កំពង់ឆ្នាំង៖រថយន្តភ្លៅ៥ធុនធំ២គ្រឿងដឹកអុសគ្មានច្បាប់ ត្រូវបានលោកនាយរងខណ្ឌ័រដ្ឋបាលព្រៃឈើកំពង់ឆ្នាំង ដឹកនាំមន្ត្រីក្នុងខណ្ឌ័ស្ទាក់ចាប់បានដើម្បីធ្វើការផាកពិន័យ។ការបង្ក្រាបបទល្មើសព្រៃឈើខាងលើនេះបានធ្វើឡើងនៅម៉ោង៥និង៤០នាទីល្ងាចថ្ងៃទី២៦ ខែមិនា ឆ្នាំ២០១៥ នៅមុខសាលាខេត្តកំពង់ឆ្នាំង ក្នុងសង្កាត់ប្អេរ ក្រុងកំពង់ឆ្នាំង។
លោក ហោ ដារ៉ា នាយផ្នែករដ្ឋបាលព្រៃឈើកំពង់ឆ្នាំងបានអោយដឹងថា៖ រថយន្តធុនធំភ្លៅ៥ទាំដ២គ្រឿងនេះម៉ាកហ៊ីយ៉ាន់ដាយ ១គ្រឿងពាក់ស្លាកលេខ ស្វាយរៀង3A-0952 ពណ៌ស្លែ ១គ្រឿងទៀតអត់ស្លាកលេខ អ្នកបើកបររថយន្ត១ឈ្មោះ អឿន វណ្ណ អាយុ១៩ឆ្នាំ ២ឈ្មោះអ៊ូ ម៉ុង អាយុ២០ឆ្នាំ ពួកគេរស់នៅភូមិស្ពានពោធិ ឃុំសេដ្ឋី ស្រុកសាមគ្គីមានជ័យ និងជាកម្មករបើកបររថយន្តអោយថៅកែអុស។
អ្នកបើកបររថយន្តទាំង២នាក់នេះបាននិយាយអោយដឹងថា៖ពួកគេបានដឹកអុសនេះមកពី
ចំណុចស្ពាន១០៤ ក្នុងភូមិដំណាក់អំពិល ឃុំក្រាំងស្គារ ស្រុកទឹកផុស ដឹកយកទៅលក់អោយរោងចក្របោកគក់ និងអ៊ុតខោអាវ អេសអិល នៅទំនប់បឹងទំពន់ រាជធានីភ្នំពេញ ចំណែកថៅ
កែអុសនេះពួកគេមិនស្គាល់ឈ្មោះច្បាស់ទេ។
សមត្ថកិច្ចរដ្ឋបាលព្រៃឈើកំពង់ឆ្នាំងបានអោយដឹងទៀតថា៖ឈើដែលគេកាប់លក់ធ្វើជាអុសដុតនេះជាប្រភេទឈើខ្លុងត្បែង ខ្លះតូចៗមិនទាន់គ្រប់អាយុ តែភាគច្រើនជាឈើដើមធំៗខ្លឹមក្រហកឆ្អៅ ដែលគេអាចយកទៅអារច្រៀកធ្វើជាគ្រឿងសង្ហារឹមបាន។ឈើទាំង២រថយន្តធំៗនេះ នឹងត្រូវធ្វើការផាកពិន័យជាប្រាក់អន្តរៈកាល តាមច្បាប់ស្តីពីព្រៃឈើ ដោយការដឹកជញ្ជូនគ្មានលិខិតអនុញ្ញាតពីរដ្ឋបាលព្រៃឈើ។
បទល្មើសព្រៃឈើ ដូចខាងលើនេះនៅស្រុកទឹកផុស និងស្រុកបរិបូរណ៌ ត្រូវបានប្រជាព
លរដ្ឋនាំគ្នាកាប់ព្រៃឈើតម្រៀបធ្វើជាអុសដាក់លក់តាមចិញ្ចើមផ្លូវតាមភូមិឃុំមួយចំនួនរាប់រយ
រាប់ពាន់ម៉ែត្រគូបយ៉ាងអាណាធិបតេយ្យ ពុំមានសមត្ថកិច្ចណាបង្ក្រាបឡើយ។ករណីនេះប្រជា
ពលរដ្ឋស្នើសុំលោកនាយខណ្ឌ័រដ្ឋបាលព្រៃឈើកំពង់ឆ្នាំង មេត្តាចុះបង្ក្រាបនិងទប់ស្កាត់អោយ
បានដល់មូលដ្ឋានផង ពុំនោះទេកូនខ្លុង កូនត្បែងមិនទាន់គ្រប់អាយុនិងត្រូវគេកាប់បំផ្លាញអស់
គ្មានសល់ឡើយ៕
