្លីខាងមុខនេះ ត្រូវជម្រុញការធ្វើការផ្សព្វផ្សាយ និង ធ្វើវេទិកាសាធារណៈ អនុវត្តគោលនយោបាយភូមិ.ឃុំមានសុវត្ថិភាព ជូនប្រជាពលរដ្ឋ ឲ្យបានជ្រូតជ្រាបងាយស្រួលដល់ពួកគាត់ ផ្តល់ព័ត៌មានជូនសមត្ថកិច្ចយើងដែលឈតាមគោលដៅនិងប៉ុស្ត៍រដ្ឋបាល អំពីសកម្មភាពជនខិលខូចមួយ ចំនួន ធ្វើសកម្មភាព លួច ឆក់ ប្លន់ ក្នុងឱកាសបុណ្យចូលឆ្នាំថ្មីខាងមុខនេះ ដើម្បីងាយស្រួលឲ្យសមត្ថកិច្ចនគរបាលយើងមានភាពងាយស្រួលហើយលឿនក្នុងកាធ្វើការចុះទៅបង្ក្រាប ចាប់ជនសង្ស័យទាំងនោះយកមកផ្តន្ទាទោស រកយុត្តិធម៌ជូនជនរងគ្រោះ ។
លោកឧត្តមសេនីយ៍ត្រី សារុន ចាន់ធី ស្នងការនគរបានក៏បានសង្កត់ធ្ងន់ផងដែរថា ថ្វីត្បិតតែបទល្មើសមានការថយចុះជាងខែមុនៗក្តី ក៍ប៉ុន្តែអ្វីដែលនគរបាលយុត្តិធម៏យើងត្រូវប្រឈមគឺបទល្មើសឧក្រិដ្ឋ ដូចជាករណីរំលោភសេពសន្ទវករណីប្លន់ប្រដាប់អាវុធ ករណីឃាតកម្មជាដើម ត្រូវរក្សាការពារឲ្យបាន ។លោកស្នងការបានបញ្ជាក់បន្ថែមថា ត្រូវអនុវត្តនូវបទបញ្ជារបស់ឯកឧត្តម នាយឧត្តមសេនីយ៍ អគ្គស្នងការនគរបាលជាតិ សមត្ថកិច្ចនគរបាលយុត្តិធម៏ ត្រូវបំពេញតួនាទីរបស់ខ្លួនដោយបើកទ្វា២៤ម៉ោង លើក២៤ម៉ោង សម្រាប់បម្រើសេវាជូនប្រជាពលរដ្ឋ ឲ្យបានទាន់ពេលវេលាមិនត្រូវឲ្យពលរដ្ឋឫក៍ជនរងគ្រោះធុញទ្រាន់ពេលដែលដង្ហោយហៅយើងប្តឹងនិងស្រែកឲ្យជួយជួយនោះទេ ត្រូវតែចាត់កាជូនគាត់ឲ្យបានក្ដៅបំផុតតាមដែលអាចធ្វើបាន។ ក្នុងពិធីប្រជុំបូកសរុបលទ្ធផលការងារនៃកិច្ចប្រតិបត្តិការ រក្សាសន្តិសុខ សណ្តាប់ធ្នាប់សង្គមប្រចាំខែមីនានោះដែរ ក៍មានវត្តមានថ្នាក់ដឹកនាំស្នងការ ស្នងការរង នាយ-នាយរងការិយាល័យ នាយនិងនាយរងប៉ុស្តិ៍នគរបាលទាំង៤៩ក៍បានមកដែរ។
ក្រោយពីទទួលបទបញ្ជាររបស់លោកស្នងការនគរបាលខេត្តភ្លាមនៅថ្ងៃទី២៧មិនា២០១៥ កំលាំងអធិការស្រុកក្រុងនិងរដ្ឋបាលប៉ុស្ត៍ទាំង៤៩ បានចុះការពារតាមគោលដៅសំខាន់ៗ ដូចជានៅតាមផ្សានិមួយៗដែលមានអាជីវករដូលុយ និងមាស ហើយប្រាប់លេខទូរស័ព្ទរបស់នគរបាលឲ្យពួកគាត់បានដឹង គ្រប់គ្នាដើម្បីស្រួលរាយការណ៍ទំនាទំនងគ្នា ដើម្បីចុះអន្តរាគមភ្លាមៗ ជូនពួកគាត់។សួមបញ្ជាក់ផងដែរថា
បើយោងតាមរបាយការណ៍របស់ការិយាល័យជំនាញដែលបានត្រួតពិនិត្យឃើញថា សភាពការណ៍បទល្មើសផ្សេងៗទាំងអធិការរដ្ឋឆននគរបឆល០៦ស្រុកក្រុងដែលមានប៉ុស្ត៍រដ្ឋបាលចំនួន៤៩នោះ មានកាថយ ចុះគួរឲ្យកត់សំគាល់ ជាក់ស្តែងបទល្មើសព្រហ្មទណ្ឌ ក្នុងខែមីនា ឆ្នាំ២០១៥នេះ មានចំនួន ៩លើ១២លើក ក្នុងនោះបទឧក្រិដ្ឋមានចំនួន៣លើក បទល្មើសមជ្ឈិមមានចំនួន៦លើ១២លើក ក្នុងករណីទាំងនេះសមត្ថកិច្ចធ្វើការបង្ក្រាបជាក់ស្តែងបាន៦ករណី ចាប់ជនសង្ស័យបញ្ជូនទៅតុលាការបានចំនួន៩នាក់ បង្ក្រាបតាមដីកា បាន៣ករណី ឃាត់ខ្លួនជនសង្ស័យបញ្ជូនតុលាការបានចំនួន៣នាក់ បង្ក្រាបបទល្មើសគ្រឿងញៀនបាន៦ករណី ឃាត់ខ្លួនមុខសញ្ញាប្រើប្រាស់សារធាតុញៀនខុសច្បាប់បានចំនួន៨នាក់ ស្រី៣នាក់ បញ្ជូនទៅមណ្ឌលកែប្រែបន្សាបគ្រឿងញៀនខេត្តបាត់ដំបង និងបន្ទាយមានជ័យ បង្ក្រាបក្មេងទំនើងបាន៤ករណី ឃាត់ខ្លួនមនុស្សធ្វើការអប់រំបានចំនួន៦នាក់ បង្ក្រាបល្បែងស៊ីសងបានចំនួន៤លើក អប់រំអ្នកលេងល្បែងស៊ីសងបានចំនួន១៣នាក់ ស្រី១នាក់ ។
