រថភ្លើងពីរគ្រឿង ដែលធ្វើដំណើរបញ្ច្រាសទិសដៅគ្នា បានបុកគ្នាយ៉ាងពេញទំហឹង នៅក្នុងខេត្ត អាយុទ្យា កាលពីយប់ថ្ងៃព្រហស្បតិ៍ ទី២៦ ខែមីនា ឆ្នាំ២០១៥ ប៉ុន្តែ មិនបានបង្កឲ្យអ្នកដំណើរណាម្នាក់បាត់បង់ជីវិតឡើយ ។ទីភ្នាក់ងារព័ត៌មាន ចិនស៊ិនហួ ចេញផ្សាយ នៅថ្ងៃសុក្រ ទី២៧ 
ខែមីនា នេះទៀតថា រូបភាពនៃគ្រោះថ្នាក់ ត្រូវបានថត ដោយអ្នកដំណើរ បានបង្ហាញពីអ្នកដំណើរ និងអ្នកភូមិចេញមក ចោមរោម រថភ្លើង ដែលបានជួបគ្រោះថ្នាក់ទាំងពីរ ខ្សែ ។
បើតាមប្រភព ពីមន្ទីរពេទ្យក្នុងតំបន់ឲ្យដឹងថា អ្នករងរបួសធ្ងន់ស្រាល ប្រមាណជាង ៣០នាក់ ត្រូវបាន បញ្ជូនទៅ សម្រាកព្យាបាល ដោយឡែកមូលហេតុនៃការបុកគ្នានោះ ទំនងជាបណ្តាលមកពី ការកាច់ខ្សែលីងរថភ្លើង ខុសបច្ចេក ទេស ៕
